பெண்களுக்கு பாதுகாப்பற்ற நகரம் டெல்லி என்பதை உறுதிசெய்யும் மோசமான சம்பவம்!

துடெல்லி,


ஹோலி கொண்டாட்டம் என்ற பெயரில் பெண்களுக்கு
எதிராக புதுவிதமான பாலியல் தாக்குதல் டெல்லியில்
நடந்து உள்ளது.
இது அதிர்ச்சியை ஏற்படுத்தி உள்ளது.

நிறங்கள் நிறைந்த கொண்டாட்டமான ஹோலி, மக்கள்
ஒன்றாக கூடி அவர்களுடைய மகிழ்ச்சியை பரிமாறிக்
கொள்ளும் விழாவாக உள்ளது.

தங்களுடைய துக்கத்தை மறந்து மகிழ்ச்சியில் வண்ணப்
பொடிகளை ஒருவர் மீது ஒருவர் தூவி மகிழும் விழாவும்
டெல்லியில் ஆபாச தாக்குதலுக்கான ஒரு
நிகழ்ச்சியாக்கப்பட்டு உள்ளது..

இது தொடர்பான தகவல் பெரிதும் அதிர்ச்சியை
ஏற்படுத்தி உள்ளது. பெண்களுக்கு பாதுகாப்பற்ற நகரம்
என்ற பெயரை டெல்லி எப்போதோ வாங்கி விட்டது.
இதனை மேலும் உறுதிப்படுத்தும் விதமாக அங்கிருந்து
வெளியாகும் செய்திகள் உள்ளது.

டெல்லி விழாக்களை கொண்டாடவும் தகுதியான இடம்
கிடையாது என்பதையை சொல்லும் சம்பவமாக
தற்போதைய சம்பவம் உள்ளது.

டெல்லி பல்கலைக்கழகத்தின் லேடி ஸ்ரீராம் பெண்கள்
கல்லூரியில் படிக்கும் நாகாலாந்து மாணவி டோலினோ சிஷி
தனக்கு நடந்த மோசமான சம்பவத்தை கோபத்துடன்
இன்ஸ்டாகிராமில் பதிவிட்டு உள்ளார்.

இதுதொடர்பான தகவல்கள் சமூக வலைதளங்களில்
வைரலாக பரவி வருகிறது. என்னுடைய தோழியுடன் டெல்லி
அமர் காலனியில் உள்ள ஓட்டலில் மதிய உணவு சாப்பிட
சென்றேன். மாலை 5 மணி அளவில் ஆட்டோவில் என்னுடைய
விடுதிக்கு திரும்பினேன்.

ஆட்டோவில் ஏறிய போது என்னுடைய இடுப்பு பகுதியில்
திரவம் அடங்கிய பலூன் ஒன்று எறியப்பட்டது. அதிலிருந்த
திரவம் என்னுடைய ஆடையில் படிந்தது. ஆடையில் படிந்த
அந்த திரவம் என்னவென்று எனக்கு முதலில் தெரியவில்லை.

என்னுடைய அறைக்குவந்த பின்னர்தான் எனக்கு அது விந்து
என தெரியவந்தது என தன்னுடைய வேதனையை
சிஷி இன்ஸ்டாகிராமில் கடந்த 24-ம் தேதி பதிவு செய்து
உள்ளார்.

தனக்கு நடந்த இந்த சம்பவத்தை இரு பிரிவுகளாக
இன்ஸ்டாகிராமில் பதிவிட்டு உள்ளார். 7 மாதங்களுக்கு
முன்னதாக டெல்லிக்கு வந்ததாகவும் அதிலிருந்து ஆண்கள்
மோசமான முறையில் மோதும் சம்பவங்களை எதிர்க்
கொண்டு வருவதாகவும், மோசமான முறையில் தன் மீது
கைகள் போடப்படுவதும் தொடர்கிறது என வேதனையுடன்
தகவலை தெரிவித்து உள்ளார்

. அவருடைய தகவலை பகிர்ந்து வரும் பெண்கள் தங்களுடைய
அனுபவங்களையும் தெரிவித்து வருகிறார்கள்.
இச்சம்பவம் டெல்லி பல்கலைக்கழக மாணவிகள் மத்தியில்
பெரும் கோபத்தை ஏற்படுத்தி உள்ளது. இச்சம்பவத்திற்கு
கண்டனத்தை பதிவு செய்யும் வகையில் மாணவிகள்
தரப்பில் போராட்டத்திற்கும் அழைப்பு விடுக்கப்பட்டு
உள்ளது.
இதனையடுத்து பாதுகாப்பு ஏற்பாடுகளும் செய்யப்பட்டு
உள்ளது.

கல்லூரி மாணவிகள் தங்களுடைய கண்டத்தை சமூக
வலைதளத்தில் தெரிவித்து வருகிறார்கள். போராட்டத்திற்கு
பெண்கள் அமைப்புகளும் ஆதரவு தெரிவித்து உள்ளன.

ஹோலி என்ற பெயரில் புதுவிதமான மோசமான தாக்குதல்
நடத்தப்படுகிறது எனவும் குற்றம் சாட்டப்பட்டு உள்ளது.
-
---------------------------------
தினத்தந்தி