காவிரி விவகாரம் : 4 மாநில அரசுகளுக்கு மத்திய அரசு அழைப்பு

by **ayyasamy ram** Mon 5 Mar 2018 - 19:19

புதுடில்லி :

காவிரி விவகாரம் தொடர்பாக, மார்ச் 9ம் தேதி ஆலோசனை
நடத்த வருமாறு, 4 மாநில அரசுகளுக்கு மத்திய அரசு அழைப்பு
விடுத்துள்ளது.

தமிழகம், கேரளா, புதுச்சேரி, ஆந்திரா, கர்நாடகா ஆகிய
4 மாநில பிரதிநிதிகளுடன் மத்திய நீர்வளத்துறை அமைச்சக
அதிகாரிகள் ஆலோசனை நடத்த உள்ளனர்.

காவிரி மேலாண்மை வாரியம் அமைப்பதற்கான பணிகள்
துவங்கி விட்டதாக, நேற்று மத்திய நீர்வளத்துறை அமைச்சர்
கூறி உள்ள நிலையில், காவிரி விவகாரம் குறித்து
ஆலோசனை நடத்த 4 மாநில அரசுகளுக்கு மத்திய அரசு
அழைப்பு விடுத்துள்ளது குறிப்பிடத்தக்கது.

மார்ச் 9 ல் நடக்கும் ஆலோசனை கூட்டத்தில், 4 மாநில
அரசுகளின் பிரதிநிதிகள் மற்றும் மத்திய அரசு பிரதிநிதிகள்
பங்கேற்க உள்ளனர்.

காவிரி மேலாண்மை வாரியம் அமைக்கும் நடவடிக்கைகள்
குறித்து இந்த கூட்டத்தில் ஆலோசிக்கப்பட உள்ளதாக
கூறப்படுகிறது.
-
------------------------------------தினமலர்

by **T.N.Balasubramanian** Mon 5 Mar 2018 - 20:12

நல்லதே நடக்கும் என நம்புவோம்.
மக்கள் நலனை விட,
அரசியலில் கொடிகட்டி பார்க்கவே
கட்சிகள் பாடுபடுகின்றன.
ரமணியன்

by **M.Jagadeesan** Tue 6 Mar 2018 - 7:11

எல்லாமே கண்துடைப்பு நாடகம்தான் ! கர்நாடகத்தில் காவி வெற்றிபெற வேண்டும் ! அதற்காகத் தமிழ்நாட்டின் நலனைக் காவு கொடுக்கத் தயாராகி விட்டார்கள் . தமிழ்நாட்டில் காவி காலூன்ற முடியாது என்பது மோடிக்கு நன்றாகவே தெரியும் . தமிழ்நாட்டைப் பொறுத்த அளவில் BJP யின் போட்டியாளர் NOTA மட்டுமே !

காவிரி மேலாண்மை வாரியம் அமைப்பதற்கு , கர்நாடகம் ஒருபோதும் ஒத்துழைக்காது . இப்படியே இழுத்துக்கொண்டே போவார்கள் . இதுதான் நடக்கும் .

by **T.N.Balasubramanian** Tue 6 Mar 2018 - 11:53

M Jagadeeesan wrote:தமிழ்நாட்டைப் பொறுத்த அளவில் BJP யின் போட்டியாளர் NOTA மட்டுமே !

ரமணியன்

by **krishnaamma** Tue 6 Mar 2018 - 13:56

T.N.Balasubramanian wrote:நல்லதே நடக்கும் என நம்புவோம்.
மக்கள் நலனை விட,
அரசியலில் கொடிகட்டி பார்க்கவே
கட்சிகள் பாடுபடுகின்றன.
ரமணியன்

ம்ம்...நிஜம் தான் ஐயா..........மக்கள் நலன் எல்லாம் இப்பொழுது ஏட்டு சுரைக்காய் போல ஆகிவிட்டது சோகம்

.சும்மா மேடை பேச்சுக்கு மட்டுமே .......அதனால் தானே மழைக்கு கிளம்பும் காளான்கள் போல எல்லா நடிகர்களும் களத்தில் குதித்திருக்கிறார்கள் .......EASY WAY TO MAKE MONEY !

by SK Tue 6 Mar 2018 - 16:41

காவிரி மேலாண்மை வாரியம் அமைப்பதற்கு , கர்நாடகம் ஒருபோதும் ஒத்துழைக்காது . இப்படியே இழுத்துக்கொண்டே போவார்கள் . இதுதான் நடக்கும் .

அப்படியே இழுத்து நீரின் அளவை 100 TMC யாக குறைத்து விடுவார்கள்
அதற்க்கு ஒத்து ஊத இங்கு 2 அடிமைகள் வேறு இருக்கிறார்கள்
எதிர்ப்பு

by **ராஜா** Tue 6 Mar 2018 - 16:49

காவிரியை வைத்து தமிழ்நாட்டிலும் , கர்நாடகத்திலும் அரசியல் வியாபாரம் செய்யும் ஈனப்பிறவிகள் இதை ஒருபோதும் தீர்க்க மாட்டார்கள்.

தமிழ்நாட்டில் மக்கள் இருக்கும் ஏரி , குளம் குட்டைகளை ஒழுங்காக பராமரித்து மழைக்காலங்களில் நீரை சேமித்தால் போதும்.