ரூ.10 கோடி கடன் வழக்கு : லதா ரஜினிகாந்துக்கு நீதிமன்றம் கெடு

**ayyasamy ram** · **ayyasamy ram** Tue Feb 20, 2018 3:48 pm

கோச்சடையான் படத்திற்காக ஆட் பீரோ நிறுவனத்திடம் வாங்கிய
கடனை திருப்பி 3 மாதத்திற்குள் செலுத்த வேண்டும் என
ரஜினிகாந்தின் மனைவி லதா ரஜினிகாந்துக்கு நீதிமன்றம் உத்தரவு
பிறப்பித்துள்ளது.

நடிகர் ரஜினியை வைத்து அவரது மகள் சவுந்தர்யா ரஜினி
உருவாக்கிய கோச்சடையான் படத்திற்கு ஆட் பீரோ நிறுவனம்
ரூ.10 கோடி ஃபைனான்ஸ் செய்ததாக தெரிகிறது. ஆனால்,
அதில் ரூ.8.5 கோடியை இதுவரை லதா ரஜினிகாந்த் திருப்பி
செலுத்தவில்லை எனத் தெரிகிறது.

எனவே, இது தொடர்பாக அந்த நிறுவனம் 2015ம் ஆண்டு வழக்கு
தொடர்ந்தது. இந்நிலையில், அந்த வழக்கு இன்று விசாரணைக்கு
வந்தது.

அப்போது, ஆட் பீரோ நிறுவனத்துக்கு எதற்காக பணத்தை திருப்பிச்
செலுத்தாமல் இருக்கிறீர்கள் என்று லதா ரஜினிகாந்திடம் கேள்வி
எழுப்பிய உச்சநீதிமன்றம், இன்று பிற்பகல் 12.30 மணிக்கு, எப்போது
பணத்தை திருப்பிச் செலுத்துவீர்கள் என்று பதிலளிக்க வேண்டும்
என உத்தரவிட்டுள்ளது.

அதன் பின் இந்த வழக்கு விசாரணைக்கு வந்த போது,
லதா ரஜினிகாந்த் கொடுக்க வேண்டிய பணத்தை இன்னும்
3 மாதத்திற்குள் செலுத்த வேண்டும் என உத்தரவு பிறப்பித்துள்ளது.
-
------------------------------------------------
வெப்துனியா

SK · SK Tue Feb 20, 2018 4:54 pm

ஆட் பீரோ நிறுவனத்துக்கு எதற்காக பணத்தை திருப்பிச்
செலுத்தாமல் இருக்கிறீர்கள் என்று லதா ரஜினிகாந்திடம் கேள்வி
எழுப்பிய உச்சநீதிமன்றம், இன்று பிற்பகல் 12.30 மணிக்கு, எப்போது
பணத்தை திருப்பிச் செலுத்துவீர்கள் என்று பதிலளிக்க வேண்டும்
என உத்தரவிட்டுள்ளது.

கணவர் கட்சி ஆரம்பிப்பதால் பணத்தை தராமல் இருக்கிறார்
இது நீதி துறைக்கு புரியாது இதுதான் ஆன்மீக அரசியல்

**T.N.Balasubramanian** · **T.N.Balasubramanian** Tue Feb 20, 2018 6:47 pm

மிகவும் பாவம்
கணவர் ஏழை , மகள்கள் ,மருமகன் ஏழை .
வீட்டில் வேலை செய்யும் எல்லோரும் ஏழை
இருக்கும் கார் டிரைவர்கள் /தோட்டக்காரர்கள் /
இவருடைய பள்ளியில் வேலை செய்பவர்கள்
லதாவின் தாயார் எல்லோரும் ஏழைகள் .
என்ன செய்வார் பாவம்.?

கஷ்டப்பட்டு வேலை செய்து கடன் வாங்கி ஸ்கூட்டர் வாங்கி ஒரு மாதம் வட்டி காட்டவில்லை என்றால்
குண்டர் வைத்து வண்டியை பிடிங்கி செல்வார்கள். இன்றைய வாழ்க்கை முறை இதுதான்.

பணக்காரர்களுக்கு ஒரு நீதி. ஏழைகளுக்கு ஒரு நீதி .

ரமணியன்