முழு அரசியல்வாதி ஆகவில்லை: ரஜினி

by **ayyasamy ram** Wed Mar 14, 2018 6:55 am

டேராடூன்:
நான் இன்னும் முழுநேர அரசியல்வாதியாகவில்லை என நடிகர்
ரஜினி கூறியுள்ளார்.

அரசியலில் வெற்றிடம் ஏற்பட்டுள்ளதாக கூறிய நடிகர் ரஜினி
அதனை நிரப்ப அரசியலில் களம் இறங்க போவதாக
அறிவித்தார். இதற்கான ஏற்பாடுகளையும் செய்து வந்த அவர்,
இமயமலை கிளம்பி சென்றார்.

தர்மசாலாவில் உள்ள தியான மடத்தில் தங்கியிருந்த அவர்
தொடர்ந்து உத்தர்கண்ட் மாநிலம் டேராடூனுக்கு சென்றுள்ளார்.

அங்கு நிருபர்களை சந்தித்த ரஜினி கூறுகையில், நான் அரசியல்
ரீதியாக எந்த கேள்விக்கும் பதிலளிக்க விரும்பவில்லை. இன்னும்
அரசியல் கட்சி துவக்கவில்லை. நான் இன்னும் முழுநேர
அரசியல்வாதியாகவில்லை எனக்கூறினார்.

முன்னதாக இன்று காலை ரஜினி அளித்த பேட்டியில், ஆன்மிக
பயணமாகவே டேராடூன் வந்துள்ளேன். இதில் அரசியல் ஏதுமில்லை.
நடிகர் அமிதாப் மருத்துவமனையில் அனுமதிக்கப்பட்டது
தற்போது தான் தெரியவந்தது. அவர் குணமடைய கடவுளை
பிரார்த்திப்பதாக கூறியிருந்தார்.
-
-----------------------------------
தினமலர்

by krishnanramadurai Wed Mar 14, 2018 7:27 am

பேசாமல் இறைவனை முழுமையாக நம்பும் இவர், நமக்காகவும் இறைவனை பிரார்த்தனை மட்டும் செய்யட்டும்.
இவரோ கமலோ வந்தாலும் கூட வரும் குப்பைகள் முன்பே நாம் கொட்டிவைத்த நாற்றம் பிடித்த குப்பைகள்தான்.

by **M.Jagadeesan** Wed Mar 14, 2018 9:15 am

இவர் பின் சென்றால் , மண்குதிரையை நம்பி ஆற்றில் இறங்கிய கதைதான் .

நம்மால் ஒருசெயலை செய்யமுடியாது என்றால் , அதில் ஈடுபடக்கூடாது . ரஜினி அரசியலுக்கு 100 % சரிப்பட்டு வரமாட்டார் . அதற்கான துணிச்சல் அவரிடம் இம்மியளவுகூட இல்லை . அமிதாப்பின் நலத்திற்காகப் பிரார்த்தனை செய்பவர் , குரங்கணி தீ விபத்தில் இறந்தவர்களுக்காக , ஒரு வார்த்தை கூடப் பேசவில்லை . திருச்சியில் , காவல்துறை ஆய்வாளர் எட்டி உதைத்ததால் , இருசக்கர வாகனத்திலிருந்து , கீழே விழுந்து இறந்த பெண்மணிக்கு ஒரு அனுதாபம் இல்லை .

இவரா தலைவன் ?

தூங்காமை கல்வி துணிவுடைமை இம்மூன்றும்
நீங்கா நிலனாள் பவர்க்கு .

என்பார் அய்யன் வள்ளுவர் .

தூங்காமை என்றால் காலம் தாழ்த்தாமை . ரஜினி அரசியலுக்கே காலம் தாழ்ந்துதான் வருகிறார் . பெரியாரைப் பற்றி H . ராஜா பேசியபோது கூட , இவர் உடனே கருத்துத் தெரிவிக்கவில்லை . மற்றவர்கள் தூண்டிய பிறகுதான் , தன கருத்தைத் தெரிவித்தார் .

துணிவுடைமை இவரிடம் மருந்துக்குக்கூட இல்லை .

இப்படிப்பட்டவர் அரசியலுக்கு வராமல் இருப்பது , அவருக்கும் நல்லது ; நாட்டுக்கும் நல்லது .

by **T.N.Balasubramanian** Wed Mar 14, 2018 10:17 am

அரை கிணறு தாண்டிய முழு மனிதரா இவர் ?

ரமணியன்

by krishnanramadurai Wed Mar 14, 2018 10:20 am

T.N.Balasubramanian wrote:அரை கிணறு தாண்டிய முழு மனிதரா இவர் ?

ரமணியன்

மேற்கோள் செய்த பதிவு: 1262254
அவரை கிணற்றில் இருந்து தண்ணீர் எடுத்துத்தரச்சொன்ன நம் மடமையை என்சொல்வது

by **T.N.Balasubramanian** Wed Mar 14, 2018 10:27 am

ஜிவ் என்று மேலே எழும்பி தருவார் தண்ணீர்.

ரமணியன்

by SK Wed Mar 14, 2018 10:50 am

ஆன்மிக
பயணமாகவே டேராடூன் வந்துள்ளேன். இதில் அரசியல் ஏதுமில்லை

ஆன்மீக அரசியல் என்று சொல்லிவிட்டு இப்போது ஆன்மீகம் வேறு அரசியல் வேறு என்பதை போல பேசுகிறார் இவரை போல சித்த ஸ்வாதீனம் இல்லாதவர்கள் பேச்சை கேட்கவே கூடாது அப்படி கேட்கும் அவர் ரசிகர்கள் சேது பட விக்ரம் போலத்தான் திரிய போகிறார்கள்

உண்பேச்சை கேட்பதைவிட பைத்தியமாக இருப்பதே மேல்

by Guest Wed Mar 14, 2018 8:59 pm

ஆன்மீக அரசியலின் தந்தை நம் தலைவர்? இமயத்தில்……
திரும்பியதும் மருத்துவ சிகிச்சை,தொடர்ந்து கார்த்திக் சுப்புராஜ் இயக்க படம்

நன்றி-ரஜனி இரசிகர் மன்றம்/RajinikanthArmy

by Sponsored content

முழு அரசியல்வாதி ஆகவில்லை: ரஜினி

முழு அரசியல்வாதி ஆகவில்லை: ரஜினி

Re: முழு அரசியல்வாதி ஆகவில்லை: ரஜினி

Re: முழு அரசியல்வாதி ஆகவில்லை: ரஜினி

Re: முழு அரசியல்வாதி ஆகவில்லை: ரஜினி

Re: முழு அரசியல்வாதி ஆகவில்லை: ரஜினி

Re: முழு அரசியல்வாதி ஆகவில்லை: ரஜினி

Re: முழு அரசியல்வாதி ஆகவில்லை: ரஜினி

Re: முழு அரசியல்வாதி ஆகவில்லை: ரஜினி

Re: முழு அரசியல்வாதி ஆகவில்லை: ரஜினி