ஜேட்லிக்கு நாட்டைப் பற்றி சரியாக தெரியவில்லை: ஆடிட்டர்கள் பதில்

by aeroboy2000 Fri Feb 09, 2018 9:15 am

ஜேட்லிக்கு நாட்டைப் பற்றி சரியாக தெரியவில்லை: ஆடிட்டர்கள் பதில்

நாட்டில் மூன்று கோடி மக்கள் மட்டுமே முறையாக வரி செலுத்துவதாக பட்ஜெட் அறிவிப்பின்போது மத்திய நிதியமைச்சர் அருண்ஜேட்லி குறிப்பிட்டார். இதற்கு, நாட்டைப் பற்றி நிதியமைச்சருக்கு முழுமையாகத் தெரியவில்லை என ஆடிட்டர்கள் மற்றும் நிறுவனச் செயலாளர்கள் பதிலளித்துள்ளதாக சமூக வலைதளங்களில் செய்திகள் பரவி வருகின்றன.

பட்ஜெட் அறிவிப்பின்போது ஜேட்லி தனது உரையில் நாட்டிலுள்ள 125 கோடி மக்களில் வெறும் மூன்று கோடிப் பேர் மட்டுமே வருமான வரியை முறையாக செலுத்துவதாக கவலை தெரிவித்திருந்தார். இதற்கு ஆடிட்டர்கள், நிறுவனச் செயலாளர்கள் பதிலளித்துள்ளதாக வாட்ஸ்ஆப் உள்ளிட்ட சமூக வலைதளங்களில் பரவியுள்ள செய்தி விவரம் வருமாறு:

நாட்டில் உள்ள 82 கோடி வாக்காளர்களில் 75 சதவீதம் மக்கள் விவசாய தொழிலில் உள்ளனர். அதாவது சுமார் 61.5 கோடிப் பேர் விவசாயத் துறையில் ஈடுபடுகின்றனர். மீதமுள்ள 20.5 கோடி மக்களில் 24 சதவீதம் பேர் வறுமைக்கோட்டுக்கு கீழ் வாழ்கின்றனர். இந்தப் பட்டியலில் வராதவர்களாக மீதம் 15 கோடிப் பேர் உள்ளனர். இந்த 15 கோடி பேரில் மூத்த குடிமக்கள், ஊதியம் பெறாமல் வீட்டு வேலைகளை மட்டுமே செய்துகொண்டிருக்கும் குடும்பத் தலைவிகள், வேலையற்ற இளைஞர்கள், வருமானவரி வரம்புக்குக் கீழ் ஊதியம் பெறுபவர்கள், வருமான வரியை முறையாக செலுத்தாத அரசியல்வாதிகள் போன்றோர் 75 சதவீதம் உள்ளனர். இவர்கள் அனைவரையும் கழித்துவிட்டுப் பார்க்கும்போது மீதமிருப்பது 3.5 கோடிப்பேர்தான். எனவே வருமான வரி உச்சவரம்புக்கு மேலுள்ள அனைவரும் சரியாக வரி கட்டி வருகின்றனர் .

மேலும், இதுவரை வருமான வரி வரம்புக்குள் வராதவர்களை, வரி வரம்புக்கு கொண்டுவர அரசு விரும்பினால் அதற்கு சில ஆலோசனைகளையும் இவர்கள் முன்வைத்துள்ளனர். குறிப்பாக 10 ஏக்கருக்கு மேல் நிலத்தை சொந்தமாக வைத்துக் கொண்டு விவசாயம் செய்யும் நில உரிமையாளர்களுக்கு குறைந்த அளவு வரி விதிப்பதன் மூலம் சுமார் 26 சதவீத விவசாயிகள் வருமான வரி வரம்புக்குள் வருவார்கள். இதனால் அரசியல்வாதிகளும் விவசாயிகள் என்ற பெயரில் வரி ஏய்ப்பு செய்வது குறையும்.

வருமான வரியை தாமதமாகத் தாக்கல் செய்பவர்களுக்கு ரூ.5 ஆயிரம், ரூ.10 ஆயிரம் எனக் கடுமையாக அபராதம் விதிப்பதற்கு பதிலாக சரியான நேரத்தில் வரி செலுத்துவோருக்கு கார், பைக் போன்ற சில பொருட்களை வாங்கும்போது சலுகை கிடைக்கும் போன்ற திட்டங்களைச் செயல்படுத்தலாம். (இந்த நடைமுறை பாகிஸ்தானில் உள்ளது)

ஒரு குறிப்பிட்ட தொகைக்குமேல் அதிகமாக வரி செலுத்துவோருக்கு சலுகைகளை அறிவிக்கலாம். குறிப்பாக ரயில் டிக்கெட்டில் முன்னுரிமை, ஏர்போர்ட் ஓய்வறை, மருத்துவக் காப்பீடு, 65 வயதுக்குமேல் ஆனவர்களுக்கு அவர்கள் முன்னர் செலுத்திய வருமான வரிக்கு ஏற்ப ஓய்வூதியம் போன்ற திட்டங்களைச் செயல்படுத்தலாம்.

வரி செலுத்துவோரை இவ்வாறு ஊக்குவிப்பதன் வழியாக வரியை முறையாக செலுத்தும் ஆர்வம் அதிகரிப்பதோடு நாட்டுக்கும் நன்மை பயக்கும் என்கிறது ஆடிட்டர்கள், நிறுவன செயலாளர்கள் பெயரில் பரவி வரும் செய்தி. இந்தியாவில் 3.3 சதவீதமாக உள்ள வரி செலுத்துவோர் சதவீதம் சீனாவில் 8 சதவீதமாக உள்ளது குறிப்பிடத்தக்கது. விவசாய வருமானத்துக்கும் வரி வரம்பு கொண்டுவந்தால் 10 சதவீதம் பேர் வரி செலுத்தும் நாடாக உருவாகும் என்றும் அந்த தகவலில் குறிப்பிடப்பட்டுள்ளது.

நன்றி - தமிழ் இந்து
08-02-2018

by **T.N.Balasubramanian** Fri Feb 09, 2018 9:45 am

வரி செலுத்தாதவர்கள் பட்டியலில் அநேகர், MP /MLA /அவர்களது உறவினர்கள்
பாங்கில் கடன் வாங்கி திருப்பி தராத பெரிய வியாபார முதலைகள் /அவர்களுக்கு கடன் கொடுத்த பாங்கர்கள் /முக்கியமாக நடிகர் நடிகைகள்/.
ஒழுங்காக வரி செலுத்துபவர்கள் , வரி பிடிக்கப்படும் ( TDS ) ஆபீசில் வேலை செய்பவர்களே. அது மிகவும் குறுகிய வட்டம்.சிறுமீன்கள்.
பெரிய திமிங்கலத்தை எல்லாம் பிடித்தால் நல்லது.

(அப்புறம் கட்சிக்கு டொனேஷன் ஏதும் வராது)

ரமணியன்

by SK Fri Feb 09, 2018 11:24 am

அது சரி பக்கோடா விற்பவர்கள் வரி செலுத்துகிறார்களா

by Sponsored content

ஜேட்லிக்கு நாட்டைப் பற்றி சரியாக தெரியவில்லை: ஆடிட்டர்கள் பதில்

ஜேட்லிக்கு நாட்டைப் பற்றி சரியாக தெரியவில்லை: ஆடிட்டர்கள் பதில்

Re: ஜேட்லிக்கு நாட்டைப் பற்றி சரியாக தெரியவில்லை: ஆடிட்டர்கள் பதில்

Re: ஜேட்லிக்கு நாட்டைப் பற்றி சரியாக தெரியவில்லை: ஆடிட்டர்கள் பதில்

Re: ஜேட்லிக்கு நாட்டைப் பற்றி சரியாக தெரியவில்லை: ஆடிட்டர்கள் பதில்