மனங்களை மையல் கொள்ள செய்த மயிலு!

Pranav Jain · Pranav Jain Sun Feb 25, 2018 12:44 pm

நடிகை ஸ்ரீதேவி துபாயில் திருமண நிகழ்ச்சியில் பங்கேற்க சென்ற இடத்தில் நேற்று இரவு மாரடைப்பினால் மரணமடைந்தார். ஸ்ரீதேவிக்கு தற்போது 54 வயது என்று அவரது குடும்பத்தினர் தெரிவித்துள்ளனர்.

சிவகாசி அருகேயுள்ள மீனம்பட்டி என்ற கிராமத்தில் ஐயப்பன் - ராஜேஸ்வரித் தம்பதியின் மகளாக 1963, ஆகஸ்ட் 13 அன்று பிறந்தவர் ஸ்ரீதேவி. கறுப்பு வெள்ளைக் காலத்தில், 4 வயதுச் சிறுமியாகத் தமிழ்க் கடவுள் முருகன் வேடத்தில் ஸ்ரீதேவி குழந்தை நட்சத்திரமாக துணைவன் படத்தில் 1969 ஆம் ஆண்டு அறிமுகமானார்.

இயக்குநர் சிகரம் கே. பாலசந்தர் தனது 'மூன்று முடிச்சு' படத்தில் ஸ்ரீதேவியை கதாநாயகியாக அறிமுப்படுத்தினார். 16 வயதினிலே மயிலாக பாரதிராஜாவால் உச்சம் பெற்றுத் தமிழ் ரசிகர்களின் கனவுகளை ஆக்கிரமித்துக்கொண்டது. மூன்றாம் பிறை, மீண்டும் கோகிலா, பிரியா, சிவப்பு ரோஜாக்கள், வறுமையின் நிறம் சிவப்பு உள்ளிட்ட படங்களில் நடித்து ரசிகர்களின் உள்ளங்களைக் கொள்ளை கொண்டவர் ஸ்ரீதேவி. தமிழ், தெலுங்கு, மலையாளம், இந்தி என பல மொழிகளில் 300க்கும் மேற்பட்ட திரைப்படங்களில் நடித்துள்ளார். பத்மஸ்ரீ விருது உள்பட பல விருதுகளைப் பெற்றுள்ளார்.

தினசரி 1 மணிநேரம் ப்ளோர் உடற்பயிற்சி செய்பவர். அதில் முக்கியமானது 250 முறை ஸ்கிப்பிங் செய்வது. வாரத்தில் இருமுறை நீச்சல் பயிற்சி. பொரித்த உணவுகளை ஸ்ரீதேவி சாப்பிட்டு 30 ஆண்டுகள் ஆகின்றன. உடம்பின் ஆரோக்கியத்தில் அக்கறை எடுத்துக்கொள்வார் ஸ்ரீதேவி. சமீபத்தில் தனது மகள் இரவு நேர கிளப்புகளுக்கு செல்வதை கண்டு பயம்கொள்வதாக கவலை தெரிவித்திருந்தார். இளமையோடு திகழ்ந்த ஸ்ரீதேவி மாரடைப்பில் மரணமடைந்துள்ளது திரையுலகினரை மட்டுமல்லாது திரைப்பட ரசிகர்களையும் அதிர்ச்சியில் ஆழ்த்தியுள்ளது.

இந்த அழகு மயிலின் மீது ரசிகர்கள் மட்டுமல்லாது பல நடிகர்களும் "மையல்" கொண்டிருந்தனர். என்பது குறிப்பிடத்தகுந்தது. ஸ்ரீதேவியின் மரணத்திற்கு திரைப்பட நடிகர், நடிகைகள் இரங்கல் தெரிவித்து வருகின்றனர்.

- Films of India
மனங்களை மையல் கொள்ள செய்த மயிலு! Films11

மனங்களை மையல் கொள்ள செய்த மயிலு! Films11

**T.N.Balasubramanian** · **T.N.Balasubramanian** Sun Feb 25, 2018 2:20 pm

அ ஆ சா , (R I P )

ரமணியன்

**ayyasamy ram** · **ayyasamy ram** Sun Feb 25, 2018 3:11 pm

-

மனங்களை மையல் கொள்ள செய்த மயிலு! 082610_sri2%20800x400

-

மனங்களை மையல் கொள்ள செய்த மயிலு! 085710_sri1%20800x400

-
நடிகை ஸ்ரீதேவி காலமான செய்தி வெளியாகும் முன்னர்,
ஏதோ வித்தியாசமான பதற்றம் தனக்கு ஏற்பட்டதாகவும்,
ஏன் என்று தெரியவில்லை என அமிதாப் பச்சன் தனது
டுவிட்டர் பக்கத்தில் வேதனையுடன் பதிவிட்டுள்ளார்.
-
-----------------

Guest · Guest Sun Feb 25, 2018 4:39 pm

R .I .P - அ ஆ சா

Pranav Jain · Pranav Jain Sun Feb 25, 2018 5:11 pm

ஸ்ரீதேவி பிறந்த ஊரான மீனம்பட்டி கிராமத்தில் பொதுமக்கள் சோகத்தில் மூழ்கி இருக்கின்றனர். சிலர் அவரை கடைசியாக பார்க்க முடியவில்லையே என்று கவலையில் ஆழ்ந்துள்ளனர். இதுகுறித்து பிரபலங்கள் பலர் இரங்கல் தெரிவித்து இருக்கிறார்கள். அதே போல் சக நடிகர்கள், நடிகைகளும் இரங்கல் தெரிவித்துள்ளனர்.

அவர் தனது ஊர் சொந்தங்கள் பலருடன் இணைப்பில் இருந்துள்ளார். சிலர் அவருடன் சென்னையில் தங்கியும் இருந்துள்ளனர். பாலிவுட் சென்ற பின் இவருக்கும் ஊருக்குமான உறவு குறைந்தது. ஆனாலும் ஊரில் இருக்கும் சில சொந்தங்கள் மட்டும் அதன்பின்பும் கூட அவருடன் நெருங்கிய தொடர்பில் இருந்திருக்கின்றனர். அவரின் திருமணத்திற்கும் பின்பும் கூட சொந்தங்களுடன் பேசி இருக்கிறார்.

தற்போது அவரது கிராமமே சோகத்தில் மூழ்கி இருக்கிறது. பலரும் என்ன செய்வது என்று தெரியாமல் இருக்கின்றனர். அவரை கடைசியாக பார்க்க கூட முடியவில்லையே என்றும் பலர் வருத்தமாக இருக்கிறார்கள்...

கண்ணே கலைமானே...
காற்றில் கலந்த ஜீவனே...
காணாத உன்னை தேடுதே...

மனங்களை மையல் கொள்ள செய்த மயிலு! Sridevi333-1519556165

- Films of India
மனங்களை மையல் கொள்ள செய்த மயிலு! Films11

Pranav Jain · Pranav Jain Tue Feb 27, 2018 1:54 pm

இந்த பதிவில் உள்ள செய்திகள் ஒன் இந்தியா தளத்தில் இருந்து காப்பி செய்தது. ஆனால், அந்த ஒரிஜினல் கட்டுரையில் இல்லாத ஒரு முக்கியமான வரி இதன் முதல் பதிவில் இடம் பெற்றிருக்கிறது. ஸ்ரீதேவியின் மரணத்தில் எழும் சந்தேகங்களுக்கு அந்த வரியில் பதில் இருக்கிறது...

மறைக்கப்படலாம், மாற்றப்படலாம்... ஆனால் ஆத்மா சாந்தியடையட்டும்...