லெனின் சிலை உடைப்பு எதிரொலி: மேற்கு வங்கத்தில் பாஜக நிறுவனர் எஸ்பி முகர்ஜி சிலை உடைப்பு, கறுப்பு மை பூச்சு

-
கொல்கத்தாவில் சேதப்படுத்தப்பட்ட எஸ்பி முகர்ஜியின் சிலை - படஉதவி: ஏஎன்ஐ
-----------------------------------

திரிபுரா மாநிலத்தில் கம்யூனிஸ்ட் புரட்சியாளர் லெனின் சிலையையும், வேலூரில் பெரியார் சிலையையும் பாஜகவினர் உடைத்தற்கு பதிலடியாக, மேற்கு வங்காள மாநிலத்தில் உள்ள ஜாதவ்பூர் பல்கலை மாணவர்கள் பாஜக நிறுவனர் ஷியாமா பிரசாத் முகர்ஜியின் சிலையை உடைத்து முகத்தில் கறுப்பு மை பூசினர்.

திரிபுராவில் நடந்த சட்டசபைத் தேர்தலில் பாஜக கூட்டணி கட்சி வெற்றி பெற்ற பின் கம்யூனிஸ்ட் கட்சியனர் மீதான தாக்குதல் தொடங்கியுள்ளது.

பாஜக தலைமையில் ஆட்சிப் பொறுப்பு ஏற்பதற்குள் பாஜகவினர் மார்க்சிஸ்ட் கம்யூனிஸ்ட் தொண்டர்களின் வீடுகள், அலுவலகங்களில் தாக்குதல் நடத்தினர். மேலும், பெலேனியா நகரில் வைக்கப்பட்டு இருந்த ரஷிய புரட்சியாளர் லெனின் சிலையை உடைத்து அகற்றினர். இந்த சம்பவம் நாடுமுழுவதும் பெரும் பரபரப்பையும், பதற்றத்தையும் ஏற்படுத்தியது.

இதற்கு கேரள முதல்வர் பினராயி விஜயன், மேற்கு வங்க முதல்வர் மம்தா பானர்ஜி உள்ளிட்ட தலைவர்கள் கடும் கண்டனம் தெரிவித்தனர்.

இதற்கிடையே கொல்கத்தாவின் தெற்குப் பகுதியில் உள்ள காலிகட் பகுதியில் உள்ள பூங்காவில் பாஜகவின் நிறுவனர் ஷியாமா பிரசாத் முகர்ஜியின் சிலை நிறுவப்பட்டுள்ளது. இந்த சிலையை ஜாதவ்பூர் பல்கலைக்கழகத்தின் மாணவர்கள் சிலர் இன்று காலை உடைத்து, முகத்தில் கறுப்பு மை பூசிவிட்டுச் சென்றனர்.

இன்று காலை 7 மணி அளவில் பூங்காவின் ஊழியர்கள் சுத்தம் செய்யும் பணியிலும், தண்ணீர் பாய்ச்சும் பணியிலும் ஈடுபட்டு இருந்தனர். அப்போது, ஜாதவ்பூர் பல்கலையில் படிக்கும் 5 மாணவர்கள், 2 மாணவிகள் இந்த பூங்காவுக்குள் நுழைந்தனர்.

தாங்கள் கையில் வைத்திருந்த சுத்தியல் மூலம் ஷியாமா பிரசாத் முகர்ஜி சிலையை உடைத்து சேதப்படுத்தினர். மேலும், சிலையின் முகத்தில் கறுப்பு மை கொண்டு பூசிவிட்டு அங்கிருந்து சென்றனர்.

இது குறித்து உடனடியாக பூங்காவின் ஊழியர்கள் போலீஸாருக்கு தகவல் தெரிவித்து, பூங்காவின் கதவுகளை மூடினர். அங்கு வந்த போலீஸார் இந்த 7 மாணவர்களையும் பேருந்து நிலையத்தில் கைது செய்து அழைத்துச் சென்றனர்.

அதன்பின் ஷியாமா பிரசாத் முகர்ஜியின் சிலையை தண்ணீர் ஊற்றி கழுவி அதற்கு போலீஸார் பாதுகாப்பு அளித்து வருகின்றனர்.

இந்த சம்பவத்துக்கு பாஜக கட்சியின் மாநில பொதுச் செயலாளர் சயன்தன் பாசு கடும் கண்டனம் தெரிவித்துள்ளார். பாஜக நிறுவனர் பிஎஸ் முகர்ஜியின் சிலையை உடைத்தவர்கள் மீது கடும் நடவடிக்கை எடுக்க வேண்டும் என்று வலியுறுத்தியுள்ளார்.

தி இந்து

இப்போ வலிக்குதா
ஈனப்பிறவிகளே

நன்றி -பேஸ்ட் போஸ்ட்.

லெனின் - பெரியார் -அம்பேத்கார்.

அய்யா அப்படியாவது எல்லா சிலையையும் உடைத்து சிலைகலாசாரம் நம் நாட்டை விட்டு ஒழியட்டும் .

SK wrote:இப்போ வலிக்குதா
ஈனப்பிறவிகளே

மேற்கோள் செய்த பதிவு: 1261571
சிலையை நம்புகிறவர்கள் முட்டாள்கள். அவர்கள் ஈனப்பிறவிகள். தங்களை போன்ற உயர் பிறவிகள், ஈனப்பிறவிகளை அசிங்கப்படுத்தவே பிறந்தவர்கள். இந்த ஈனப்பிறவியின் (சிலையை நம்புவதால் மட்டும், உடைப்பது சரி எண்டு சொல்லவில்லை) ஒரு வேண்டுகோள் நீங்களும் சிலையை,நூலை தொடுவதற்கு பதிலாக ஈனப்பிறவிகளின் உயிர் நூலை அகற்ற வேண்டுகிறேன்.

மத்திய அரசு
விழித்துக்கொள்ள வேண்டிய தருணம் இது

இதையே சாக்காக வைத்து
பொது இடங்களில் வைக்கப்பட்டுள்ள அனைத்து சிலைகளையும்
அகற்றிவிட
ஒரு சட்டம் / மசோதா
போட்டு / இயற்றி விடலாம் .....

நாட்டில் போலீசுக்காரர்கள் சிலையை காவல் காப்பதை விட்டு விட்டு
சட்டம் ஒழுங்கு பற்றி சிந்திக்க / பார்க்க
நேரம் கிடைக்கும் .....


   
இல்லைன்னா மட்டும் என்று நினைத்து விடாதீர்கள் .......

சிலைகளுக்கு கொடுக்கும் முக்கியத்துவத்தை உயிருடன் இருக்கும் சக மனிதர்களுக்கு குடுக்க மறக்கிறோமே....மாமியார் உடைத்தல் மண்குடம் என்பது போல நமக்கு பாதிப்பு என்றால் கண்டிப்பது,நமக்கு இசைவு எனும் போது கடவுள் விக்கிரஹங்களை உடைத்தாலும் அதை கண்டிக்காமல் உள்ளூர ரசிப்பது....நாம் எங்கே போகிறோம்?