உயர்த்தப்பட்ட பேருந்துக் கட்டணத்தை குறைத்தது தமிழக அரசு!

தமிழக அரசு, பேருந்துக் கட்டணத்தை உயர்த்தியதற்கு எதிராக மாநிலம் முழுவதும் பல்வேறு இடங்களில் போராட்டம் திவிரமடைந்து வருகிறது. இந்நிலையில், உயர்த்தப்பட்ட பேருந்து கட்டணத்தை குறைத்தது தமிழக அரசு. மாற்றியமைக்கப்பட்ட கட்டணங்கள் நாளை முதல் அமலுக்கு வரும்.




மாற்றியமைக்கப்பட விலைப்படி, விரைவு பேருந்துகளில் கிலோ மீட்டருக்கு 80 பைசாவில் இருந்து 75 பைசாவாக கட்டணம் குறைக்கப்பட்டுள்ளது. குளிர்சாதனப் பேருந்துகளில் கிலோ மீட்டருக்கு கட்டணம் 140 பைசாவில் இருந்து 130 பைசாவாகக் குறைக்கப்பட்டு உள்ளது. சாதாரண பேருந்துகளில் கிலோ மீட்டருக்கு 60 பைசாவில் இருந்து 58 பைசாவாக குறைக்கப்பட்டு உள்ளது. சொகுசு பேருந்துகளில் கிலோ மீட்டருக்கு 90 பைசாவில் இருந்து 85 பைசாவாக கட்டணம் குறைக்கப்பட்டு உள்ளது. அதிசொகுசு இடைநில்லா பேருந்துகளில் 30 கிலோ மீட்டர் வரை பேருந்து கட்டணம் ரூ. 85 ஆக நிர்ணயம் செய்யப்பட்டுள்ளது. நகர மற்றும் மாநகர பேருந்துகளில் குறைந்தபட்சக் கட்டணம் ரூ.5 இலிருந்து ரூ. 4 ஆக குறைக்கப்பட்டு உள்ளது. சென்னை மாநகரப் பேருந்துகளில் அதிகபட்சக் கட்டணம் ரூ. 22 ஆக இருக்கும் எனத் தெரிவிக்கப்பட்டுள்ளது. மாற்றியமைக்கப்பட்ட கட்டணங்கள் நாளை முதல் அமலுக்கு வரும் எனவும் அரசு சார்பில் கூறப்பட்டுள்ளது.
உங்கள் கருத்தைப் பதிவு செய்யுங்கள்
நன்றி
ஐயா

தமிழகத்தில் உயர்த்தப்பட்ட பஸ் கட்டணம் குறைப்பு

சென்னை:
தமிழகத்தில் உயர்த்தப்பட்ட பஸ் கட்டணங்கள் குறைக்கப்படுவதாக
தமிழக அரசு அறிவிப்பு வெளியிட்டுள்ளது. அனைத்து நிலைகளிலும்
பஸ் கட்டணம் ரூ.1 குறைக்கப்பட்டது.
மாநகர பஸ்களில் குறைந்தபட்ச கட்டணம் ரூ.4 ஆக இருக்கும்
-
அதிகரிப்பு

அரசு போக்குவரத்து கழகங்களுக்கு ஏற்பட்ட தொடர் நஷ்டம்
காரணமாக கடந்த 6 வருடங்களுக்கு பிறகு கடந்த ஜன.,20 ம் தேதி
முதல் பஸ் கட்டணம் உயர்த்தப்பட்டது. இதற்கு மக்கள் மத்தியில்
கடும் அதிருப்தி ஏற்பட்டது. மாணவர்களும் எதிர்க்கட்சியினரும்
போராட்டம் நடத்தினர்.
-
பரிசீலனை:
-
இந்நிலையில் இன்று தேனியில் போலியோ சொட்டு மருந்து
முகாமை துவக்கி வைத்த பின்னர் செய்தியாளர்களிடம் பேசிய
துணை முதல்வர் ஓ.பன்னீர்செல்வம், பஸ் கட்டண உயர்வை
குறைப்பது தொடர்பாக பரிசீலனை செய்யப்படும் எனக்
கூறியிருந்தார்.
-
குறைப்பு:
-
ஓபிஎஸ் பேசிய சிறிது நேரத்திலேயே, உயர்த்தப்பட்ட பஸ்
கட்டணத்தை குறைப்பதாக தமிழக அரசு அறிவிப்பு வெளியிட்டது.
இன்று குறைக்கப்பட்ட பஸ் கட்டணத்தின்படி, சாதாரண பேருந்துகளில்
கட்டணம் 60 பைசாவில் இருந்து 58 பைசாவாகவும்,
விரைவு பேருந்துகளில் 80 பைசாவில் இருந்து 75 பைசாவாகவும்,
சொகுசு பஸ்களில் 90 பைசாவிலிருந்து 85 பைசாவாகவும்,
அதிநவீன பஸ்களில் 110 பைசாவிலிருந்து 100 பைசாவாகவும்
குறைக்கப்பட்டுள்ளது.
-
இதன் மூலம் நகர மற்றும் மாநகர பஸ்களில் குறைந்த பட்ச
கட்டணம் ரூ.5 லிருந்து ரூ. 4 ஆகவும் குறைக்கப்பட்டுள்ளதாகவும்,
அனைத்து நிலைகளிலும் ரூ.1 ஆக குறைக்கப்பட்டுள்ளதாகவும்
தமிழக அரசு அறிவித்துள்ளது.
-
சாதாரண பஸ்களில் குறைந்தபட்ச கட்டணம் ரூ.4 ஆகவும்,
அதிகபட்ச கட்டணம் ரூ.18 ஆக இருக்கும்.
சென்னை மாநகர பஸ்களில் குறைந்த பட்ச கட்டணம் ரூ.4 ஆகவும்,
அதிகபட்சமாக ரூ.22 ஆகவும் இருக்கும் என தெரிவிக்கப்பட்டுள்ளது.
-
சாதாரண பஸ்களில் 10 கிலோ மீட்டர் வரை பஸ் கட்டணம்
ரூ.58 ஆகவும், புறவழிசாலை பஸ்களில் 30 கிலோ மீட்டர் வரை
பஸ் கட்டணம் ரூ.85 ஆகவும் ,
விரைவு பஸ்களில் 30 கிலோ மீட்டர் வரை பஸ் கட்டணம் ரூ.75
ஆகவும்,
அதிசொகுசு இடைநில்லா பஸ்களில் 30 மீட்டர் வரை பஸ் கட்டணம்
ரூ.85 ஆகவும்,
அதிநவீன சொகுசு பஸ்களில் 30 கிலோ மீட்டர் வரை பஸ் கட்டணம்
ரூ.100 ஆகவும் நிர்ணயிக்கப்பட்டுள்ளது.
-
இந்த கட்டண குறைப்பு நாளை (ஜன.,29) முதல் அமலுக்கு வரும் எனவும்
தமிழக அரசு அறிவித்துள்ளது. உயர்த்தப்பட்ட பஸ் கட்டணம் தற்போது
குறைக்கப்பட்டுள்ளதால் நாள் ஒன்றிற்கு ரூ.4 கோடி வரை நஷ்டம்
ஏற்படும் என தெரிவிக்கப்பட்டுள்ளது.
-
----------------------------------------------
தினமலர்

ஏதோ குறைப்பது போல்இருக்கிறது. மக்கள் விரும்பார் .

60----58.  
80----75 
90----85 
110--100 
முறையே 3.33 ,6.25 , 5.56, 9.09சதவிகிதம் வரை குறைக்கப்பட்டது.
இது குறைப்பு என்ற போக்கு காட்டி
உள்ளனர்.

இது உங்கள் சொத்தை பிடிங்கி விட்டு
பொம்மை கொடுக்கும் செயல்