2 ரன்னுக்கு 40 நிமிடம் இடைவெளி: முன்னாள் வீரர்கள் விமர்சனம்

**ayyasamy ram** · **ayyasamy ram** Mon Feb 05, 2018 3:34 pm

-

தென்ஆப்பிரிக்காவுக்கு எதிரான 2-வது ஒருநாள் போட்டியில்
இந்திய அணி 119 ரன் இலக்கை நோக்கி ஆடியது.

இந்திய அணி 15 ஓவர்களில் 1 விக்கெட் இழப்புக்கு 93 ரன் எடுத்து
இருந்தபோது மதிய உணவு இடைவேளை நேரம் வந்தது.

அப்போது நடுவர்கள் மதிய உணவு இடைவேளை விடாமல்
கூடுதலாக 4 ஓவர் வீச அனுமதித்தார். இந்திய அணி 19 ஓவர்களில்
1 விக்கெட் இழப்புக்கு 117 ரன் எடுத்து இருந்தபோது நடுவர்கள்
மதிய உணவு இடைவேளையை அறிவித்தனர்.

அதாவது வெற்றிக்கு 2 ரன் மட்டுமே தேவை என்று இருக்கும்பாது,
நடுவர்கள் இடைவேளை விட்டது மிகுந்த சர்ச்சையை ஏற்படுத்தி
உள்ளது.

ஏனென்றால் கூடுதலாக ஒரு ஓவர் வீசி இருந்தால் இந்திய அணி
வெற்றி பெற்று இருக்கும். 2 ரன்னுக்காக 40 நிமிடம் நேரம்
காத்திருக்க வேண்டியதாகிவிட்டது. மதிய உணவு இடைவேளை
நேரம் 40 நிமிடமாகும்.

5 நிமிடம் கொடுத்தால் ஆட்டத்தை முடித்து விடலாம் என்று இந்திய
அணி கேப்டன் வீராட்கோலி விடுத்த கோரிக்கையை நடுவர்கள்
அலிம்தர் (பாகிஸ்தான்)- அட்ரியன் ஹோல்ட் ஸ்டாக்
(தென்ஆப்பிரிக்கா) நிராகரித்துவிட்டனர்.

40 நிமிடம் கழித்து களம் இறங்கிய தவான்- வீராட்கோலி ஜோடி
அடுத்த சில நிமிடத்தில் வெற்றியை பெற்றது.
2 ரன்னுக்காக 40 நிமிடம் நேரம் அனைவரையும் காத்திருக்க
வைத்தது கடும் விமர்சனத்தை ஏற்படுத்தி உள்ளது.

நடுவர்களின் இந்த முடிவுக்கு முன்னாள் வீரர்கள் கடும் கண்டனம்
தெரிவித்து உள்ளார்.

வெஸ்ட்இண்டீஸ் முன்னாள் வேகப்பந்து வீரரும், டெலிவிசன்
வர்ணனையாளருமான மைக்கேல் ஹோல்டிங் கூறும்போது,
“நடுவர்களின் இந்த முடிவு கேலிக் கூத்தானது” என்று கூறியுள்ளார்.

இங்கிலாந்து முன்னாள் கேப்டன் மைக்கேல் வாகன் கூறும்போது,
வெற்றிக்கு 2 ரன் தேவைப்படும் போது லஞ்ச் பிரேக் வந்துவிட்டது.
நிச்சயமாக பொது அறிவு இல்லாததை காட்டியது” என்றார்.

முன்னாள் சுழற்பந்து வீரர் முரளி கார்த்திக் கூறும்போது,
“ 2 ரன்னுக்காக ஆட்டத்தை நீட்டிக்காமல் விட்டது மோசமானது.
இது அபத்தமானது, கேலிக்கூத்தானது” என்றார்.

இங்கிலாந்து முன்னாள் கேப்டன் அலெக் ஸ்டுவர்ட் கூறும்போது
, “கிரிக்கெட்டில் சில சமயம் பொது அறிவு மாறும் நெகிழ்வு
தன்மை இல்லாததை இது காட்டுகிறது” என்றார்.

இதேபோல பல வீரர்களும் டுவிட்டரில் நடுவர்களின் முடிவை
கடுமையாக விமர்சனம் செய்துள்ளனர்.
-
---------------------------------
மாலைமலர்

**பழ.முத்துராமலிங்கம்** · 27/09/2015

ரூல்ஸ் ரூல்ஸ் தான்
ஒரே ரன் ஆக இருந்தாலும்.
நன்றி ஐயா

2 ரன்னுக்கு 40 நிமிடம் இடைவெளி: முன்னாள் வீரர்கள் விமர்சனம்

2 ரன்னுக்கு 40 நிமிடம் இடைவெளி: முன்னாள் வீரர்கள் விமர்சனம்

Re: 2 ரன்னுக்கு 40 நிமிடம் இடைவெளி: முன்னாள் வீரர்கள் விமர்சனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக