குறட்பாவில் நாட்டு நடப்பு "

by **M.Jagadeesan** Sat Mar 10, 2018 9:51 pm

First topic message reminder :

ரமணியன் ஐயா கேட்டுக்கொண்டதற்கிணங்க , " குறட்பாவில் நாட்டு நடப்பு " என்ற இந்தத் திரியைத் தொடங்குகிறேன் . நாட்டிலே அன்றாடம் நடக்கும் நிகழ்வுகளைக் குறட்பாவில் வடிப்பதே இந்தத் திரியின் நோக்கமாகும் . அதே சமயத்தில் குறட்பாவை எவ்வாறு எழுதுவது என்றும் தெரிந்து கொள்ளலாம் .

குறட்பா , வெண்பாவின் இலக்கணத்தின் அடிப்படையில் அமைந்த ஈரடிச் செய்யுளாகும் . இதைக் கற்றுக்கொண்டால் வெண்பா எழுதுவது மிகவும் எளிது . அனைவரும் இதில் பங்கு கொள்ளவேண்டும் என்பதே என் அவா ! தவறுகள் இருப்பின் திருத்திக் கொள்ளலாம் !

தற்காலத்தில் , கவிதைகள் என்ற பெயரில் ,வருவன எல்லாம் கவிதைகள் அல்ல ! அவையெல்லாம் வார்த்தை ஜாலங்களே தவிர வேறல்ல ! சினிமாக் கவிதைகள் போன்று அவையெல்லாம் , காலப்போக்கில் மறைந்துவிடும் .மரபுக் கவிதைகள் மட்டுமே நிலைத்து நிற்கும் ; நிலையான இன்பத்தைத் தரும் .

சரி , இப்போது ஒரு குறட்பாவைப் பார்ப்போமா !

நாட்டிலுள்ள வெற்றிடத்தை நானே நிரப்பிடவே
ஓட்டளிப்பீர் என்றும் எனக்கு .

by krishnanramadurai Wed Mar 14, 2018 6:06 pm

வர்ணங்கள் தொழில், மன அடிப்படையிலான பிரிவு என்று நான் நம்புவதால் தங்கள் கூற்று எனக்கும் ஏற்புடையதே.
பார்ப்பானும் அந்தணரும் வேறு என்று தாங்கள் பிரித்து காட்டுவதும் எனக்கு ஏற்புடையதே.
அறவழி நிற்போர் எல்லாம் அந்தணர்களே. இதை தாங்கள் கூறும் பொது பார்ப்பானும் அந்தணன் ஆகவேண்டும், சிலராவது இருந்திருப்பார்கள் என்பது என் எண்ணம்.
நான்கு வர்ணத்தை வள்ளுவர் குறிப்பிட்டிருக்கிறார் என்ற என் எண்ணம் இன்னும் மாறவில்லை.

by **M.Jagadeesan** Thu Mar 15, 2018 9:44 am

நாட்டு நடப்பு குறட்பா :
*************************************

மோடியலை ஓய்ந்ததடா மூன்றுமே போனதடா
ஆடி அடங்கினார் இன்று .

சமீபத்தில் நடந்த MP இடைத்தேர்தலில் , மூன்றிலும் BJP படுதோல்வி அடைந்தது .

by **T.N.Balasubramanian** Thu Mar 15, 2018 11:17 am

M.Jagadeesan wrote:நாட்டு நடப்பு குறட்பா :
*************************************

மோடியலை ஓய்ந்ததடா மூன்றுமே போனதடா
ஆடி அடங்கினார் இன்று .

சமீபத்தில் நடந்த MP இடைத்தேர்தலில் , மூன்றிலும் BJP படுதோல்வி அடைந்தது .

மேற்கோள் செய்த பதிவு: 1262368

மோடியலை ஓய்ந்ததடா மூன்றுமே போனதடா
தேடியலை தவறு யாதென்று ?

இப்பிடி இருந்தால் எப்பிடி இருக்கும் அய்யா?

ரமணியன்

by **M.Jagadeesan** Thu Mar 15, 2018 11:56 am

மோடியலை ஓய்ந்ததடா மூன்றுமே போனதடா
தேடியலை யார்தவ ரென்று .

என்றிருக்கவேண்டும் ஐயா !

கொஞ்சம் சிரமப்பட்டால் , தாங்களும் குறட்பா எழுதமுடியும் ஐயா ! என்னுடைய " புள்ளி இல்லாத வெண்பா " மற்றும் பழமுரா அவர்களின் " திருக்குறளின் இலக்கணம் அறிவோம் " ஆகிய திரிகளைப் பார்த்தாலே போதும் .

by **M.Jagadeesan** Thu Mar 15, 2018 12:02 pm

மாறன் சகோதரர்கள் BSNL முறைகேடு வழக்கிலிருந்து விடுதலை ;
******************************************************************************************************
நாட்டு நடப்பு குறட்பா :
+++++++++++++++++++++++

மாறன் சகோதரர்கள் மாசில்லா தங்கமென
கூறியதே நீதிதரும் மன்று .

by Sponsored content

குறட்பாவில் நாட்டு நடப்பு "

குறட்பாவில் நாட்டு நடப்பு "

Re: குறட்பாவில் நாட்டு நடப்பு "

Re: குறட்பாவில் நாட்டு நடப்பு "

Re: குறட்பாவில் நாட்டு நடப்பு "

Re: குறட்பாவில் நாட்டு நடப்பு "

Re: குறட்பாவில் நாட்டு நடப்பு "

Re: குறட்பாவில் நாட்டு நடப்பு "