மதுரை ஆதீனம் என்று தன்னை அறிவித்ததை திரும்பப் பெற்றுக் கொள்வதாக நித்யானந்தா நீதிமன்றத்தில் பதில்மனு தாக்கல்

by **ayyasamy ram** Tue Feb 06, 2018 3:53 pm

சென்னை:

293-வது மதுரை ஆதீனமாக தன்னை அறிவித்தக் கொண்டதை
திரும்பப் பெற்றுக் கொள்வதாக நித்யானந்தா பதில் மனு
தாக்கல் செய்துள்ளார்.

சென்னை உயர்நீதிமன்றம் எச்சரிக்கை விடுத்ததை அடுத்து
நித்யானந்தா தரப்பில் பதில் மனு தாக்கல் செய்யப்பட்டுள்ளது.

293-வது ஆதீனமாக தன்னை அறிவித்துக் கொண்டதை எதிர்த்து
ஜெகதலபிரதாபன் என்பவர் வழக்கு தொடர்ந்தார்.
அந்த மனுவில் ஆதீனம் மடத்துக்குள் நுழையவும்
அருணகிரிநாதரின் நிர்வாகத்தில் தலையிடவும்
நித்யானந்தாவுக்குத் தடை விதிக்க வேண்டும்.

நித்யானந்தாவிடமிருந்து ஆதீன மடத்தைப் பாதுக்காக்கவும்
, மடத்துக்குள் நுழைய நித்யானந்தாவுக்கு நிரந்தர தடை விதித்தும்
உத்தரவிட வேண்டும் என மனுவில் தெரிவித்து இருந்தார்.

இந்த மனுவை விசாரித்த உயர் நீதிமன்றம் கடந்த அக். 11-ல்
ஆதினம் மடத்துக்குள் நுழைய நித்யானந்தாவுக்கு இடைக்கால
தடை விதித்தது. இந்த இடைக்கால தடையை எதிர்த்து
நித்யானந்தா சார்பில் பதில் மனு ஒன்று தாக்கல் செய்யப்பட்டது.

அந்த மனுவை விசாரித்த நீதிபதி மகாதேவன் 292-வது ஆதீனம்
உயிரோடு இருக்கும்போது 293-வது ஆதீனம் என எப்படி
குறிப்பிடலாம். அவ்வாறு தாக்கல்செய்த பதில்மனுவை
நித்யானந்தா திரும்பப் பெறுவதற்கான மனுவைத் தாக்கல்
செய்ய வேண்டும், இல்லை என்றால் அவர் மீது குற்றவியல்
நடவடிக்கை எடுக்கப்படும் என நீதிபதி எச்சரிக்கை விடுத்தார்.

நீதிபதி எச்சரிக்கையை தொடர்ந்து 293-வது மதுரை ஆதீனமாக
தன்னை அறிவித்தக் கொண்டதை திரும்பப் பொற்றுக் கொள்வதாக
நித்யானந்தா பதில் மனு தாக்கல் செய்துள்ளார்.
-
------------------------------------------
தினகரன்

ayyasamy ram wrote:
நீதிபதி எச்சரிக்கையை தொடர்ந்து 293-வது மதுரை ஆதீனமாக
தன்னை அறிவித்தக் கொண்டதை திரும்பப் பொற்றுக் கொள்வதாக
நித்யானந்தா பதில் மனு தாக்கல் செய்துள்ளார்.

மேற்கோள் செய்த பதிவு: 1258798
ஆசை யாரை விட்டது தப்பித்தது தம்பிரான் புண்ணியம் என்று விலகிக் கொண்டார்
நன்றி ஐயா

by SK Wed Feb 07, 2018 11:15 am

அவர் வேண்டுமானால் தீவிர ஆன்மீக அரசியலில் இறங்கி தமிழகத்திற்கு முதல்வராக வரலாமே

by Sponsored content