கவர்னர் மீது சேற்றை வாரி இறைக்க வேண்டாம்: மம்தா அரசுக்கு கவர்னர் பதிலடி

by **ayyasamy ram** Fri Feb 09, 2018 3:31 am

கோல்கட்டா:
கவர்னர் மீது சேற்றை வாரி இறைக்க வேண்டாம் என
மேற்குவங்க அரசுக்கு கவர்னர் திரிபாதி பதிலடி
கொடுத்துள்ளார்.

மேற்குவங்கத்தில் கவர்னர் கே.என். திரிபாதி , முதல்வர்
மம்தா பானர்ஜி மோதல் உச்சத்தை எட்டியுள்ளது.
மால்டா மாவட்ட அரசு அதிகாரிகள், காவல்துறை
அதிகாரிகளுடன் வளர்ச்சிப்பணிகள், சட்டம் ஒழுங்கு குறித்து .
நேற்று முன்தினம் கவர்னர் திரிபாதி ஆலோசனை நடத்தினார்.

இந்நிலையில் மாநில மூத்த அமைச்சர் பர்தா சாட்டர்ஜி
தலைமையிலான 30 திரிணாமுல் காங். எம்.பி.க்கள்
டில்லியில் மத்திய உள்துறை அமைச்சர் ராஜ்நாத்சிங்கை
சந்தித்து கவர்னர் அரசியலமைப்பு சட்டத்தை மீறுவது
சரியல்ல என புகார் கூறினர்.

மேலும் மம்தா பானர்ஜி அமைச்சரவையில் உள்ள அமைச்சர்கள்
பலரும் கவர்னரை கடுமையாக விமர்சித்து அறிக்கை
வெளியிட்டு வந்தனர்.

இது குறித்து கவர்னர் திரிபாதி கூறுகையில், கவர்னர் மீது இந்த
அரசு சேற்றை வாரி இறைக்க வேண்டாம், அவர்கள் ஒருமுறை
கண்ணாடியில் முகத்தை பார்த்து, முகத்தில் இருந்து அழுக்கை
அகற்ற வேண்டும், "என்று அவர் கூறினார் .

இதன் மூலம் கவர்னர், அரசு மோதல் தீவிரமடைந்து வருகிறது.
-
---------------------------------------------
தினமலர்