பெங்களூருவில் ஒலிபெருக்கியில் தமிழ் அறிவிப்பு செய்தவர் சந்தித்த வேதனை!

கர்நாடகத்தில் தமிழ்ச்சங்கம் சார்பில் 9-ம் ஆண்டு திருவள்ளுவர் தினம் 28-ம் தேதி கொண்டாடப்பட்டது. இந்த விழா மற்றும் அதையொட்டி ஏற்பாடு செய்யப்பட்டிருந்த தமிழர்- கன்னடர் ஒற்றுமைப் பேரணி குறித்து ஆட்டோவில் சென்று பல்வேறு பகுதிகளில் அறிவிப்பு செய்ய ஏற்பாடு செய்யப்பட்டிருந்தது.

பெங்களூருவில் ஒலிபெருக்கியில் தமிழ் அறிவிப்பு செய்தவர் சந்தித்த வேதனை! AvMTtYYShScefw61ezig+

பெங்களூருவில் ஒலிபெருக்கியில் தமிழ் அறிவிப்பு செய்தவர் சந்தித்த வேதனை!

பெங்களூரு தமிழ்ச்சங்கத்தைச் சேர்ந்த ஒருவர் ஆட்டோவில் சென்று தமிழில் அறிவிப்பு செய்து கொண்டிருந்தார். இந்தப் பேரணி குறித்த அறிவிப்பை அறிவித்துக் கொண்டிருந்தபோது, அவரை வழிமறித்த சிலர், 'தமிழில் ஏன் அறிவிப்பு செய்கிறார். இங்கே தமிழில் என்ன பேசுகிறாய், கன்னடத்தில் பேசுமாறு வாக்குவாதத்தில் ஈடுபட்டனர். இன்னொருவர் அறிவிப்பு செய்வதற்கு வாங்கிய அனுமதி சீட்டை காட்டுமாறு அதிகாரத் தொனியில் மிரட்டினார். அங்கிருந்த பெண்களும் அறிவிப்பு செய்தவரைப் பார்த்து கன்னடத்தில் பேசுமாறு கூறினர்.

பின்னர், ஆட்டோ சாவியை கைப்பற்றி அறிவிப்பு செய்தவரை முற்றுகையிட்டனர். இந்தச் சமயத்தில் அங்கே வந்த காவல்துறையினர் தமிழில் அறிவிப்பு செய்தவரின் அனுமதிச் சீட்டு எல்லாவற்றையும் வாங்கிச் சரி பார்த்தனர். முறையான அனுமதி இருக்கவே வாக்குவாதத்தில் ஈடுபட்டவர்களை போலீசார் அப்புறப்படுத்தினர். இதுகுறித்து கன்னடத் தமிழ்ச்சங்கத்தின் தலைவர் தாமோதரன் கூறுகையில், ''இது போன்ற பிரச்னைகளை நாங்கள் அவ்வப்போது எதிர்கொண்டுதான் வருகிறோம். மொழிப்பற்று என்ற பெயரில் இத்தகைய செயல்களில் சிலர் ஈடுபடுகின்றனர். முன்னணி கன்னட அமைப்புகள் தமிழ் மொழிக்குரிய மரியாதையை கொடுக்கத் தவறுவதில்லை''' என்றார்.
நன்றி
விகடன்

28ம் தேதி நடந்த பேரணியை கர்நாடக முதல்வர் சித்தராமையா, எதிர்கட்சித் தலைவர் எடியூரப்பா பெங்களூர் நகர மேயர் ஆகியோர் தொடங்கி வைத்தனர். சர்ச்சைக்குரிய இந்த வீடியோ தற்போது, இணையத்தில் வைரலாகிவருகிறது.
உங்கள் கருத்தைப் பதிவு செய்யுங்கள்