சிறையில் சசிகலா சாதாரண உடை அணிந்திருந்ததாக மீண்டும் சர்ச்சை

**ayyasamy ram** · **ayyasamy ram** Mon Mar 12, 2018 6:19 am

பெங்களூரு,

சொத்துக்குவிப்பு வழக்கில் தண்டனை பெற்ற சசிகலா, இளவரசி, சுதாகரன் ஆகியோர் பெங்களூரு பரப்பன அக்ரஹாரா சிறையில் அடைக்கப்பட்டு உள்ளனர். சிறையில் ரூ.2 கோடி லஞ்சமாக பெறப்பட்டு சசிகலாவுக்கு சொகுசு வசதிகள் செய்யப்பட்டு இருப்பதாக குற்றச்சாட்டு எழுந்தது.

இது தொடர்பாக கர்நாடக ஊழல் தடுப்பு படை போலீசார் வழக்கு பதிவு செய்து விசாரணை நடத்தி வருகின்றனர்.

இந்த நிலையில் நேற்று முன்தினம் தேசிய மகளிர் ஆணையத்தின் தலைவி ரேகா சர்மா திடீரென பெங்களூரு பரப்பன அக்ரஹாரா சிறைக்கு சென்று ஆய்வு செய்தார். அப்போது, பெண் கைதிகள் அடைக்கப்பட்டு இருக்கும் பகுதியில் சசிகலா, இளவரசி ஆகியோர் சிறை சீருடை அணியாமல் சாதாரண ஆடைகள் அணிந்திருந்ததை அவர் பார்த்து கோபம் அடைந்தார்.

மேலும், ‘சசிகலா, இளவரசி ஆகியோர் சாதாரண ஆடைகள் அணிவதற்கு எப்படி அனுமதி வழங்கினீர்கள்?’ என்று அங்கு உள்ள சிறை அதிகாரிகளை கடிந்து கொண்டு கேட்டார்.

அதைத்தொடர்ந்து ‘சாதாரண உடைகள் உங்களுக்கு எங்கிருந்து கிடைத்தது’ என்று ரேகா சர்மா, சசிகலாவிடம் கேட்டார். இந்த கேள்விக்கு பதில் அளிக்காமல் சசிகலா அமைதியாக இருந்ததாக கூறப்படுகிறது. இதனால் சசிகலா இருந்த சிறை அறைக்குள் சென்று ரேகா சோதனையிட்டார். அப்போது, ஒரு பையில் பல்வேறு வகையான வண்ண, வண்ண ஆடைகள் இருந்ததாக தெரிகிறது.

பின்னர், சசிகலாவிடம் சுமார் 5 நிமிடங்கள் வரை ரேகா சர்மா பேசினார். அப்போது, அவர் சிறை நிலவரங்கள் பற்றி கேட்டறிந்தார். அதற்கு சசிகலா ஆங்கிலத்தில் பேசி பதில் அளித்தார். ‘அனைத்து வசதிகளும் நன்றாக உள்ளது. கம்ப்யூட்டர் மற்றும் கன்னடம் கற்றுக் கொள்கிறேன்’ என்று அவரிடம் கூறியதாக தெரிகிறது.
-
இருப்பினும் ஆய்வின்போது சசிகலா சாதாரண உடையில் இருந்த சம்பவம் மீண்டும் சர்ச்சையை ஏற்படுத்தியுள்ளது.

இதற்கிடையே, முதல்–மந்திரி சித்தராமையா துமகூரு நகரில் நிருபர்களிடம் கூறுகையில், ‘‘பெங்களூரு சிறையில் இருக்கும் சசிகலாவுக்கு சொகுசு வசதிகளை செய்து கொடுக்க மாட்டோம். அத்தகைய வேலையை நாங்கள் செய்ய மாட்டோம்’’ என்றார்.
-
-----------------------------------------------------

தினத்தந்தி

SK · SK Mon Mar 12, 2018 12:29 pm

அரசியல்ல இதெல்லாம் சாதாரணப்பா

**T.N.Balasubramanian** · **T.N.Balasubramanian** Mon Mar 12, 2018 9:21 pm

சட்டத்திற்கு /சிறை விதிமுறைகளுக்கு முரண்பாடு என்றால்
வண்ண வண்ண ஆடைகளை கைப்பற்றவேண்டியதுதானே.!

ஏன் செய்யவில்லை? பேசாமல் இருப்பதும் அதற்கு ஒத்துக்கொண்டதற்கு சமம்தானே !!

ரமணியன்

krishnanramadurai · krishnanramadurai Mon Mar 12, 2018 10:00 pm

இதற்க்கு பிஜேபி மதவாத கட்சிதான் காரணம்.

