உ.பி.பள்ளி பொதுத்தேர்வில் கிடுக்கிப்பிடி: 10,12ம் வகுப்பு மாணவர்கள் 2 லட்சம் பேர் ‘ஆப்சென்ட்’

'
உத்தரப்பிரதேச மாநிலத்தில் இந்த ஆண்டு 10, 12-ம் வகுப்பு
பொதுத்தேர்வில் கடுமையான விதிமுறைகள் அமல்படுத்தப்
பட்டதால் தேர்வின் முதல் நாளன்று 1.8 லட்சம் மாணவர்கள்
தேர்வு எழுதவரவில்லை.

உத்தரப்பிரதேசத்தில் 10ம் வகுப்பு, 12ம் வகுப்பு பொதுத்தேர்வின்
போது மாணவர்கள் காப்பி அடித்து எழுதுவதாக கடந்த ஆண்டு
வரை பல்வேறு சர்ச்சைகள் எழுந்தன. அங்கு பாஜக ஆட்சிக்கு
வந்ததும், முதல்வராகப் பொறுப்பேற்ற யோகி ஆதித்யநாத்,
பள்ளித் தேர்வு முறைகளில் பின்பற்றப்படும் நெறிமுறைகளை
கடினமாக்கினார்.
நேர்மையாக தேர்வுகள் நடக்க வழி செய்யப்பட்டது.

தேர்வு மையங்கள் குறைக்கப்பட்டன, தேர்வு மையங்களில்
ஒவ்வொரு அறைக்கும் கண்காணிப்பு கேமிராக்கள், சிறப்பு
அதிரடிப்படையினர் சோதனை, போலீஸ் பாதுகாப்பு, புலனாய்வு
போலீசார் கண்காணிப்பு ஆகியவற்றால் தேர்வு முறை
கடினமானக்கப்பட்டது.

இந்நிலையில், 10ம், 12ம் வகுப்பு பொதுத் தேர்வுகள் நேற்று
தொடங்கின, வரும் மார்ச் மாதம் 12ம் தேதி வரை நடைபெறுகிறது.
இந்த கடினமான விதிமுறைகளைப் பார்த்த மாணவர்களில்
1.80 லட்சம் பேர் முதல் நாளான நேற்று தேர்வு எழுத வரவில்லை.

இது குறித்து கல்வித்துறை துணை இயக்குநர் விகாஸ் வஸ்தவா
கூறியதாவது:

10ம் வகுப்பு, 12ம் வகுப்பு பொதுத்தேர்வு நேற்று தொடங்கியது.
தேர்வின் முதல் நாளிலேயே ஒரு லட்சத்து 80 ஆயிரத்து
826 மாணவர்கள் தேர்வு எழுத வரவில்லை. இதில் உயர் நிலைப்
பள்ளியைச் சேர்ந்த 53 ஆயிரத்து 100 மாணவர்கள், மேல்
நிலைப் பள்ளியைச் சேர்ந்த 1.27 லட்சம் மாணவர்கள் அடங்கும்.

இந்த அளவுக்கு அதிகமாக பொதுத் தேர்வை எழுதாமல்
மாணவர்கள் இருந்தது இல்லை. இந்த ஆண்டு முதல் தேர்வு
முறையில் பின்பற்றப்படும் விதிமுறைகளை அரசு
கடினமாக்கியுள்ளது.

ஒவ்வொரு அறைக்கும் கண்காணிப்பு கேமிரா, சிறப்பு அதிரடிப்
படையினர் சோதனை, மாணவர்களை காப்பி அடிக்க
வைப்பதற்காக அலையும் கும்பலை பிடிக்க தனி போலீஸ்
குழுக்கள் அமைக்கப்பட்டுள்ளன.

இதனால், தவறு செய்ய முடியாத மாணவர்கள் தேர்வு எழுத
வரவில்லை.

இந்த ஆண்டு பொதுத் தேர்வுக்கு மொத்தம் 66 லட்சத்து
37 ஆயிரத்து 18 மாணவர்கள் பதிவு செய்து இருந்தனர்.
இதில் 10ம் வகுப்பில் 36 லட்சத்து 55 ஆயிரத்து 691 மாணவர்களும்,
12ம் வகுப்பில் 29 ஆயிரத்து 81 ஆயிரத்து 327 மாணவர்களும்
அடங்கும்.

இவ்வாறு அவர் தெரிவித்தார்.

கடந்த ஆண்டு தேர்வில் காப்பி அடித்தாகக் கூறி ஆயிரத்து
872 மாணவர்கள் சிக்கினார்கள். 5.94 லட்சம் மாணவர்கள்
தேர்வு எழுதாமல் சென்றனர்.

இது குறித்து துணை முதல்வர் தினேஷ் சர்மா லக்னோவில்
நிருபர்களிடம் கூறுகையில், “ கடினமான விதிமுறைகள்
கொண்டுவரப்பட்டதன் நோக்கமே, தவறு நிகழாமல் தேர்வுகள்
நடக்க வேண்டும் என்பதுதான்.

இதன் காரணமாகவே தேர்வு மையங்கள் எண்ணிக்கை
12 ஆயிரத்தில் இருந்து 8,500 ஆக குறைக்கப்பட்டது.
மாணவர்கள் காப்பி அடுத்து தேர்வு எழுதுவதையும்,
அவர்களுக்கு மாபியா கும்பல் உதவுவதையும் பொறுத்துக்
கொள்ள முடியாது.

இவ்வாறு அவர் தெரிவித்தார்.
-
----------------------------------------------
தி இந்து