மலேசிய பிரதமரை கோமாளியாக சித்தரித்து கேலிச்சித்திரம்

**ayyasamy ram** · **ayyasamy ram** Wed Feb 21, 2018 8:49 am

கோலாலம்பூர்,

-
மலேசியாவில் நஜிப் ரசாக் பிரதமராக இருந்து வருகிறார்.
இவரை கோமாளி போல சித்தரித்து பிரபல ஓவியர் பாஹ்மி ரேசா
கேலிச்சித்திரம் தீட்டி இணையதளத்தில் வெளியிட்டார்.
இது அங்கு பரபரப்பை ஏற்படுத்தியது.

இது தொடர்பாக அவர் மீது அங்கு உள்ள கோர்ட்டில் வழக்கு
தொடரப்பட்டது.

விசாரணையின்போது, பாஹ்மி ரேசா மீது ஆபாசமான, தவறான,
அச்சுறுத்தலை ஏற்படுத்துகிற, ஒரு நபரை தொல்லை செய்ய
விரும்புகிற ஆன்லைன் உள்ளடக்கத்தை பரப்பியதாக
குற்றச்சாட்டு சுமத்தப்பட்டது.

விசாரணை முடிந்து உள்ள நிலையில், அவருக்கு ஒரு மாத சிறைத்
தண்டனையும், 7 ஆயிரத்து 700 டாலர் (சுமார் ரூ.5 லட்சம்)
அபராதமும் விதித்து கோர்ட்டு தீர்ப்பு அளித்தது.

இது தொடர்பாக பாஹ்மி ரேசாவின் வக்கீல் சியாரெத்சான் ஜோஹன்
கூறும்போது, ‘‘இந்த தண்டனை எதன் அடிப்படையில்
விதிக்கப்படுகிறது என்பது குறித்து நீதிபதி எதுவும் குறிப்பிடவில்லை.
இதை எதிர்த்து அப்பீல் செய்வோம்’’ என குறிப்பிட்டார்.

இதே போன்று மற்றொரு கோர்ட்டிலும் பாஹ்மி ரேசா இன்னொரு
வழக்கை சந்தித்து வருகிறார்.

மலேசிய பிரதமர் நஜிப் ரசாக், அரசு பணத்தில் பல கோடி ஊழல்
செய்ததாக எழுந்து உள்ள குற்றச்சாட்டு தொடர்பாக அரசுக்கு
எதிராக செயல்படுகிற எதிர்க்கட்சி தலைவர்கள், ஆர்வலர்களுடன்
இணைந்து, பாஹ்மி ரேசா செயல்பட்டு வருகிறார்.
போராட்டங்களிலும் பங்கு எடுத்து வருகிறார்.

இந்த ஊழல் தொடர்பான தகவல்களை வெளியிடுகிற இணைய
தளங்களை மலேசிய அரசு முடக்கி வருவது குறிப்பிடத்தக்கது.
-
----------------------------------------
தினத்தந்தி

SK · SK Wed Feb 21, 2018 12:52 pm

அங்கும் நம் நாட்டை போல தான

என்ன கொடுமை சார் இது

**சிவா** · **சிவா** Thu Feb 22, 2018 3:36 pm

மலேசியாவில் சுதந்திரம் வாங்கியது முதல் பாரிசான் நேஷனல் என்னும் கூட்டணிக் கட்சிதான் ஆளும்கட்சியாக இருந்து வருகிறது! இப்பொழுது உள்ள நஜீப் மீதுதான் அதிகமான ஊழல் குற்றச்சாட்டுகள் எழுந்துள்ளன. காரணம் இவரது மனைவி. மலேசியாவிலுள்ள அனைத்து நிறுவனங்களிலும் இவரது தலையீடு உள்ளது. இவரைப் பங்குதாரராக ஏற்காவிட்டால் கம்பெனி நடத்த முடியாது.

இன்னும் ஓரிரு மாதங்களில் தேர்தல் வரப்போகிறது, இதில் எதிர்க்கட்சி வெற்றி பெற்றால் இப்பொழுது உள்ள அனைவரும் ஜெயிலில் தான் இருப்பார்கள், ஆனால் இங்கு எதிர்க்கட்சி வெற்றி பெற வாய்ப்பே இல்லை.

அரசாங்க ஊழியர்கள் கண்டிப்பாக ஆளும் கட்சிக்குத்தான் வாக்களிக்க வேண்டும். ஆளும் கட்சிக்கு பங்களாதேஷ் தொழிலாளர்கள் வாக்களிப்பார்கள், அதை காணொளி ஆதராமாக எடுத்தாலும் இங்குள்ள நீதிமன்றங்கள் அதை ஏற்றுக் கொள்ளாது, காரணம் அவைகளூம் ஆளும்கட்சிக்கு ஆதரவாகவே செயல்படும்.

முன்னாள் பிரதமர் மகாதீர் இப்பொழுது எதிர்க்கட்சிகளின் தலைமையாகச் செயல்படுகிறார், பொறுத்திருந்து பார்ப்போம், தேர்தலில் என்ன மாற்றங்கள் வரப்போகிறது என்று!