200 யூனிட் வரை மின் கட்டணம் இலவசம்: 201 முதல் 400 வரை 50% மானியம்...டெல்லி முதல்வர் அரவிந்த கெஜ்ரிவால் அறிவிப்பு

டெல்லி:
டெல்லியில் 200 யூனிட் வரை மின்சாரம் பயன்படுத்துவோருக்கு
கட்டணம் வசூலிக்கப்படாது என மாநில முதல்வர் அரவிந்த
கெஜ்ரிவால் அறிவித்துள்ளார்.

டெல்லியில் செய்தியாளர்களிடம் பேட்டியளித்த
அரவிந்த கெஜிர்வால், 201 யூனிட் முதல் 400 யூனிட் வரை பயன்
படுத்துவோருக்கு 50% மானியம் வழங்கப்படும் என்றும்
தெரிவித்துள்ளார்.

250 யூனிட் பயன்படுத்தி முதலில் நீங்கள் ரூ.800 மின்கட்டணம்
செலுத்தி இருப்பீர்கள், ஆனால் இப்போது, ரூ.252 செலுத்தினால்
போதும் என்றும் 300 யூனிட் பயன்படுத்தி முதலில் நீங்கள்
ரூ.971 மின்கட்டணம் செலுத்தி இருப்பீர்கள், ஆனால் இப்போது,
ரூ.526 செலுத்தினால் போதும், என்றும் 400 யூனிட் பயன்படுத்தி
முதலில் நீங்கள் ரூ.1320 மின்கட்டணம் செலுத்தி இருப்பீர்கள்,
ஆனால் இப்போது, ரூ.1075 செலுத்தினால் போதும் என்று
தெரிவித்தார்.

இதன் மூலம் நாட்டிலேயே மிகக்குறைந்த மின்கட்டணம்
வசூலிக்கும் மாநிலமாக டெல்லி முதலிடம் பெற்றுள்ளது.

இதற்கிடையே, முன் அறிவிப்பில்லாத மின்வெட்டு ஏற்படும்
பட்சத்தில் அதற்கு இழப்பீடு வழங்கப்படும் என டெல்லி அரசு
கடந்த வருடம் அறிவித்தது. மின்சாரம் என்பது தினசரி
தேவைகளில் ஒன்று.

தொழில் நிறுவனங்களில் மின்வெட்டு இருக்கும்பட்சத்தில்
வருவாய் குறையும். வளர்ச்சியும் குறையும். வீடுகளில் மின்வெட்டு
இருந்தாலும் மக்கள் சிரமத்திற்கு ஆளாகுவார்கள்.

எனவே தடையில்லா மின்சாரம் வழங்க அனைத்து மாநில
அரசுகளும் நடவடிக்கை எடுத்து வருகின்றன. இந்நிலையில்
முன் அறிவிப்பில்லாத மின்வெட்டு இருக்கும்பட்சத்தில் அதற்கு
இழப்பீடு வழங்கப்படும் என டெல்லி அரசு அறிவித்தது.

அதன்படி 1 ஒரு மணி நேரத்திற்கு ரூபாய் 50 இழப்பீடு வழங்கப்படும்.
இதுவே இரண்டு மணி நேரத்தை தாண்டி மின்வெட்டு இருக்கும்
பட்சத்தில் அதன்பின் 1 மணி நேரத்திற்கு ரூபாய் 100 இழப்பீடு
வழங்கப்படும்.

அதாவது முதல் இரண்டு மணி நேர மின் வெட்டிற்கு 1 மணி நேர
கால அளவிற்கு 50 ரூபாய் என்ற அடிப்படையிலும், அதன்பின்
1 மணி நேரத்திற்கு ரூபாய் 100 என்ற அடிப்படையிலும் இழப்பீடு
வழங்கப்படும்.

அதிகப்பட்சமாக ரூபாய் 5000 வரையில் இழப்பீடு வழங்கப்படும்.
இத்திட்டம் டெல்லியில் அமலில் உள்ளது குறிப்பிடத்தக்கது.
-
--------------------------------
தினகரன்

புது தில்லியின் காலநிலையானது ஈரமான மிதவெப்பப்
பருவத்தைக் கொண்டுள்ளது. அதனால் இங்கு, கோடை
மற்றும் குளிர் காலங்களில் அதன் உச்சத்தில் இருக்கும்.

தட்பவெப்பநிலை, கோடைக் காலங்களில் 46 °C (115 °F)ம்,
குளிர் காலங்களில் 0 °C (32 °F)ம் இருக்கும்.
--
அதிக வெயில் மற்றும் அதிக குளிருக்கு நம் உடல்
ஒத்துழைக்கும் என்றால் அங்கே குடியேறலாம்.....!
-
-------------------------------