ரிலையன்ஸ் ஜியோ அதிரடி: குடியரசு தின சிறப்பு சலுகை அறிவிப்பு

**ayyasamy ram** · **ayyasamy ram** Wed Jan 24, 2018 3:36 pm

மும்பை:

இந்தியாவில் பல்வேறு பொருட்களின் விலை தினந்தோரும்
அதிகரித்து வந்தாலும் மொபைல்போன் சார்ந்த அழைப்பு,
இண்டர்நெட் உள்ளிட்டவற்றின் விலை தொடர்ந்து
குறைக்கப்பட்டு வருகிறது.

இந்திய டெலிகாம் சந்தையில் ரிலையன்ஸ் ஜியோ வரவுக்கு
பின் அனைத்து முன்னணி நிறுவனங்களும் தங்களது சேவை
கட்டணங்களை குறைக்கும் நிலைக்கு தள்ளப்பட்டன.

இதன் காரணமாக குறைந்தபட்சம் ஒவ்வொரு வாரமும்
ஏதேனும் நிறுவனம் விலை குறைப்பு அல்லது பழைய
விலையில் கூடுதல் சலுகைகளை அறிவித்து வருகின்றன.
இதைத்தொடர்ந்து மற்ற நிறுவனங்களும் போட்டிப்போட்டு
கொண்டு தங்களது விலையை அதிரடியாக குறைத்து வருகின்றன.

அந்த வகையில் ரிலையன்ஸ் ஜியோ தனது
வாடிக்கையாளர்களுக்கு புதிய சலுகையை அறிவித்துள்ளது.
ரூ.98 விலையில் கிடைக்கும் புதிய சலுகையில்
வாடிக்கையாளர்களுக்கு 2 ஜிபி டேட்டா, அன்லிமிட்டெட் வாய்ஸ்
கால் 28 நாட்களுக்கு வழங்கப்படுகிறது.

மற்ற திட்டங்களில் தினமும் 1 ஜிபி டேட்டா வழங்கப்பட்ட
நிலையில் தற்சமயம் 1.5 ஜிபி டேட்டாவும், தினமும்
1.5 ஜிபி டேட்டா வழங்கிய திட்டங்களில் தற்சமயம் தினமும்
2 ஜிபி டேட்டாவும் வழங்கப்படுகிறது.
-
--------------------------------------
மாலைமலர்