சுற்றுப்புற சுழல் மாசுபபடாமலிருக்க நாம் என்ன செய்யலாம் ?

megastar · megastar Mon Jul 26, 2010 7:15 pm

நாம் ஒன்றும் செய்யாமலிருந்தால் போதும். ஆம்! நாம் வனத்தை, மரங்களை அழிக்காமல் இருந்தால் போதும். காற்றின் மாசுபடுதலை அதிலுள்ள கரியமில நச்சு வாயுவை தாவரங்கள் உறிஞ்கிக்கொண்டு நமக்கு சுவாசிப்பதற்கு நல்ல பிராண வாயு கிடைக்கச்செய்யும். ஆற்றில் மணலை கொள்ளையடிக்காமல் இருந்தால் மழை நீர் ஆதாரம் பெருகி எங்கும் நீர் செல்ல வாய்ப்பு ஏற்ப்படும், இதனால், நீரோட்டம் பெருகி சாக்கடைகள் அடித்து செல்லப்படும். ஓடும் நீரில் கழிவுகள் தேங்காது. குளங்களை ஆக்கிரமிப்பு செய்யாமலிருந்தால் குப்பை மேடுகள் காணமல் சென்று இருக்கும். அதிகாரிகள் கையூட்டு வாங்கமலிருந்தால், சாயக் கழிவுகள், தொழிற்சாலை புகைப் போக்கிகள் எல்லாம் சீர்ப்பட்டிருக்கும். நாம் நாகரீகக் கோமாளிகளாக இல்லாமலிருந்தால் இன்றைய வண்ண வண்ண பிளாஸ்டிக் பொருட்களும், பைகளும் தலைதூக்கி இருக்காது. ஆக மொத்தத்தில் நாம் நாமாக இருந்தாலே சுற்றுப்புறத்தை பேணிப் பாது காக்கலாம்.[justify]