சர்வதேச கிரிக்கெட்டில் இளம் கேப்டன்: 19 வயது ரஷித் கான் அபார சாதனை

**ayyasamy ram** · **ayyasamy ram** Wed Feb 28, 2018 7:05 am

-
ஹராரே:
சர்வதேச கிரிக்கெட்டில் மிக இளம் வயதில் கேப்டனான வீரர்
என்ற பெருமை, ஆப்கானிஸ்தான் சுழல் நட்சத்திரம் ரஷித் கானுக்கு
கிடைத்துள்ளது. ஐசிசி உலக கோப்பை போட்டித் தொடருக்கான
தகுதிச் சுற்று ஆட்டங்கள் ஜிம்பாப்வேயின் ஹராரே நகரில் மார்ச்
4ம் தேதி தொடங்கி 25ம் தேதி வரை நடைபெற உள்ளது.

இதில் பங்கேற்கும் ஆப்கானிஸ்தான் அணியின் கேப்டன்
அஸ்கர் ஸ்டானிக்சாய்க்கு திடீர் என வயிற்று வலி ஏற்பட்டதால்
மருத்துவமனையில் அனுமதிக்கப்பட்டார். அவருக்கு குடல்வால்
தொற்று ஏற்பட்டிருப்பது உறுதியானதை அடுத்து அவசர அறுவை
சிகிச்சை செய்யப்பட உள்ளது.

இதனால் குறைந்தபட்சம் 10 நாட்களுக்கு ஓய்வெடுக்க வேண்டிய
கட்டாயம் ஏற்பட்டுள்ளது. இதைத் தொடர்ந்து, உலக கோப்பை
தகுதிச் சுற்று ஆட்டங்களில் ரஷித் கான் கேப்டனாக செயல்படுவார்
என ஆப்கானிஸ்தான் கிரிக்கெட் வாரியம் நேற்று அறிவித்தது.

கடந்த வாரம் ஐசிசி பந்துவீச்சு தரவரிசையில் மிக இளம் வயதில்
நம்பர் 1 வீரர் அந்தஸ்தை பெற்று சாதனை படைத்திருந்த ரஷித்,
தற்போது சர்வதேச கிரிக்கெட்டில் மிக இளம் வயதில் கேப்டனான
வீரர் என்ற பெருமையையும் பெற்றுள்ளார்.

மார்ச் 4ம் தேதி புலவாயோவில் ஸ்காட்லாந்து அணிக்கு எதிராக
உலக கோப்பை தகுதிச் சுற்று ஆட்டத்தில் ஆப்கானிஸ்தான்
அணிக்கு கேப்டனாக ரஷித் கான் களமிறங்க உள்ளார்.
-
-----------------------------------------
தினகரன்