**ayyasamy ram** · **ayyasamy ram** Wed Mar 14, 2018 6:53 am

சிறையில் சசிகலா சாதாரண உடை அணிந்திருந்ததாக மீண்டும் சர்ச்சை 201803130110167935_Casual-dressed-Shashikala_SECVPF

-
பெங்களூரு,

பெங்களூரு பரப்பனஅக்ரஹாரா சிறையில் உள்ள சசிகலாவுக்கு
சொகுசு வசதிகள் செய்து கொடுக்கப்பட்டதாக குற்றச்சாட்டுகள்
கூறப்பட்டு உள்ளன. இதற்காக சிறைத்துறை முன்னாள் டி.ஜி.பி.
சத்திய நாராயணராவ் ரூ.2 கோடி லஞ்சமாக பெற்றதாகவும் அவர்
மீது முன்னாள் சிறைத்துறை டி.ஐ.ஜி. ரூபா குற்றம்சுமத்தி யுள்ளார்.

இதுகுறித்து சத்திய நாராயணராவ் மீது ஊழல் தடுப்பு படை வழக்குப்
பதிவு செய்து விசாரணையை தொடங்கி உள்ளது.

இந்த நிலையில், கடந்த 17-ந் தேதி பரப்பனஅக்ரஹாரா சிறையில்
தேசிய மகளிர் ஆணைய தலைவி ரேகா சர்மா திடீரென்று ஆய்வு
செய்தார். அப்போது, அவர் சிறையில் சசிகலா மற்றும் இளவரசி
ஆகியோர் சிறை சீருடையின்றி, சாதாரண உடையில் இருப்பதை
பார்த்து அதிகாரியிடம் கடிந்து கொண்டார்.

இந்த வேளையில், அவர்கள் 2 பேரும் சிறை விதிமுறைக்கு உட்பட்டு
தான் சாதாரண ஆடை அணிந்திருந்ததாக அதிகாரிகள்
ரேகா சர்மாவிடம் கூறினார்கள். இந்த சம்பவம் சர்ச்சையை
ஏற்படுத்தியுள்ளது.

இந்த நிலையில், சிறையில் ரேகா சர்மா ஆய்வு செய்தபோது சாதாரண
ஆடையில் சசிகலா இருக்கும் படம் சமூகவலைத்தளங்களில் வெளியாகி
பரபரப்பை ஏற்படுத்தி உள்ளன.
-
-----------------------------------
தினமலர்

**T.N.Balasubramanian** · **T.N.Balasubramanian** Wed Mar 14, 2018 10:25 am

படமில்லா பதிவை ஏற்கனவே 12 தேதி நீங்கள் பதிவிட்டு உள்ளீர்களே ram .
இணைத்துவிடுகிறீர்களா?
{ http://www.eegarai.net/t143946-topic }
ரமணியன்

**ayyasamy ram** · **ayyasamy ram** Wed Mar 14, 2018 11:41 am

சிறையில் சசிகலா சாதாரண உடை அணிந்திருந்ததாக மீண்டும் சர்ச்சை 1571444738

**T.N.Balasubramanian** · **T.N.Balasubramanian** Wed Mar 14, 2018 12:25 pm

இணைக்கப்பட்டு விட்டது .ram
ரமணியன்

Sponsored content · Sponsored content

சிறையில் சசிகலா சாதாரண உடை அணிந்திருந்ததாக மீண்டும் சர்ச்சை

சிறையில் சசிகலா சாதாரண உடை அணிந்திருந்ததாக மீண்டும் சர்ச்சை

Re: சிறையில் சசிகலா சாதாரண உடை அணிந்திருந்ததாக மீண்டும் சர்ச்சை

Re: சிறையில் சசிகலா சாதாரண உடை அணிந்திருந்ததாக மீண்டும் சர்ச்சை

Re: சிறையில் சசிகலா சாதாரண உடை அணிந்திருந்ததாக மீண்டும் சர்ச்சை

சிறையில் தேசிய மகளிர் ஆணைய தலைவி ஆய்வு: சாதாரண உடையில் சசிகலா இருக்கும் படம் வெளியானது

Re: சிறையில் சசிகலா சாதாரண உடை அணிந்திருந்ததாக மீண்டும் சர்ச்சை

Re: சிறையில் சசிகலா சாதாரண உடை அணிந்திருந்ததாக மீண்டும் சர்ச்சை

Re: சிறையில் சசிகலா சாதாரண உடை அணிந்திருந்ததாக மீண்டும் சர்ச்சை

Re: சிறையில் சசிகலா சாதாரண உடை அணிந்திருந்ததாக மீண்டும் சர்ச்சை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக