பற்றை மறக்கச் செய்யும் ஞான தீர்த்தம் ...

**ayyasamy ram** · **ayyasamy ram** Thu Mar 15, 2018 7:19 pm

கி.வா.ஜகன்னாதன், ஒரு கட்டுரையில்:

நான், காபி சாப்பிடுவதில்லை; எனினும், காபியின் சுவையை
அறியாதவன் அல்ல. இளமையில் சாப்பிட்டேன்;
பின், விட்டு விட்டேன்.

என் ஆசிரியர், உ.வே.சா., காபி சாப்பிடுவதுண்டு.
அவர், இளம் பிராயத்தில் காபி சாப்பிடவில்லை;
பின், தம் தந்தைக்கு தெரியாமல் சாப்பிட்டார்.

பிற்பகல் நேரத்தில், அவர் காபி பருகும்போது, நான் அருகில்
இருப்பேன். 'உனக்கு கொடுக்காமல் சாப்பிடுறேனே...' என்று
வருந்துவார். அதனால், அவர் கொடுக்கும் காபியை
அருந்தினேன். பின், இருவேளையும் காபி சாப்பிடத் துவங்கினேன்.
அவர், அமரரான பின், மறுபடியும் காபியை விட்டு விட்டேன்.

மீண்டும் காபி சாப்பிட துவங்கியபோது, என் அன்னை இருந்தார்.
அப்போது ஒரு விசித்திரத்தைக் கவனித்தேன். பகல் உணவு நேரம்
வந்தால், எவ்வளவு நேரமானாலும், உண்ணாமல் எனக்காக
காத்திருப்பார், என் அம்மா.

ஆனால், காபி விஷயத்தில் அப்படியில்லை; எனக்கு
கொடுக்காமலேயே சாப்பிட்டு விடுவார். அப்போது தான் காபியின்
வலிமையை உணர்ந்தேன். தாயன்பையும் மாற்றும் கொடிய பானம்;
பற்றை மறக்கச் செய்யும் ஞான தீர்த்தம் அது என்று!
-
------------------------------

நடுத்தெரு நாராயணன்
வாரமலர்

_________________

**பழ.முத்துராமலிங்கம்** · 27/09/2015

நிறைய பேர் காபிக்கு அடிமைகள்

இந்த பதிவைத் துவங்கியவர் நன்றி கூறியுள்ளார் பழ.முத்துராமலிங்கம்

பற்றை மறக்கச் செய்யும் ஞான தீர்த்தம் ...

பற்றை மறக்கச் செய்யும் ஞான தீர்த்தம் ...

Re: பற்றை மறக்கச் செய்யும் ஞான தீர்த்தம் ...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக