மென்டல் பய. இப்படி எடுத்திருக்கானே! அதிர்ந்துபோன இளையராஜா

Third party image reference
Chennai: 


அகோரிகளின் 'அஹம் பிரம்மாஸ்மி' வாழ்க்கை, சிதிலமுற்ற மனிதர்கள் என நாம் பார்த்திடாத ஒரு படைப்புதான், ‘நான் கடவுள்’. இந்தப் படம் வெளியாகி ஒன்பது வருடங்கள் ஆனாலும், இன்னும் நாம் அசைபோட பல விஷயங்கள் இருக்கின்றன. 


அஜித்தோடு தொடங்கி ஆர்யாவில் முடிந்த கதை :




Third party image reference
‘நான் கடவுள்’ படத்துக்கு முதலில் அஜித்தான் கமிட்டானார் என்பது பலரும் அறிந்த தகவலே. இந்தப் படத்தில் கமிட்டானதற்குப் பிறகு நீளமான முடி, ஜிம் பாடி என்று தன்னை ‘அகோரி’ கதாபாத்திரத்திற்கு தயார்படுத்திக்கொண்டார் அஜித். அதன்பிறகு, ஷூட்டிங் தள்ளிப்போன காரணத்தினால் ‘நான் கடவுள்’ படத்திலிருந்து வெளியேறி, ‘பரமசிவன்’ படத்தில் நடித்தார். ‘பரமசிவன்’ படத்தில் ஆரம்பத்தில் வரும் ஜெயில் போர்ஷன் முழுவதும் அதே ‘நீளமுடி’ கெட்டப்பில் அஜித் நடித்திருப்பார். அஜித் வெளியேறியபிறகு, ஆர்யா ‘நான் கடவுள்’ படத்தில் கமிட்டானார். 


ரியல் ஹீரோ இளையராஜா :


சிதிலமுற்ற மனிதர்கள், அகோரி சாமியார்கள் என்று நாம் இதுவரை அறிந்திடாத இரு பெரும் உலகின் தரிசனங்களை தனது அசாத்திய இசையால் சாத்தியப்படுத்தியிருப்பார் இளையராஜா. இந்தப் படத்தில் இளையராஜாவோடு பணியாற்றிய அனுபவம் பற்றி இயக்குநர் பாலா, ஆனந்த விகடன் பேட்டி ஒன்றில் சிலாகித்திருப்பார்.
நன்றி
விகடன்

Third party image reference
“ 'நான் கடவுள்’ க்ளைமாக்ஸ் பார்த்துட்டு, அதிர்ச்சியாகிட்டார் ராஜா சார். 'மென்டல் பய... இப்படி அறமே இல்லாம எடுத்திருக்கானே... இவனை என்ன பண்றது?’னு திட்டினார். ஏன்னா, ரெண்டு பேரோட தத்துவப் புரிதலும் நேர் எதிர். ரமண மகரிஷியைப் பற்றி அவர் போட்ட 'ரமணமாலை’ பாடலை, 'சார் இந்தப் பாட்டை நான் பயன்படுத்திக்கிறேன்’னு வாங்கினேன். ஏதோ சாமி பாட்டு எடுக்கப்போறேன்னு நினைச்சிருப்பார். ஆனா, அதைப் பிச்சைக்காரங்களை வெச்சு 'பிச்சைப் பாத்திரம் ஏந்தி வந்தேன்...’னு பயன்படுத்தினேன். பார்த்ததும் பதறி, 'டேய் அது 'ரமணமாலை’டா. அதை இப்படிப் பண்ணிட்டியேடா’ன்னார். அப்புறம், 'ஒரு சாமி பாட்டு வேணும் சார்... சிவனைப் பத்தி’னு சொன்னதும், 'ஓம் சிவோஹம்’னு பக்தி மல்கப் போட்டுக்கொடுத்தார். அந்தப் பாட்டுக்குள்ள  டூமச் வயலென்ஸ் இறக்கிட்டேன். 'எதைப் போட்டுக் கொடுத்தாலும் வேறமாதிரி எடுத்துட்டு வந்துடுறானே... பைத்தியக்காரன்’னு கோபமா சொல்வார். ஆனா, அவ்வளவு அன்பா பார்த்துப்பார்!


உங்களுக்கு எல்லாம் தெரியாத ஒரு ரகசியம்... அவர் எந்த அளவுக்குச் சிறந்த இசையமைப்பாளரோ, அதே அளவு சிறந்த எடிட்டர். படம் ஓடணும்கிறதுக்காக கமர்ஷியல் கூட்டணும்கிறதுல ரொம்பக் கவனமா இருப்பார். உதாரணமா 'நான் கடவுள்’ படத்துல பிளாக் அண்ட் ஒயிட்லதான் டைட்டில் போட்டிருந்தேன். 'இதுக்கு எல்லாம் மியூசிக் பண்ணமுடியாது. காசியில எடுத்த ஃபுல் ஃபுட்டேஜையும் வெச்சு ஒரு பாட்டு நீளத்துக்குப் போட்டுக்கொடு’ன்னார். 'அப்படி எதுவும் இல்லே’னு புளுகினேன். 'பொய் சொல்ற... அதெல்லாம் இருக்கும். போய் எடுத்துட்டு வா’னு சொல்லி, அந்த மான்டேஜ் வெச்சு அவர் பண்ணதுதான் அந்த 'மா கங்கா...’ டைட்டில் சாங். படத்துக்கான ஃபீலை டைட்டில்லயே செட் பண்ணிட்டார். காசியில் 'கங்கா ஆர்த்தி’ நிகழ்ச்சி பிரபலம். இப்ப காசியில அந்தப் பாட்டுடனும்தான் கங்கா ஆர்த்தி நடக்குது’’ என்று அப்பேட்டியில் சொல்லியிருக்கிறார், பாலா.

