திமிரு புடிச்சவன்' படத்துக்காக சிலம்பம் கற்கும் விஜய் ஆண்டனி

**ayyasamy ram** · **ayyasamy ram** Wed Feb 07, 2018 3:28 pm

கணேஷா இயக்கத்தில் உருவாகவுள்ள 'திமிரு புடிச்சவன்'
படத்திற்காக சிலம்பம் கற்று வருகிறார் நடிகர் விஜய் ஆண்டனி.

கிருத்திகா உதயநிதி இயக்கத்தில் உருவாகும் 'காளி' படத்தின்
பணிகளை முடித்துவிட்டார் விஜய் ஆண்டனி. இதன் இறுதிகட்டப்
பணிகள் மும்முரமாக நடைபெற்று வருகிறது.

மார்ச்சில் இப்படத்தை வெளியிட படக்குழு முடிவு
செய்திருக்கிறது.

'காளி' பணிகள் முடிவடைந்ததைத் தொடர்ந்து, தனது புதிய
படத்தை அறிவித்திருக்கிறார் விஜய் ஆண்டனி. 'திமிரு புடிச்சவன்'
என்று பெயரிடப்பட்டுள்ள இப்படத்தின் படப்பிடிப்பு இன்று முதல்
தொடங்குகிறது.

எஸ்.எஸ்.ராஜமெளலியிடம் உதவியாளராகப் பணிபுரிந்த
கணேஷா, இப்படத்தின் மூலம் இயக்குநராக அறிமுகமாகவுள்ளார்.
மேலும், 'திமிரு புடிச்சவன்' ஆக்‌ஷன் காட்சிகளுக்காக
பிரத்யேகமாக சிலம்பம் கற்று வருகிறார் விஜய் ஆண்டனி.

காவல்துறை அதிகாரியாக விஜய் ஆண்டனி நடிக்கும் முதல்
படமாக 'திமிரு புடிச்சவன்' உருவாகவுள்ளது குறிப்பிடத்தக்கது.

இப்படம் குறித்து இயக்குநர் கணேஷா, "எல்லா துறைகளிலும்
தன்னுடைய மொத்த உழைப்பையும் கொடுக்க முயற்சிக்கும்
விஜய் ஆண்டனியின் ஆர்வம் என்னை மிகவும் கவர்ந்தது.

அவருடைய அர்ப்பணிப்பும், பர்ஃபெக்‌ஷனும் பாராட்டுக்குரியது.
மேலும் இந்தப் படம் வழக்கமான போலீஸ் வெர்சஸ் வில்லன்
கதையாக இல்லாமல், மைண்ட் கேம் கூறுகளை உள்ளடக்கி,
அதிலும் பயணிக்கும் படம். சமகால இளைஞர்களின் நோக்கங்கள்
எப்படி இருக்க வேண்டும் என்பதையும் வலியுறுத்தும் படமாக
இருக்கும்" என்று தெரிவித்திருக்கிறார்.
-
------------------------------------
தி இந்து

SK · SK Thu Feb 08, 2018 11:34 am

திமிரு புடிச்சவன்' படத்துக்காக சிலம்பம் கற்கும் விஜய் ஆண்டனி

திமிரு புடிச்சவன்' படத்துக்காக சிலம்பம் கற்கும் விஜய் ஆண்டனி

Re: திமிரு புடிச்சவன்' படத்துக்காக சிலம்பம் கற்கும் விஜய் ஆண்டனி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக