ஊழல் மூலம் சொத்துக்கள் குவித்த ஓ.பன்னீர்செல்வம் மீது நடவடிக்கை கோரி விஜிெலன்ஸ் இயக்குனரிடம் திமுக மனு

சென்னை:
பதவியை பயன்படுத்தி ஊழல் மூலம் சொத்துக்களை குவித்து
தேர்தல் விதிமுறைகளை மீறிய ஓ. பன்னீர்செல்வம் மற்றும்
அவரது குடும்பத்தினர் மீது நடவடிக்கை எடுக்குமாறு ஊழல்
தடுப்பு விஜிெலன்ஸ் இயக்குனருக்கு திமுக அமைப்பு
செயலாளர் ஆர்.எஸ். பாரதி எம்.பி. கோரிக்கை மனு
அனுப்பியுள்ளார்.

மனுவில் ஆர்.எஸ். பாரதி கூறியிருப்பதாவது:
தற்போதைய துணை முதல்வர் ஓ.பன்னீர்செல்வம் பல்வேறு
துறைகளை வைத்துள்ளார். அவர் தனது பதவிக்காலத்தில்
பதவியை தவறாக பயன்படுத்தி ஊழல் மூலம் முறைகேடாக
சட்ட விரோதமாக சொத்துக்களை தனது பெயரிலும் மனைவி,
சகோதரர்கள், உறவினர்கள், பினாமிகள் பெயரில் மிக அதிக
அளவில் குவித்தார்.

பெருமளவு தொகையை பல்வேறு நிறுவனங்களில் முதலீடு
செய்தார்.

ஆனால் வருமான வரித்துறையினரிடம் சரியான கணக்கு
விவரங்களுக்கு பதிலாக தவறான விவரங்களை தாக்கல்
செய்துள்ளார். அதேபோல தேர்தல் ஆணையத்திலும் தவறான
சொத்து விவரங்களை தந்துள்ளார்.

2016ல் தேர்தல் பிரமாண வாக்குமூலத்தில் தனது வருவாய்
ரூ.5 லட்சத்து 80 ஆயிரத்து 875 என்று கூறியுள்ளார். ஆனால்
அந்த நேரத்தில் ரூ.17 லட்சம் மதிப்புள்ள இன்னோவா கார்
வாங்கியுள்ளார். (இதே போல ஓ. பன்னீர் செல்வம் மற்றும்
மனைவி, குடும்பத்தினர் பெயரில் உள்ள சொத்து விவரங்களை
விரிவாக குறிப்பிட்டுள்ளார்.)

சிபிஐ விசாரணைக்கு உட்பட்டுள்ள சேகர் ரெட்டியுடன்
ஓ. பன்னீர்செல்வத்திற்கு நேரடி தொடர்பும் உள்ளது.
சேகர் ரெட்டியிடம் சிக்கிய டைரி மூலம் ஓ. பன்னீர்செல்வமும்
மற்றவர்களும் 4 மாதத்தில் ரூ.4 கோடிக்கு மேல் பெற்றுள்ளனர்
என்பது வெளியாகியுள்ளது.

தேர்தல் விதிமுறைகளுக்கு நம்பிக்கை துரோகம் செய்துள்ளார்.
இது குறித்து விரிவான விசாரணை நடத்த வேண்டியது
அவசியமாகிறது.

எனவே இது பற்றிய விசாரணைக்கு நடவடிக்கை எடுக்குமாறு
கேட்டுக் கொள்கிறேன். இவ்வாறு மனுவில் கூறியுள்ளார்.
-
-------------------------------
தினகரன்

தற்போதைய துணை முதல்வர் ஓ.பன்னீர்செல்வம் பல்வேறு
துறைகளை வைத்துள்ளார்

இதுக்கு தானே தர்ம யுத்தம்மெல்லாம் நடத்துனது இப்போ வந்து இதெல்லாம் பண்ண கூடாதுனு சொன்ன தர்மயுத்தம் 2.0 நடத்த வேண்டும் போல

...அவரின் வலது கையாச்சே.கை வைக்க முடியுமா?

மூர்த்தி wrote:...அவரின் வலது கையாச்சே.கை வைக்க முடியுமா?

மேற்கோள் செய்த பதிவு: 1262182

அப்போ இடது கை

அம்மாவின் கார் டயரைத் தொட்டுக்கும்பிட்டது ; உடம்பை 90 டிகிரி கோணத்தில் வில்லாக வளைத்துக்  கும்பிட்டது ; இப்போது மோடியின் காலில் விழுந்துகிடப்பது எல்லாமே , கொள்ளையடித்த சொத்தை காப்பாற்றிக் கொள்வதற்குத்தான் !

இடது கை? சொல்ல மாடடேன். வேண்டும் என்றால் clue கொடுக்கலாம்.

தமிழ் நாட்டில்...
எடுத்ததற்கெல்லாம் கொதித்தெழுந்து கடுமையான விமர்சனம் செய்யும் ஒருவர், மேலிடம் பகிரங்கமாக அவர் மீது நடவடிக்கை எடுக்க மாட்டோம் என அறிவிக்கப்பட்ட ஒருவர்........

அவரே ...அவரின்....? இடது கை.

சலுகை பல கிடைத்தால்
வலது கை இடது கை என பல கைகள் தோன்றும்.

ரமணியன்