ஜெயலலிதா உச்சநீதிமன்றத்தால் தண்டிக்கப்படவில்லை: படத்திறப்பு வழக்கில் அரசு வழக்கறிஞர் வாதம்

சட்டப்பேரவையில் திறக்கப்பட்டுள்ள மறைந்த முதல்வர் ஜெயலலிதா படத்தை அகற்றக்கோரி திமுக எம்.எல்.ஏ. அன்பழகன் தொடர்ந்த வழக்கில் ஜெயலலிதா உச்சநீதிமன்றத்தால் தண்டிக்கப்படவில்லை என்று அரசு தரப்பு வழக்கறிஞர் வாதம் செய்தார்.

தமிழக சட்டப்பேரவை மண்டபத்தில் ஜெயலலிதா படம் நிறுவப்படும் என பிப்ரவரி 10-ம் தேதி அறிவிக்கப்பட்டு, பிப்.12 அன்று முதல்வர், துணை முதல்வர் முன்னிலையில் பேரவை தலைவர் தனபால் திறந்துவைத்தார். சொத்துகுவிப்பு வழக்கில் உச்ச நீதிமன்றத்தால் குற்றவாளி என உறுதி செய்யப்பட்ட ஒருவரின் படத்தை பேரவையில் வைப்பது சட்டவிரோதம் .

மேலும், எம்.எல்.ஏ-வாக தேர்ந்தெடுக்கப்பட்ட தனபாலுக்கு சபாநாயகர் பதவி வழங்கியதால் அதற்கான விசுவாசத்தை காட்டும் வகையில், ஜெயலலிதா படத்தை விதிகளை மீறி சபாநாயகர் திறந்து வைத்துள்ளார் என்பதால் அதை அகற்ற வேண்டும் என்று திமுக சட்டமன்ற உறுப்பினர் ஜெ.அன்பழகன் தரப்பில் சென்னை உயர் நீதிமன்றத்தில் வழக்கு தொடரப்பட்டது.

இந்த வழக்கு தலைமை நீதிபதி அமர்வு முன் இன்று விசாரணைக்கு வந்தது. திமுக சார்பில் மூத்த வழக்கறிஞர் பி.வில்சன் ஆஜரானார். அவரது வாதம் வருமாறு: “ஜெயலலிதா பெயர் புகைப்படம் ஆகியவற்றை அரசு அலுவலகங்களிலிருந்து அகற்ற வேண்டும் என தொடர்ந்துள்ள வழக்கு நிலையிலுள்ள நிலையில், அவசர அவசரமாக நிகழ்ச்சிக்கு ஏற்பாடு செய்யப்பட்டு திறக்கப்பட்டுள்ளது.

ஜெயலலிதா குற்றவாளி என்ற பெங்களூரு நீதிமன்ற தீர்ப்பானது உச்ச நீதிமன்றத்தால் உறுதி செய்யபட்டுள்ளது. படத்தை திறக்க இடையூறு ஏற்படாமல் இருக்க விடுமுறை நாளில் முடிவெடுத்து வழக்கமான நேரத்துக்கு முன்னரே திறந்துள்ளனர் , பேரவையில் அமரும்போது, காந்திஜி, ராஜாஜி படங்களுடன் ஜெயலலிதா படம் இருந்தால் அவரை பற்றிய தவறான உதாரணங்கள்தான் தோன்றும்.” என வாதிட்டார்

தண்டிக்கப்பட்டவரின் படம் அரசு கட்டிடங்களில் இடம் பெறக்கூடாது என்பதுதான் எனது தனிபட்ட கருத்தும். ஆனால் சபாநாயகரின் முடிவில் நீதிமன்றம் எப்படி தலையிட்டு உத்தரவு பிறபிக்க முடியும்? என தலைமை நீதிபதி கேள்வி எழுப்பினார்.

பின்னர் அரசு தலைமை வழக்கறிஞர் விஜய் நாராயண் தனது தரப்பு வாதத்தை வைத்தார். அவரது வாதத்தில் ,ஜெயலலிதா உச்சநீதிமன்றத்தால் தண்டிக்கபடவில்லை எனவும், சபாநாயகர் அதிகாரத்துக்கு உட்பட்டுதான் படம் திறக்கப்பட்டுள்ளதாகவும், மனுதாரர் வேண்டுமென்றால் ஜெயலலிதா படத்தை பார்க்காமல் இருக்கலாம் என வாதிட்டார்.

அப்போது குறுக்கிட்ட திமுக தரப்பு வழக்கறிஞர் வில்சன், ஜெயலலிதா தண்டிக்கப்படாததாலேயே குற்றமற்றவர் என கூற முடியாது என்றும், உச்சநீதிமன்ற தீர்ப்பில் குற்றவாளி என தெளிவாக குறிப்பிடப்பட்டுள்ளது என்று வாதிட்டார்.

அனைத்து தரப்பு வாதங்களையும் கேட்ட நீதிபதிகள் வழக்கின் தீர்ப்பை பிப்ரவரி 19-ம் தேதி திங்கட் கிழமைக்கு ஒத்திவைத்தனர்.
--
தி இந்து

இதையெல்லாம் பார்க்கும் போது ********************************************************************* இப்படி திட்ட தோணுது