லஞ்சம்: பாரதியார் பல்கலை துணைவேந்தர் கணபதி கைது

**ayyasamy ram** · **ayyasamy ram** Sat Feb 03, 2018 6:57 pm

கோவை:
பேராசிரியர் பணி நியமனத்திற்கு ரூ. 30 லட்சம் லஞ்சம் வாங்கிய
கோவை பாரதியார் பல்கலை துணைவேந்தர் கணபதியை
லஞ்ச ஒழிப்பு போலீசார் கைது செய்தனர்.

கோவையில் உள்ள பாரதியார் பல்கலை துணைவேந்தர் கணபதி,
பேராசிரியர் பணி நியமனத்திற்கு சுரேஷ் என்பவரிடம்
ரூ.30 லட்சம் கேட்டதாக புகார் எழுந்தது. இதனையடுத்து
பல்கலையில் லஞ்ச ஒழிப்பு போலீசார் சோதனை நடத்தினர்.

துணைவேந்தர் அலுவலகத்திலும் சோதனை நடந்தது. தொடர்ந்து,
ரூ.1 லட்சத்தை ரொக்கமாகவும், ரூ.29 லட்சத்தை காசோலையாகவும்
வாங்கிய போது, கணபதியை லஞ்ச ஒழிப்பு போலீசார் கையும்
களவுமாக கைது செய்தனர்.

அவரிடம் விசாரணை நடந்து வருகிறது. கணபதி வீட்டிலும் போலீசார்
சோதனை நடத்தினர்.

கோவை பாரதியார் பல்கலை துணைவேந்தர் பங்களாவில் லஞ்ச
ஒழிப்புத் துறை போலீசார் விசாரணையில் ஈடுபட்டுள்ளதையடுத்து
பலத்த போலீஸ் பாதுகாப்பு போடப்பட்டுள்ளது.
-
----------------------------------------
தினமலர்

**ayyasamy ram** · **ayyasamy ram** Sun Feb 04, 2018 7:13 am

ரூ 2,000 நோட்டுக்களை கிழித்த துணைவேந்தர்
-
கோவை:
லஞ்சம் வாங்கிய வழக்கில் கைதாகியுள்ள கோவை பாரதியார்
பல்கலை., துணை வேந்தர் கணபதி ரூ 2,000 நோட்டுக்களை
கிழித்து போட்டதாக தகவல் வெளியாகியுள்ளது.

கோவையில் உள்ள பாரதியார் பல்கலை துணைவேந்தர் கணபதி,
பேராசிரியர் பணி நியமனத்திற்கு சுரேஷ் என்பவரிடம்
ரூ.30 லட்சம் லஞ்சம் கேட்டதாக பல்கலை துணைவேந்தர் கணபதி,
அவருக்கு இடைத்தரகராக செயல்பட்ட தர்மராஜ், மற்றம்
கணபதியின் மனைவி சொர்ணலதா ஆகியோர் கைது
செய்யப்பட்டனர்.

இந்நிலையில் ரூ 58 ஆயிரம் மதிப்புள்ள 28 ரூ 2,000 ரூபாய்
நோட்டுக்களை துணைவேந்தர் கணபதி கிழித்து கழிவுநீர்
தொட்டியில் வீசியதாக லஞ்ச ஒழிப்பு போலீசார் சார்பில் தகவல்
வெளியாகியுள்ளது.

தற்போது துணைவேந்தர் கணபதிக்கு சொந்தமான திருச்சி துறையூர்
அருகே உள்ள வீட்டிலும் சோதனை நடந்து வருகிறது.
-
------------------------------------
தினமலர்

**Dr.S.Soundarapandian** · **Dr.S.Soundarapandian** Sun Feb 04, 2018 9:14 pm

**M.Jagadeesan** · **M.Jagadeesan** Tue Feb 06, 2018 6:10 am

லஞ்சம் வாங்கிய குற்றத்திற்காகத் துணைவேந்தர் பிடிபட்டார் . குட்கா விற்பதற்கு லஞ்சம் வாங்கிய அமைச்சர் மீது நடவடிக்கை இல்லை . RK நகர் இடைத்தேர்தலில் 89 கோடி அளவுக்குப் பணம் விநியோகம் செய்தவர்கள் பட்டியலில் முதலமைச்சர் பெயரும் உள்ளது . அவர்மீது இதுவரையில் எந்த நடவடிக்கையும் இல்லை .

வேந்தனுக்கு ஒரு நீதி , துணைவேந்தனுக்கு ஒரு நீதியா ?

Sponsored content · Sponsored content

லஞ்சம்: பாரதியார் பல்கலை துணைவேந்தர் கணபதி கைது

லஞ்சம்: பாரதியார் பல்கலை துணைவேந்தர் கணபதி கைது

Re: லஞ்சம்: பாரதியார் பல்கலை துணைவேந்தர் கணபதி கைது

Re: லஞ்சம்: பாரதியார் பல்கலை துணைவேந்தர் கணபதி கைது

Re: லஞ்சம்: பாரதியார் பல்கலை துணைவேந்தர் கணபதி கைது

Re: லஞ்சம்: பாரதியார் பல்கலை துணைவேந்தர் கணபதி கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக