சிரிப்புக்கு ஜி.எஸ்.டி.,யா?: ரேணுகா சவுத்ரி

by **ayyasamy ram** Tue Feb 13, 2018 1:55 am

-
பனாஜி:
‛சிரிப்பதற்கு ஜி.எஸ்.டி., வரி விதிக்கப்படவில்லை;
சிரிப்பதற்கு நான் யாரிடமும் அனுமதி கேட்கவும் தேவையில்லை'
என காங்., எம்.பி., ரேணுகா சவுத்ரி தெரிவித்துள்ளார்.

இதுகுறித்து கோவா மாநிலம் பனாஜியில் அவர் தெரிவித்ததாவது:
சிரிப்பதற்கு, ஜி.எஸ்.டி., வரி விதிக்கப்படவில்லை. எனவே, நான்
சிரிப்பதற்கு, யாரிடமும் அனுமதி பெற வேண்டிய அவசியமில்லை.

என்னை விமர்சித்ததன் மூலம், பெண்கள் விஷயத்தில்,
பிரதமர் எப்படி குறுகிய மனப்பான்மையுடன் நடந்து கொள்கிறார்
என்பது, தெரியவந்துள்ளது.

நான் இயல்பாகவே சத்தமாக சிரிக்கும் பழக்கமுள்ளவள்.
ஆனால் இப்போது எச்சரிக்கையுடன் இருக்கிறேன். மேல்சபையில்
சிரித்ததற்காக அதிகார சக்திகளின் கண்டனத்துக்கு ஆளானேன்.

பெண்களை எப்படி சமமாக நடத்த வேண்டும் என எம்.பி.,க்களுக்கு
பாடம் கற்பிக்க வேண்டும். இவ்வாறு அவர் தெரிவித்தார்.

முன்னதாக ராஜ்யசபாவில் ஜனாதிபதி உரைக்கு நன்றி தெரிவிக்கும்
தீர்மானத்தின் மீது பிரதமர் மோடி பதில் அளித்த போது, காங்., எம்.பி.,
ரேணுகா சவுத்ரி சத்தமாக சிரித்ததற்கு, பிரதமர் மோடி
‛ராமாயண தொடருக்கு பிறகு நீண்ட சிரிப்பை கேட்கும் வாய்ப்பு
கிடைத்துள்ளது' எனத் தெரிவித்தார்.

இது பெரும் விவகாரம் விவாதத்தை ஏற்படுத்தியது குறிப்பிடத்தக்கது
-
-------------------------------------
தினமலர்

by SK Tue Feb 13, 2018 1:32 pm

பெண்களை எப்படி சமமாக நடத்த வேண்டும் என எம்.பி.,க்களுக்கு
பாடம் கற்பிக்க வேண்டும்.

by Guest Wed Feb 14, 2018 1:34 am

சிரிப்புக்கு ஜி.எஸ்.டி.,யா?: ரேணுகா சவுத்ரி Bill-gst-1-1-1-1-1-1-1-1-1

கழிப்பறை பயன்பாட்டிற்கும் ஜிஎஸ்டி வரி பொருந்துமா?

கக்கூஸ் போறதுக்கு 10 ரூபாய் பில் , 1 ரூபாய் ஜிஎஸ்டி

அது என்ன பார்சல் சார்ஜ் 50 பைசா?

சிரிப்புக்கு ஜி.எஸ்.டி.,யா?: ரேணுகா சவுத்ரி Laugh

சிரிப்புக்கு ஜி.எஸ்.டி.,யா?: ரேணுகா சவுத்ரி Laugh

by **T.N.Balasubramanian** Thu Feb 15, 2018 6:11 pm

தவறாக புரிந்து கொண்டு உள்ளீர் என நினைக்கிறேன், மூர்த்தி
toilet பல அர்த்தங்கள் உண்டு .கழிவறை மட்டும் அல்ல.
பொதுவாக ஒப்பனை பொருள்கள் வைக்கும் பையை
toilet kit என்று கூறுவது புழக்கத்தில் உள்ளது.
அகராதியில் toilet என்பதற்கு "ஒப்பனைப்பொருள்" என்று தமிழாக்கம் செய்கிறது.

அது பில் காபியை பார்க்கையில் "take away " என்பதாலும்
நீங்கள் கூறும் பொருள் take away வராது என்பது மட்டும் அல்லாமல்
அதை பார்சல் செய்து மாட்டார்கள் என்பதாலும்
பில்லில் ஸ்பெல்லிங் மிஸ்டேக்குகள் இருப்பதாலும்,

கழிப்பறை பயன்பாட்டிற்கும் ஜிஎஸ்டி வரி பொருந்துமா?

