தமிழக சட்டசபையில் பட்ஜெட் மீதான விவாதம் இன்று தொடக்கம்

**ayyasamy ram** · **ayyasamy ram** Mon Mar 19, 2018 8:28 am

சென்னை,

தமிழக சட்டசபையின் பட்ஜெட் கூட்டத் தொடர் கடந்த 15-ந் தேதி
தொடங்கியது. அன்றைய தினம் 2018-2019-ம் ஆண்டுக்கான பட்ஜெட்
தாக்கல் செய்யப்பட்டது. அன்று மாலையே சட்டசபை சிறப்புக் கூட்டம்
நடத்தப்பட்டு காவிரி மேலாண்மை வாரியம் அமைக்க வலியுறுத்தி
ஒருமனதாக தீர்மானமும் நிறைவேற்றப்பட்டது.

அதன்பிறகு, 16, 17, 18-ந் தேதிகளில் 3 நாட்கள் சட்ட சபைக்கு
விடுமுறை விடப்பட்டது. இந்த நிலையில், சட்டசபை இன்று
(திங்கட் கிழமை) மீண்டும் கூடுகிறது. காலை 10 மணிக்கு கேள்வி
நேரத்துடன் கூட்டம் தொடங்குகிறது. கேள்வி நேரம் முடிந்ததும்,
பட்ஜெட் மீதான விவாதம் நடக்கிறது.

இந்த விவாதத்தில் பங்கேற்று ஆளுங்கட்சி மற்றும் எதிர்க்கட்சி
உறுப்பினர்கள் பேசுகிறார்கள். பட்ஜெட் மீதான விவாதம் நாளையும்,
நாளை மறுநாளும் (21-ந் தேதி) தொடர்ந்து நடைபெறுகிறது. இறுதி
நாளான 22-ந் தேதி, உறுப்பினர்களின் கேள்விகளுக்கு பதில் அளித்து
துணை முதல்-அமைச்சரும், நிதி அமைச்சருமான ஓ.பன்னீர்செல்வம்
பேசுகிறார்.

அத்துடன் பட்ஜெட் கூட்டத் தொடர் நிறைவடைகிறது. தொடர்ந்து,
துறை ரீதியிலான மானியக் கோரிக்கை விவாதம் நடைபெற்றாக
வேண்டும். ஆனால், அந்தக் கூட்டத்தை உடனடியாக கூட்டாமல்,
சில மாத இடைவெளியில் கூட்டலாம் என்று முடிவு செய்யப்
பட்டிருப்பதாக தெரிகிறது.
-
------------------------------------
தினத்தந்தி

SK · SK Mon Mar 19, 2018 1:18 pm

மக்கள் மீது அக்கறை இல்லாத ஆளும் கட்சியும் எதிர்க்கட்சியும் என்ன விவாதம் செய்துவிடப்போகிறார்கள்

தமிழக சட்டசபையில் பட்ஜெட் மீதான விவாதம் இன்று தொடக்கம்

தமிழக சட்டசபையில் பட்ஜெட் மீதான விவாதம் இன்று தொடக்கம்

Re: தமிழக சட்டசபையில் பட்ஜெட் மீதான விவாதம் இன்று தொடக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக