ஜெயலலிதாவுக்கு நினைவிடம் அமைப்பதற்கான அரசு டெண்டரை எதிர்த்து உயர் நீதிமன்றத்தில் வழக்கு

by **ayyasamy ram** Sat Feb 03, 2018 8:12 am

சென்னை:
ஜெயலலிதாவுக்கு மெரினா கடற்கரையில் எம்ஜிஆர் சமாதி
வளாகத்தில் நினைவிடம் அமைக்கப்படும் என்று தமிழக அரசு
அறிவித்தது.

இதை எதிர்த்து, டிராபிக் ராமசாமி உள்ளிட்ட பலர்
உயர் நீதிமன்றத்தில் வழக்கு தொடர்ந்தனர். உயர் நீதிமன்ற
வக்கீல் எஸ்.துரைசாமியும் ஜெயலலிதாவுக்கு அரசு செலவில்
நினைவிடம் அமைக்கும் முடிவை எதிர்த்து வழக்கு தொடர்ந்தார்.

இந்த வழக்கில் அவர் நேற்று கூடுதல் மனுத்தாக்கல் செய்துள்ளார்.
அதில் கூறியிருப்பதாவது: வருமானத்திற்கு அதிகமாக சொத்து
குவித்த வழக்கில் 4 ஆண்டுகள் சிறைத் தண்டனை பெற்ற
ஜெயலலிதாவுக்கும் ரூ.100 கோடி அபராதம் விதிக்கப்பட்டது.
இதுவரை அந்த தொகையை அரசு வசூலிக்க நடவடிக்கை
எடுக்கவில்லை.

இந்நிலையில் ஜெயலலிதாவுக்கு அரசு செலவில் நினைவிடம்
அமைப்பது ஏற்கக்கூடியதானதல்ல. நீதிமன்றத்தால் குற்றவாளி
என்று அறிவிக்கப்பட்ட ஒருவருக்கு அரசு செலவில் நினைவிடம்
அமைத்தால் எதிர்கால சந்ததியினருக்கு அது தவறான
முன்னுதாரணமாக ஆகிவிடும்.

கடலோர ஒழுங்குமுறை மண்டலத்துக்கு உட்பட்ட பகுதிகளில்
கட்டிடம் கட்டக் கூடாது என விதிகள் உள்ள நிலையிலும்,
நினைவிடம் தொடர்பான வழக்கு நிலுவையில் உள்ள நிலையிலும்
அவற்றை கருத்தில் கொள்ளாமல் ஜெயலலிதா நினைவிடம்
அமைக்க தமிழக பொதுப்பணித்துறை கடந்த மாதம் 11ம் தேதி
டெண்டர் வெளியிட்டுள்ளது.

ரூ.46.63 கோடி மதிப்புள்ள அந்த டெண்டரில் ஒப்பந்ததாரர்கள்
பங்கேற்க கடைசி நாளாக பிப்ரவரி 7ம் தேதி அறிவிக்கப்பட்டுள்ளது.
எனவே, விதிமுறைகளுக்கு முரணாக ஜெயலலிதாவுக்கு நினைவிடம்
கட்டுவதற்காக வெளியிடப்பட்ட ெடண்டர் அறிவிப்பை ரத்து செய்ய
வேண்டும் என கூறப்பட்டுள்ளது.

இந்த மனு வரும் திங்கட்கிழமை விசாரணைக்கு வர உள்ளது.
-
-------------------------------------------
தினகரன்

by **M.Jagadeesan** Sat Feb 03, 2018 8:43 am

தமிழக அரசு உச்சநீதி மன்றத்தில் மறுசீராய்வு மனு செய்யவேண்டும் .அதில் ஜெயலலிதா குற்றவாளியில்லை என்று தீர்ப்பு வந்தபிறகு , அம்மையாருக்கு நினைவிடம் கட்டுவது நல்லது . குற்றவாளி ஒருவருக்கு , அரசு செலவில் ( சுமார் 40 கோடி ) மக்களின் வரிப்பணத்தை வீணடிப்பதை ஏற்றுக்கொள்ள முடியாது . இது தவறான முன்னுதாரணத்தை ஏற்படுத்திவிடும் .

by Guest Sun Feb 04, 2018 12:20 am

தமிழன்னைக்கு சிலை என்று சொன்னார்களே. அதையாவது செய்யலாமே. என்னாச்சு? குற்றவாளிக்கு சிலை எதற்கு? என்ன சாதித்தார்?

by Sponsored content

ஜெயலலிதாவுக்கு நினைவிடம் அமைப்பதற்கான அரசு டெண்டரை எதிர்த்து உயர் நீதிமன்றத்தில் வழக்கு

ஜெயலலிதாவுக்கு நினைவிடம் அமைப்பதற்கான அரசு டெண்டரை எதிர்த்து உயர் நீதிமன்றத்தில் வழக்கு

Re: ஜெயலலிதாவுக்கு நினைவிடம் அமைப்பதற்கான அரசு டெண்டரை எதிர்த்து உயர் நீதிமன்றத்தில் வழக்கு

Re: ஜெயலலிதாவுக்கு நினைவிடம் அமைப்பதற்கான அரசு டெண்டரை எதிர்த்து உயர் நீதிமன்றத்தில் வழக்கு

Re: ஜெயலலிதாவுக்கு நினைவிடம் அமைப்பதற்கான அரசு டெண்டரை எதிர்த்து உயர் நீதிமன்றத்தில் வழக்கு