கக்கூஸ் போறதுக்கு 10 ரூபாய் பில் , 1 ரூபாய் ஜிஎஸ்டி

அது என்ன பார்சல் சார்ஜ் 50 பைசா?

என்பதன் அர்த்தம் அது இல்லை என நினைக்கிறேன்.
டாய்லெட்டில் உபயோகப்படுத்தும் ப்ளீச்சிங் போன்ற பவுடர்களாகவும்
இருக்கலாம்.

ரமணியன் சிரி

@murthy

by Guest Thu Feb 15, 2018 11:16 pm

இந்த செய்தி வந்தது சமூக வலைத்தளங்கள்-டுவிட்டர்/முக நூல்/வட்ஸ் அப்.மற்றும் சில இணையத் தளங்கள்.

சிரிப்புக்கு ஜி.எஸ்.டி.,யா?: ரேணுகா சவுத்ரி Bill-gst-4-1-1-1

செய்தி இது………
இந்த உணவகத்திற்கு வந்த ஒரு வாடிக்கையாளர் அங்குள்ள கழிப்பறையை பயன்படுத்தியுள்ளார். அதற்காக அந்த உணவக நிர்வாகம், 10 ரூபாய் கட்டணம் வசூலித்ததோடு, அதற்கு மாநில ஜிஎஸ்டி, மத்திய ஜிஎஸ்டி வரியாக தலா 2.5 சதவீதம் வீதம் மொத்தம் 5 சதவீத வரியாக 50 பைசா வசூலித்துள்ளது.

நன்றி-twitter/Whatsapp/All India Roundup
( நன்றி சொல்லாதது என் தவறு ஐயா.)

நீங்கள் சொல்வது சரிதான்.Eau de toilette …… போன்று ஒப்பனைப் பொருட்களையும் (toilet articles) சொல்வார்கள். ஆனால்……………...

உணவகத்தில் உள்ள டாய்லெட்டில் (Rest Room), கை கழுவும் சோப் போன்றவை இருக்கலாம், ஒப்பனைப் பொருட்கள் இருக்குமா?அப்படி இருந்தால் அவற்றைப் பாவிப்பதற்கு பணம் அறவிடுகிறார்களா?

பொதுவாக டய்லெட்டிலும்(Rest Room) சலூன்களிலும்(முடி திருத்தகம் ) ஒருவர் போய் ஒப்பனைப் பொருட்களை பாவித்தால் எந்தவித கட்டணமும் வசூலிப்பதில்லை.அவர் வாடிக்கையாளராக இல்லாமல் சும்மாவே சென்று பாவித்தாலும் கூட, கட்டணம் எனக்குத் தெரிந்தவரை வசூலிப்பதில்லை. தவறென்றால் மன்னிக்கவும்,தமிழக நிலைமை தெரியாது. நன்றி.

by **T.N.Balasubramanian** Fri Feb 16, 2018 9:16 am

whatsapp /twitter / போன்றவைகளில் இது மாதிரி பல செய்திகள் வருகின்றன.
நம்பகத்தன்மையை ஒரு புறம் ஒதுக்கிவைத்து விட்டு, ரசிக்கவேண்டியவைகளை
ரசித்து, மறக்கவேண்டியதுதான்.
ரமணியன்

by Sponsored content

சிரிப்புக்கு ஜி.எஸ்.டி.,யா?: ரேணுகா சவுத்ரி

சிரிப்புக்கு ஜி.எஸ்.டி.,யா?: ரேணுகா சவுத்ரி

Re: சிரிப்புக்கு ஜி.எஸ்.டி.,யா?: ரேணுகா சவுத்ரி

Re: சிரிப்புக்கு ஜி.எஸ்.டி.,யா?: ரேணுகா சவுத்ரி

Re: சிரிப்புக்கு ஜி.எஸ்.டி.,யா?: ரேணுகா சவுத்ரி

Re: சிரிப்புக்கு ஜி.எஸ்.டி.,யா?: ரேணுகா சவுத்ரி

Re: சிரிப்புக்கு ஜி.எஸ்.டி.,யா?: ரேணுகா சவுத்ரி

Re: சிரிப்புக்கு ஜி.எஸ்.டி.,யா?: ரேணுகா சவுத்ரி