ரூ.45 லட்சம் லஞ்ச பணத்துடன் துணை ராணுவ தளபதி கைது; சி.பி.ஐ. நடவடிக்கை

**ayyasamy ram** · **ayyasamy ram** Thu Feb 01, 2018 1:53 pm

புதுடெல்லி,

இவர் கடத்தல்காரர்களுக்கு சாதகமாக நடந்து கொண்டு, லஞ்சம் பெறுவதாக சி.பி.ஐ.க்கு புகார்கள் சென்றன. அதைத் தொடர்ந்து அவரை சி.பி.ஐ., தனது கண்காணிப்பு வளையத்தில் வைத்தது.

இந்த நிலையில் அவர் பெருந்தொகையுடன் ஷாலிமார் எக்ஸ்பிரஸ் ரெயில் மூலம் கேரள மாநிலம், ஆலப்புழைக்கு செல்வது தெரிய வந்தது. அவரை கையும், களவுமாக பிடிக்க முடிவு செய்து, சி.பி.ஐ., அதிகாரிகள், தனிப்பட்ட சாட்சி ஒருவருடன் ஆலப்புழை ரெயில் நிலையம் சென்றனர்.

ஜிபு மேத்யூ, அந்த ரெயிலின் ஏ.சி. பெட்டியில் இருந்து தனது உடைமைகளுடன் இறங்கியபோது அவரை சி.பி.ஐ. அதிகாரிகள் வழிமறித்து மடக்கிப்பிடித்தனர். அவரது நீல நிற டிராலி பையை ரெயில்வே அதிகாரிகள், சாட்சி முன்னிலையில் சி.பி.ஐ. அதிகாரிகள் சோதித்தனர். அதில் துணிகளுக்கு மத்தியில் 18 கட்டு ரூ.2 ஆயிரம் நோட்டுகள் (ரூ.34.44 லட்சம்), 22 கட்டு ரூ.500 நோட்டுகள் (ரூ.10.86 லட்சம்) என ரூ.45 லட்சத்து 30 ஆயிரம் இருந்ததைக் கண்டு கைப்பற்றினர்.

இந்தப் பணம் எங்கிருந்து வந்தது என்பது குறித்து விசாரித்தபோது, அவர் இந்திய–வங்காளதேச எல்லைப்பகுதியில் இயங்கி வருகிற கடத்தல்காரர்களுக்கு சாதகமாக நடந்து கொண்டு லஞ்சமாக பெற்றது என தெரிய வந்தது. அதைத் தொடர்ந்து அவரை கைது செய்தனர்.

ஜிபு மேத்யூ, இப்படி கடத்தல்காரர்களுக்கு உதவிகள் செய்து, லஞ்சம் பெறுவதை வழக்கமாக கொண்டிருந்தார் என தெரிய வந்து உள்ளது.

தினத்தந்தி

**T.N.Balasubramanian** · **T.N.Balasubramanian** Thu Feb 01, 2018 7:56 pm

பாவம் இவர்களுக்கு அரசு கொடுக்கும் சம்பளம் குறைவு.
இவர்களை என்ன பண்ணுவது? தேச துரோகிகள்..
இவர்கள் மேல் கேஸ் போட்டாலும் யாராவது ஒரு வக்கீலை பிடித்து
சட்ட ஓட்டைகளை அலசி ,ஜெயித்துவிட்டு மறுபடியும் வேலையில் சேர்ந்து விடுவார்கள்.

ரமணியன்

ரூ.45 லட்சம் லஞ்ச பணத்துடன் துணை ராணுவ தளபதி கைது; சி.பி.ஐ. நடவடிக்கை

ரூ.45 லட்சம் லஞ்ச பணத்துடன் துணை ராணுவ தளபதி கைது; சி.பி.ஐ. நடவடிக்கை

Re: ரூ.45 லட்சம் லஞ்ச பணத்துடன் துணை ராணுவ தளபதி கைது; சி.பி.ஐ. நடவடிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக