நீங்கள் உண்பது சத்தான உணவா? கலோரி பார்த்தால்

உயரத்திற்கு ஏற்ப உடல் எடை இருக்க வேண்டும் என்ற விழிப்புணர்வு இருந்தாலும், நம்மவர்கள் அதை பின்பற்றுவதில் "முடியாது' ரகம்தான்.

இதனால் அதிக உடல் எடை, சிறிது தூரம் நடந்தாலே கீழ் மூச்சு, மேல் மூச்சு வாங்குதலுடன் பல நோய்களை தேடிச் செல்ல வேண்டியிருக்கும். "இதற்கு உணவுக் கட்டுப்பாடே சிறந்த மருந்து' என்கின்றனர் டாக்டர்கள்.

நார்ச்சத்து உள்ள பாகற்காய், சுரைக்காய், நூக்கல், கத்திரிக்காய், சவ்சவ், அவரைக்காய், முருங்கைக்காயை தினமும் உணவில் சேர்த்து கொள்ள வேண்டும்.


சாத்துக்குடி, ஆரஞ்சு, கொய்யா, திராட்சைபழமும் அவசியம். தினமும் 250 மி.லி., பால் பருக வேண்டும்.

எண்ணெய் வகைகளுக்கு "குட்பை' சொல்வது உடல்நலத்திற்கு நல்லது.


சாப்பாடு நேரம் நீங்கலாக பிற நேரத்தில் பசி எடுத்தால் காய்கறி சூப், பச்சை காய்கறிகள், அரிசிப் பொரி, அவல், மோர், ஓட்ஸ் கஞ்சி, பழ ஜூஸ் போன்றவை எடுத்துக் கொள்ளலாம். புரதச் சத்துடைய கோழி, மீன் வகைகளையும், முட்டையின் வெள்ளைக் கருவையும் உண்ணலாம்.



மதுரை மீனாட்சி மிஷன் ஆஸ்பத்திரி டயட்டீசியன் எஸ். அங்கயற்கண்ணி கூறியதாவது :



நாம் தினமும் உட்கொள்ளும் உணவுகளில் இருந்தே தேவையான கலோரி கிடைக்கிறது.





அனைத்து வயதினரும் அதிக புரதச்சத்துள்ள உணவுகள், இரும்புச் சத்து மற்றும் சுண்ணாம்பு சத்துக்களான உலர்ந்த பழங்கள், கீரை வகைகள், பருப்பு மற்றும் பயறு வகைகள், சோயா பீன்ஸ் போன்றவற்றை அதிகம் எடுத்துக் கொள்ள வேண்டும்.







நோய் எதிர்ப்பு சக்தியை கொடுக்கும் காய்கறிகள், கீரைகள், பழங்களும் உணவில் சேர்ப்பது அவசியம். தினமும் உண்ணும் உணவு மாறுபட்டு இருக்க வேண்டும்.





வெளி இடங்களில் உணவுப் பொருட்கள் வாங்கி உண்பதை தவிர்க்க வேண்டும். வயதானவர்கள் உயரம், எடையை பொருத்தும் அவர்களின் நோயின் தன்மையை பொருத்தும் டாக்டர் அல்லது டயட்டீசியன் ஆலோசனைபடியும் உணவு எடுத்துக் கொள்வது நல்லது. இவ்வாறு கூறினார்.




தினமும் எவ்வளவு கலோரி தேவை:



வயது/ சராசரி எடை (கிலோ)/ தேவையான கலோரி



4-6 / 19 / 1690
7-9/ 26.9 / 1950
10-12/ 31.5 - 34.5 / 1970
13 -15 / 46.7 - 47.8/ 2060 - 2450
16 -18/ 49.9 - 57.1 / 2060 - 2640





நன்றி தினமலர்.