98 வயதில் பத்மஸ்ரீ விருது; கோவை நானம்மாளின் வரலாறு

by **ayyasamy ram** Fri Jan 26, 2018 8:01 am

கோவையைச் சேர்ந்த 98 வயதான நானம்மாளுக்கு பத்மஸ்ரீ விருது
கிடைத்துள்ள சம்பவம் அனைவரையும் நெகிழ்ச்சியடையச்
செய்துள்ள நிலையில், அவரது சாதனையைச் சற்று திரும்பி பார்ப்போம்

கோவை மாவட்டத்தில் யோகா நானம்மாள் யார் என்று கேட்டாலே
போதும், சிறிய எரும்பு கூட அவரது பெருமைகளை பறை சாற்றும்.
அந்த அளவுக்கு யேகாவில் கை தேர்ந்தவர்.
98 வயதில் கீழே விழுந்து முதுகில் அடிபட்ட நிலையிலும் விடாமல்
யோகா செய்து வருபவர்.

கோவை மாவட்டம் கணபதி பகுதியில் வசித்து வரும் நானம்மாள்,
பொள்ளாச்சிக்கு அருகிலுள்ள ஜமீன் காளியாபுரத்தில் 1920ம் ஆண்டு
பிறந்தவர்.

இவர் விவசாயக் குடும்பத்தைச் சேர்ந்தவர். இவருடைய தாத்தா
மன்னார்சாமியிடம் இருந்து நானம்மாள் யோகாசன பயிற்சிகளைக்
கற்றுக் கொண்டார். சிறிய வயதில் கற்ற பயிற்சிகளை முறையாக
செய்யத்துவங்கிய நானம்மாள், அதை 98 வயது கடந்த போதிலும்
விடுவதாயில்லை.

இவருடைய நல்ல உள்ளத்துக்கும் யோகாவுக்கும் ஏற்றார் போல்,
இவரது கணவர் சித்த வைத்தியராக அமைந்தார். அவர், நானம்மாளின்
யோகாவை பாரட்டினாரே தவிர, தடை விதிக்கவில்லை. இவர்களுக்கு
2 மகனகள், 3 மகள், 11 பேரன் பேத்திகள் உள்ளனர்.
-
நானம்மாளிடம் இதுவரை பல பேர் யோகா கற்று
பயனடைந்துள்ளனர். அவர்களில் சுமார் 600க்கும் மேற்பட்டோர்கள்
உலகம் முழுவதிலும் யோகா பயிற்சி சொல்லிக் கொடுத்துக்
கொண்டிருக்கிறார்கள்.

மேலும், நானம்மாளின் மாணவர்கள் சீனா, ஆஸ்திரேலியா,
லண்டன், சிங்கப்பூர், மலேசியா, தாய்லாந்து என பல்வேறு
நாடுகளில் நடக்கும் யோகா போட்டிகளில் பங்கேற்று வெற்றி
பெற்றுள்ளனர்.

இவருடைய சிறப்புகளை உணர்ந்து தான், தற்போது மத்திய
அரசு 2018ம் ஆண்டிற்கான பத்மஸ்ரீ விருது வழங்கி கவுரவித்துள்ளது.
ஏற்கனவே நானம்மாள் குடியரசுத்தலைவரிடம் பெண் சக்த விருதை
பெற்றவர் என்பது குறிப்பிடத்தக்கது.

-------------------------------------
தமிழ் சமயம்

by **ayyasamy ram** Fri Jan 26, 2018 8:02 am

by **T.N.Balasubramanian** Fri Jan 26, 2018 10:02 am

போற்றப்பட தகுதியானவர்.
காலம் கடந்த விருது அளிப்பு.

ரமணியன்

by aeroboy2000 Fri Jan 26, 2018 10:19 am

T.N.Balasubramanian wrote:போற்றப்பட தகுதியானவர்.
காலம் கடந்த விருது அளிப்பு.

ரமணியன்

மேற்கோள் செய்த பதிவு: 1257945

அருமையாகக் கூறினீர்கள் அய்யா ...

98 வயதில் பத்மஸ்ரீ விருது; கோவை நானம்மாளின் வரலாறு 3838410834

நானம்மாவிற்கு

விருது கிடைத்ததற்கு

எங்களுக்கு

மன

மகிழ்ச்சி

தானம்மா

உள

நெகிழ்ச்சி

தானம்மா

வணங்குகிறேன் .....

யானம்மா ....

வாழ்த்துக்(ங்)கள்

நானம்மா ...

கே எல் என்

:வணக்கம்:

by **T.N.Balasubramanian** Fri Jan 26, 2018 3:39 pm

நானம்மா சேவை கருதி
ஞாலம் கொடுத்த விருதை மிஞ்சவே
நானம்மா தருகிறேன் பரிசு என
கவிதை அளித்தீரோ கேயெலென !
பாராட்ட வந்தவரே !நன்றி !!

ரமணியன்

பிகு :http://www.eegarai.net/t137327p125-topic#1257944 சென்று
அதற்கும் ஒரு கவிதை தாரும் aeroboy அவர்களே,
ர...ன்.

@aeroboy2000