அமெரிக்க மருத்துவமனையில் நடிகர் விஷாலுக்கு தீவிர சிகிச்சை

by **ayyasamy ram** Mon Feb 26, 2018 12:17 pm

தலைவலி, மூட்டுவலியால் அவதிப்பட்டு வரும் நடிகர் விஷால்
அமெரிக்காவில் உள்ள மருத்துவமனை ஒன்றில் சிகிச்சை
பெற்று வருகிறார்.

நடிகர் சங்க பொதுச் செயலாளரும், தயாரிப்பாளர் சங்க
தலைவருமான நடிகர் விஷால் தற்போது `இரும்புத்திரை',
`சண்டக்கோழி-2' ஆகிய படங்களில் நடித்து கொண்டிருக்கிறார்.

விஷால் நீண்ட நாட்களாக தலைவலியால் அவதிப்பட்டு வருகிறார்.
`அவன் இவன்' படத்தில் மாறுகண் வேடத்தில் நடித்ததில் இருந்து
அவருக்கு தலைவலி ஏற்பட்டது. `துப்பறிவாளன்' படத்தில் நடித்த
போது சண்டை காட்சியில் தோளில் காயம் ஏற்பட்டது.
அதனால் தலைவலி பாதிப்பு அதிகமானது.

இந்த நிலையில் `சண்டக்கோழி-2' படத்தில் விஷால் நடித்து
கொண்டிருந்த போது தலைவலி உண்டானது. இதையடுத்து கடந்த
வாரம் டெல்லி தனியார் ஆஸ்பத்திரியில் அனுமதிக்கப்பட்டு
பிசியோதெரபி சிகிச்சை அளிக்கப்பட்டது.

மேலும் அவர் மூட்டு வலியாலும் அவதிப்பட்டு வந்தார்.

இதையடுத்து தலைவலி மற்றும் மூட்டுவலி சிகிச்சைக்காக விஷால்
அமெரிக்கா சென்றுள்ளார். அங்குள்ள தனியார் ஆஸ்பத்திரியில்
சிகிச்சை பெற்று வருகிறார்.

சிகிச்சை முடிந்து விஷால் 10 நாளில் சென்னை திரும்புவார்
என்று தெரிவிக்கப்பட்டுள்ளது.
-
---------------------------------------
மாலைமலர்

by Guest Mon Feb 26, 2018 1:10 pm

மக்களுக்கு சேவை செய்யும் இவர்கள் எல்லாம் உடனே அமெரிக்காவுக்கு வந்து விடுவார்கள்.மக்களுடன் இருந்து பார்த்தால் தானே தெரியும் அவர்கள் கஷடம் என்ன என்று.போலிகள்.

by SK Mon Feb 26, 2018 1:44 pm

தான் பணம் சம்பாதிக்க உடலை வருத்திக்கொண்டு இப்போது அந்த பணத்தை வைத்து மருத்துவம் பார்க்கிறார்

ஏன் இங்கெல்லாம் மருத்துவமனைகளே இல்லையா

by **T.N.Balasubramanian** Mon Feb 26, 2018 4:51 pm

மூர்த்தி wrote:மக்களுக்கு சேவை செய்யும் இவர்கள் எல்லாம் உடனே அமெரிக்காவுக்கு வந்து விடுவார்கள்.மக்களுடன் இருந்து பார்த்தால் தானே தெரியும் அவர்கள் கஷடம் என்ன என்று.போலிகள்.

மேற்கோள் செய்த பதிவு: 1260621

மக்களுக்கு சேவை செய்யும் அரசியல்வாதி என்னும் சால்வை இன்னும் இவருக்கு
போர்த்த படவில்லை.
சினிமாவில் வில்லன்களை அடித்து துவம்சம் செய்தால், அரசியல் வாழ்விலும் செய்வார்
என மக்கள் நினைத்துக்கொண்டு இருந்தால் , நாடு முன்னேறவா செய்யும்? ஆயிரம் தில்லுமுல்லுகள் செய்துவிட்டு தப்பிக்கவே அரசியலில் இவர்கள் நுழைகிறார்கள்.
குற்ற பின்னணி இல்லாத அரசியல்வாதிகள் குறைவு.
ரமணியன்

by **M.Jagadeesan** Mon Feb 26, 2018 4:58 pm

சாதாரண தலைவலி , மூட்டு வலிக்கு அமேரிக்கா போகணுமா ? பாட்டி வைத்தியமே போதுமானது .

by **T.N.Balasubramanian** Mon Feb 26, 2018 6:39 pm

M.Jagadeesan wrote:சாதாரண தலைவலி , மூட்டு வலிக்கு அமேரிக்கா போகணுமா ? பாட்டி வைத்தியமே போதுமானது .

மேற்கோள் செய்த பதிவு: 1260643

விசாரித்ததில் அவருக்கு பாட்டி இல்லையாம் .

ரமணியன்
அய்யோ, நான் இல்லை

by SK Tue Feb 27, 2018 12:39 pm

எனக்கு கூட சில நாட்களாக கழுத்து வலி இந்த செய்தியை படித்ததும் நானும் அமேரிக்கா செல்லலாம் என்று இருக்கிறேன் டிக்கெட் விலையை பார்த்தவுடன் தலைவலியும் வந்துவிட்டது தற்போது என்னிடம் ரூபாய் 200 இருக்கிறது மீதி தொகையை முகநூல் மூலமாக ஏற்பாடு செய்ய முடிவு செய்துள்ளேன்

எனது
வாங்கி கணக்கு விவரம்
தேவை இல்லை

பணமாக கொடுத்தால் உசிதம்

தமிழனாக இருந்தால் இதை ஷேர் செய்யவும்

by **T.N.Balasubramanian** Tue Feb 27, 2018 6:14 pm

தமிழனாக இருக்கிறேன் SK .
வந்த வசூலை என்னுடன் ஷேர் செய்யவும் .
ரமணியன்

by சிவனாசான் Tue Feb 27, 2018 9:13 pm

இப்படித்தாங்க இந்தியா பணம் வெளி நாட்டுக்கு போகுதுங்கோ.
இந்தியாவில் இல்லாத டாக்டரா . அமெரிக்கா என்றால் பெருமை
தானுங்க.....

by SK Wed Feb 28, 2018 9:47 am

T.N.Balasubramanian wrote:தமிழனாக இருக்கிறேன் SK .
வந்த வசூலை என்னுடன் ஷேர் செய்யவும் .
ரமணியன்

மேற்கோள் செய்த பதிவு: 1260768

ஐயா என்னிடம் இருந்த 200ம் நேற்று சில நயவஞ்சகர்களால் பறிக்கப்பட்டது ( பாரத் பெட்ரோலியம் ) அதனால் அமெரிக்கா செல்லும் திட்டத்தை தற்காலிகமாக நிறுத்தி வைத்துள்ளேன் நமது கட்சி வேலைகள் முடிந்த பின் சேர்ந்தே செல்லம் ஜாலியா