பணமதிப்பிழப்பு காலக்கட்டத்தில் பெரிய தொகை டெபாசிட் செய்தவர்கள் மார்ச் 31-க்குள் கணக்குத் தாக்கல் செய்ய வேண்டும்: வருமான வரித் துறை

by **ayyasamy ram** Fri Feb 09, 2018 5:15 pm

பண மதிப்பிழப்புக் காலக்கட்டத்தில் பெரிய அளவில் தொகையை வங்கிகளில் டெபாசிட் செய்தவர்கள் மற்றும் அனைத்து நிறுவனங்களும் மார்ச் 31-ம் தேதிக்குள் வருமான வரிக் கணக்குத் தாக்கல் செய்ய வேண்டும் என்றும் தவறினால் அபராதத்தை எதிர்கொள்ள நேரிடும் என்றும் வருமானவரித்துறை அறிவுறுத்தியுள்ளது.

அதே போல் தகுதியுள்ள அறக்கட்டளைகள், அரசியல் கட்சிகள், மார்ச் 31 இறுதிக்கெடுவுக்குள் வருமான வரிக் கணக்குத் தாக்கல் செய்ய வேண்டும் என்றும் அறிவுறுத்தப்பட்டுள்ளது.

முன்னணி தினசரிகளில் வருமான வரித்துறை வெளியிட்டுள்ள பொதுமக்களுக்கான விளம்பர அறிவிப்புகளில் 2016-17, 2017-18க்கான வருமானவரிக் கணக்குத் தாக்கல் செய்ய இதுவே இறுதி அழைப்பு என்றும் தெரிவிக்கப்பட்டுள்ளது.

எனவே கடைசி நேரத்தில் நெருக்கியடித்துக் கொண்டு கணக்குத் தாக்கல் செய்ய வேண்டாம், இப்போதிலிருந்தே அதற்கான நடைமுறைகளில் இறங்கலாம் என்பதே வருமானவரித்துறையினரின் செய்தியாகும்.

கணக்குத் தாக்கல் செய்யாமலோ, முறையான வருமானத்தைக் காட்டாமல் கணக்குத் தாக்கல் செய்தாலோ அபராதம் விதிக்கப்படுவதோடு சட்டத்தையும் எதிர்கொண்டாக வேண்டும் என்று வருமான வரித்துறை எச்சரித்துள்ளது.

ஆண்டு வருவாய் ரூ.2.5 லட்சத்துக்கு மேல் ஈட்டும் நபர்கள், ரூ.3 லட்சத்துக்கும் மேல் ஆண்டு வருவாய் ஈட்டும் 60-80 வயது நபர்கள், ரூ.5 லட்சத்துக்கும் அதிகமாக வருவாய் ஈட்டும் 80 வயதுக்கும் அதிகமான நபர்கள் ஆகியோரும் வருமானவரிக் கணக்குத் தாக்கல் செய்ய வேண்டும்.

தி இந்து

இவங்க சொல்ற 2.5 லட்சத்திற்கு
ஒரு மண்ணும் செய்ய முடியாது.
20000 சம்பளம் தற்போது எதற்கு
உதவும். இதற்கு வருமானம் வரி
தாக்கல்.
இது எந்த அறிவாளி கணக்கு?
நன்றி ஐயா

by SK Sat Feb 10, 2018 11:40 am

by Sponsored content