ராஜேந்திரன் :
[size=31]
[/size]


Third party image reference
‘நான் கடவுள்’ படத்திற்கு முன்பு பல படங்களில் ஃபைட்டராக வேலை பார்த்திருந்தாலும், ராஜேந்திரனுக்கு ’நான் கடவுள்’ தான் மிகப்பெரிய ப்ரேக். வில்லன் 'தாண்டவன்' கதாபாத்திரத்திற்கு ராஜேந்திரன் கமிட்டான கதையையும் பாலா அதே பேட்டியில் குறிப்பிட்டிருந்தார்.


“ ‘பிதாமகன்’ல ஒரு ஃபைட்டர். வழுக்கை மண்டையா, ஆளே வித்தியாசமா வந்து நிப்பார். டூப் போடுறது தொடங்கி ஸ்டன்ட் மாஸ்டருக்கு உதவியா எதுவா இருந்தாலும் 'நான் பண்றேன் சார்’னு முன்னாடி வந்து நிப்பாப்ல. ஒருநாள் அவரைக் கூப்பிட்டு 'உங்க வயசு என்ன?’னு கேட்டேன். 'அறுபது வயசு சார்’னார். மிரண்டுட்டேன். அந்த வயசுக்கு எல்லாம் நான் உசுரோட இருப்பேனானே தெரியாது. அவ்வளவு எனர்ஜியோட இருக்கிற மனுஷன் காலம்பூரா வெறுமனே 2,500 ரூபாய் சம்பளத்துல ஒரு ஃபைட்டராவே தன்னோட வாழ்க்கையை முடிச்சிடக்கூடாதேனு, 'நான் கடவுள்’ல அந்த வில்லன் கேரக்டரை அவருக்குக் கொடுத்தேன்’’ என்றார். 


பாலா தனக்குக் கொடுத்த வாய்ப்பை மிகச்சரியா பயன்படுத்தியிருப்பார் ராஜேந்திரன். மொட்டைத் தலை, நரம்பு உடம்பு, கடவுள் பக்தி, துளியும் இரக்கமில்லாத கொடூரம் என வித்தியாசமான வில்லனாகவும், கால் திருகிப் பிறந்திருக்கும் ஓர் ஊனமுற்ற பையனைப் பார்த்து, 'நல்ல உருப்படி... நமக்கு வேலை வைக்கலை' என்று சந்தோஷம் காட்டும்போதும், பூஜாவை அடித்துத் துவைக்கும்போதும் மிரட்டியிருப்பார். வில்லனாக அறிமுகமானாலும் தற்போது அதிகமான காமெடிப் படங்களில் நடித்து வருகிறார். வரணும்... பழைய வில்லனா வரணும்னு பல பேர் வெயிட்டிங் பாஸ்.

Third party image reference
'அம்மாவை மதிக்கணும்... சரியா சாமீ?' என்று டீச்சர் டைப்பில் அறிவுரை சொல்லி, 'தாயிற் சிறந்த கோயிலுமில்லை' என்று பாடி சபாஷ் வாங்கிய பூஜா, கடவுளைக் கண்டபடி வசை பாடிய கவிஞர் விக்ரமாதித்யன், பிச்சைக்காரர்களிடம் பரிவு காட்டிய திருநங்கை கீர்த்தனா, மாங்காட்டுச் சாமியாக வந்த 'கோவை' கிருஷ்ணமூர்த்தி, 'அம்பானி யாரு?' என்றதும், 'செல்போன் விக்கிறவய்ங்க. அதெல்லாம் உனக்குத் தெரியாது' என்ற நக்கலில் தெறித்துச் சிரிக்கவைத்த வடுகப்பட்டி செந்தில், கடவுளைப் பற்றிய சுரீர் வசனங்களில் கவனிக்கவைத்த ஜெயமோகன், ஒரிஜினல் அடியும் உக்கிர வேகமுமாகச் சண்டைக் காட்சிகளை அமைத்திருந்த 'சூப்பர்' சுப்பராயன் எனப் பலரால், இந்த  பாலாவின் ’கடவுள்’ நமக்குள் வாழ்ந்துவருகிறார்.

நன்றி
விகடன்

நான் பலமுறை பார்த்த படங்களில் இதுவும் ஒன்று