இந்தியாவில் மின்சார கார்களை களமிறக்கும் மாருதி சுஸுகி

-
இந்தியாவில் பெட்ரோல் மற்றும் டீசல் இன்ஜின் தேர்வுகளில்
இயங்கி வரும் தனது கார்களை எதிர்காலத்தில் ஹைப்ரிட்
அல்லது முழு மின்சார திறனில் தயாரிக்க மாருதி சுஸுகி
ஆயத்தமாகி வருகிறது.

அதன்படி, அந்நிறுவனம் விற்பனை செய்து வரும் ஆல்டோ,
செலிரியோ தொடங்கி பலேனோ, பிரிஸ்ஸா போன்ற
கார்கள் வரை மின்சாரம் அல்லது ஹைப்ரிட் திறனுக்கு
மாற்றப்படும் என எதிர்பார்க்கப்படுகிறது.

குறிப்பிட்ட இந்த கார்கள் அடுத்தடுத்து புதிய தலைமுறை
மாடலாக மாற்றப்படும்போது, அவை மின்சாரம் அல்லது
ஹைப்ரிட் தேர்வுகளில் வெளிவரும்.

2030-ம் ஆண்டிற்குள் இந்தியாவின் வாகன பயன்பாட்டை
மின்சார ஆற்றலுக்கு மாற்ற மத்திய அரசு காலக்கெடு
நிர்ணயித்துள்ளது. இந்த காலவரையை அடைவதற்குள்
பல நிறுவனங்களின் மின்சாரம் மற்றும் ஹைப்ரிட் கார்கள்
விற்பனைக்கு வந்துவிடும் என எதிர்பார்க்கப்படுகிறது.

தற்போது இந்தியாவில் மாருதி விற்பனை செய்துவரும்
சியாஸ் மற்றும் எர்டிகா கார்கள் மைல்டு-டீசல் ஹைப்ரிட்
தேர்வில் விற்பனையில் உள்ளது குறிப்பிடத்தக்கது.

இதன்காரணமாக பெட்ரோல், டீசலுக்கு மாற்றான ஆற்றலில்
வாகனங்களை தயாரிக்கும் பணியை மாருதி சுஸுகி முன்பே
தொடங்கி நடத்தி வருகிறது.

இந்தியாவில் ஜிஎஸ்டி அமல்படுத்தப்பட்டு
அது திருத்தப்பட்டபோது மைல்டு-ஹைப்ரிட் மற்றும்
முழு-ஹைப்ரிட் வாகனங்களுக்கு வரி விதிப்பு அதிகப்படுத்தப்
பட்டது. அதேபோல மின்சார ஆற்றலில் இயங்கும் வாகனங்கள்
ஜிஎஸ்டி-க்கு கீழ் 12 சதவீத வரி விதிப்பை பெறுகின்றன.

ஹைப்ரிட் வாகனங்களுக்கான வரி விதிப்பில் அரசு எந்த
மாற்றத்தையும் செய்வதாக இல்லை. இது பல்வேறு வாகன
தயாரிப்பு நிறுவனங்களுக்கு பெரிய அதிருப்தியாக
இருக்கின்றன.

இதன்காரணமாகவே மாருதி சுஸுகி தொடங்கி புதியதாக
கால்பதிக்கும் வாகன தயாரிப்பு நிறுவனங்கள் பல
ஹைப்ரிட் திறனை விட மின்சார ஆற்றல் பெற்ற வாகனங்களை
தயாரிக்க அதிகம் ஆர்வம் காட்டுகின்றன.

மஹாராஷ்டிரா மாநிலத்தில் நாக்பூர், கர்நாடகாவின்
தலைநகர் பெங்களூரில் மின்சார வாகனங்களுக்கு அடிப்படை
கட்டமைப்புகள் மேற்கொள்ளப்பட்டு வருகின்றன.

இத்தனை ஆண்டுகளாக பெட்ரோல், டீசல் எரிவாயுக்களை
நம்பி வாகன பயன்பாட்டை செய்து வந்த நாட்டில், ஒரு பெரிய
மாற்றத்தை வித்திடும் முயற்சி மிகப்பெரியது.

அதற்கு தற்போதில் இருந்தே பணிகளை தொடங்கினால்
மட்டுமே திட்டம் சாத்தியப்படும். ஆனால், மத்தியரசு இந்த
முயற்சியில் அலட்சியம் காட்டுவதாகவே குற்றச்சாட்டுகள்
எழுந்துள்ளன.

தனது மின்சார கார், விலை விவரத்தை மாருதி
வெளியிடவில்லை.
-
--------------------------------------
தினத்தந்தி

நல்ல முயற்சி ,மாருதி சுசுகி ஒரு காலத்தில் வாகன புரட்சியை ஏற்படுத்தியது.
மாருதி கார் வந்த பின்னர் சாலைகளில்
நிறைய கார்களை பார்த்தோம்.
அதேபோல் இனி நிறைய மின்சார
கார்களை எதிர் பார்க்கலாம்
நன்றி ஐயா

வாகன புகையால் ஏற்படும் மாசு கட்டுப்படும்

அனால் அதை சமன் செய்ய மாநகர பேருந்துகள் முயற்சி செய்யும்