லாலுவுக்கு 3வது வழக்கில் 5 ஆண்டு சிறை

ராஞ்சி :
மாட்டு தீவன ஊழல் தொடர்பான 3வது வழக்கிலும்
ராஷ்டிரிய ஜனதா தள கட்சி தலைவர் லாலு பிரசாத்க்கு 5 ஆண்டு
சிறை தண்டனை விதிக்கப்பட்டுள்ளது.


விசாரணை

மாட்டு தீவன ஊழல் தொடர்பாக லாலு மீது 6 வழக்குகள் போடப்பட்டன.
இதில் ஏற்கனவே 2 வழக்கில் லாலு குற்றவாளி என தீர்ப்பு வழங்கப்பட்டு,
ராஞ்சியில் உள்ள பிர்சா முண்டா சிறையில் மூன்றரை ஆண்டுகள்
சிறை தண்டனை அனுபவித்து வருகிறார்.

இந்நிலையில், லாலு, பீகார் முதல்வராக இருந்த போது 1992-93 ம்
ஆண்டுகளில் ரூ.33.67 கோடி அளவிற்கு மாட்டு தீவனம் வாங்கியதில் ஊழல்
நடைபெற்றுள்ளது. இது தொடர்பாக 76 பேர் மீது வழக்கு தொடரப்பட்டது.

குற்றம் சாட்டப்பட்டவர்களில் 14 பேர் விசாரணை நடைபெற்று
கொண்டிருந்த போதே மரணமடைந்து விட்டனர்.
3 பேர் குற்றத்தை ஒப்புக் கொண்டுள்ளனர். 2 பேர் தலைமறைவாக
இருந்து வருகின்றனர். மீதமுள்ள 56 பேர் மீது வழக்கு நடைபெற்று வருகிறது.

இவர்களில் 6 பேர் அரசியல்வாதிகள், 3 பேர் ஐஏஎஸ் அதிகாரிகள்,
6 பேர் கால்நடை மற்றும் கருவூலத்துறை அதிகாரிகள், 40 பேர் கால்நடை
துறைக்கு உணவு விநியோகம் செய்தவர்கள் ஆவர்.

தீர்ப்பு:

இந்த வழக்கில், லாலு பிரசாத் குற்றவாளி என நீதிபதி எஸ்.எஸ். பிரசாத்
அறிவித்தார். தொடர்ந்து பிற்பகலில், அவருக்கான தண்டனை விவரம்
அறிவிக்கப்பட்டது. இதன்படி, லாலுவுக்கு 5 ஆண்டு சிறை தண்டனையும்,
5 லட்சம் ரூபாய் அபராதமும் விதித்து நீதிபதி உத்தரவிட்டார்.

இதே வழக்கில் முன்னாள் முதல்வர் ஜெகந்நாத் மிஸ்ராவுக்கு
5 ஆண்டு சிறை தண்டனையும், 5 லட்ச ரூபாய் அபராதமும் வழங்கி நீதிபதி
தீர்ப்பு வழங்கினார்.

மாட்டு தீவன ஊழல் விவகாரத்தில் லாலுவிற்கு எதிரான முதல் வழக்கில்
5 ஆண்டு சிறை தண்டனையும், 2வது வழக்கில் மூன்றரை ஆண்டு சிறை
தண்டனையும் வழங்கப்பட்டுள்ளது. தற்போது 3வது வழக்கிலும் அவருக்கு
5 ஆண்டு சிறை தண்டனை கிடைத்துள்ளது.
-
---------------------------------------------
தினமலர்

ayyasamy ram wrote:
மாட்டு தீவன ஊழல் விவகாரத்தில் லாலுவிற்கு எதிரான முதல் வழக்கில்
5 ஆண்டு சிறை தண்டனையும், 2வது வழக்கில் மூன்றரை ஆண்டு சிறை
தண்டனையும் வழங்கப்பட்டுள்ளது. தற்போது 3வது வழக்கிலும் அவருக்கு
5 ஆண்டு சிறை தண்டனை கிடைத்துள்ளது.

மேற்கோள் செய்த பதிவு: 1257762
இந்த குற்றவாளி ரயில்வே முன்னால் மந்திரி இதில் எவ்வளவு கொள்ளையோ?
நம்மைச் சுற்றி கொள்ளை கூட்டம் மட்டும் தானோ?

ஒரு சேர தண்டனைதானே ? தனித்தனியாகவா ?
to run concurrently என்றால் ஐந்தாண்டிலேயே எல்லாம் அடங்கிவிடும்.
சாதாரண மக்கள் என்றால் ஒரு நீதி ........
வசதி படைத்தவர்களுக்கு ஒரு நீதி.

நாடு உருப்பட்டு......டும்.

ரமணியன்

T.N.Balasubramanian wrote:ஒரு சேர தண்டனைதானே ? தனித்தனியாகவா ?
to run concurrently என்றால் ஐந்தாண்டிலேயே எல்லாம் அடங்கிவிடும்.
சாதாரண மக்கள் என்றால் ஒரு நீதி ........
வசதி படைத்தவர்களுக்கு ஒரு நீதி.

நாடு உருப்பட்டு......டும்.

ரமணியன்

மேற்கோள் செய்த பதிவு: 1257790

இதற்காக தான் நீதி தேவதையின் கண்களை காட்டியுள்ளோம்

ஒரு சேர தண்டனை .
இன்னும் 5 அல்லது 6 வழக்குகளில் ரெண்டாண்டு /மூவாண்டு
என தீர்ப்பு வந்தாலும் concurrent என்பதால் மொத்தமே 5 ஆண்டுகள்தான்.
கொடுத்து வைத்த அரசியல்வாதிகள்.

ரமணியன்