லட்சம் பேரை வெளியேற்ற எதிர்ப்பு நிதி மசோதா தோற்கடிக்கப்பட்டதால் அமெரிக்க அரசு அலுவலகங்கள் மூடல் : அதிபர் டிரம்புக்கு நெருக்கடி

by **ayyasamy ram** Sun Jan 21, 2018 9:27 am

வாஷிங்டன்:
அமெரிக்காவில் சட்டவிரோதமாக குடியேறிய 7 லட்சம் பேரை
வெறியேற்றும் விவகாரத்தில், அதிபர் டிரம்ப் பேச்சுவார்த்தைக்கு
முன்வராததால், அரசு செலவினங்களுக்கான நிதி மசோதாவை
செனட்டில் எதிர்க்கட்சி தோற்கடித்தது.

இதனால் அங்கு அரசு அலுவலகங்கள் நேற்று முதல் மூடப்பட்டன.
அமெரிக்காவில் அதிபர் டிரம்ப் தலைமையிலான அரசு, குடியேற்ற
சீர்திருத்திருந்த நடவடிக்கைகளை மேற்கொண்டு வருகிறது.

அதன்படி அமெரிக்காவில் சட்டவிரோதமாக தங்கியுள்ள சுமார்
7 லட்சம் பேர் வெளியேற்றப்படுவர் எனத் தெரிகிறது. இந்த
விவகாரம் தொடர்பாக தங்களுடன் பேச்சுவார்த்தை நடத்த
வேண்டும் என எதிர்க்கட்சியான ஜனநாயக கட்சி கோரிக்கை
விடுத்தது. ஆனால்,

இதற்கு அதிபர் டிரம்ப் மறுத்து விட்டார். எனவே, அதிபர் டிரம்ப்பை
வழிக்கு கொண்டு வரும் ஆலோசனையில் எதிர்க்கட்சி மும்முரமாக
ஈடுபட்டது.

இந்நிலையில் அமெரிக்க அரசின் செலவுக்காக வரும் பிப்ரவரி
16ம் தேதி வரையிலான குறுகிய கால நிதி மசோதா நாடாளுமன்றத்தின்
ஒட்டெடுப்புக்கு வந்தது. பிரதிநிதிகள் சபையில் ஆளும் கட்சிக்கு
பெரும்பான்மை உள்ளதால், கடந்த வியாழன் அன்று நடந்த ஓட்டெடுப்பில்
நிதி மசோதாவுக்கு ஆதரவாக 230 ஓட்டுகள், எதிராக 197 வாக்குகளும்
பதிவானது.

இதனால் அங்கு மசோதா நிறைவேறியது. செனட் சபையில் நேற்று
முன்தினம் இரவு வாக்கெடுப்பு நடந்தது. இதில் அதிபர் டிரம்ப்பை
பழிவாங்க எதிர்க்கட்சிகள் முடிவு செய்தன.

நிதி மசோதாவுக்கு செனட் சபையில் ஒப்புதல் கிடைக்கவில்லை
என்றால், அரசு செலவுக்கு பணம் கிடைக்காது. முக்கிய துறைகள்
தவிர அரசின் மற்ற துறைகள் உடனடியாக மூடப்படும். ஊழியர்கள்
சம்பளம் இல்லாமல் விடுப்பில் இருப்பர்.

இதேபோன்ற நிலை அமெரிக்காவில் கடந்த 2013ம் ஆண்டு
16 நாட்கள் நீடித்தது. தற்போது அந்த நிலை மீண்டும் ஏற்பட்டது.

செனட் சபையில் நிதி மசோதாவுக்கு ஒப்புதல் பெற 60 ஓட்டுக்கள்
தேவை. ஆனால் நேற்று முன்தினம் நடந்த வாக்கெடுப்பில் நிதி
மசோதாவுக்கு ஆதரவாக 48 ஓட்டுகளும், எதிராக 50 ஓட்டுகளும்
விழுந்தன. இதனால் குறுகியக்கால நிதி மசோதா தோல்வியடைந்தது.

இதையடுத்து நேற்று முதல் அமெரிக்க அரசு அலுவலகங்கள்
மூடப்பட்டன. 8 லட்சம் அரசு ஊழியர்கள் அலுவலகத்துக்கு வரவில்லை.
ராணுவம், போலீஸ், தீயணைப்புத்துறை, விமான நிலையம், அஞ்சல்
துறை போன்ற அத்தியாவசிய துறைகளில் மட்டும் ஊழியர்கள்
சம்பளம் பெறாமல் பணியாற்ற வேண்டும்.

இதுகுறித்து செனட் பெரும்பான்மை தலைவர் மிட்ச் மெக்கானல்
கூறுகையில், ஜனநாயக கட்சி உறுப்பினர்களின் நடவடிக்கை
நியாயமற்றது. அரசு செலவினங்களுக்கான நிதி முடக்கப்பட்டால்,
நமது ராணுவம், 90 லட்சம் குழந்தைகளின் நலனை பாதுகாக்கும்
சுகாதாரத்துறை போன்றவற்றுக்கு பாதிப்பை ஏற்படுத்தும்.
அரசு செலவின மசோதாவை முடக்கக் கூடாது என்றார்.
-
--------------------------------

by **ayyasamy ram** Sun Jan 21, 2018 9:27 am

எதிர்க்கட்சி மீது குற்றச்சாட்டு

அமெரிக்க அதிபராக டிரம்ப் பதவி ஏற்று ஓராண்டுக்குப்பின்
அரசு பணிகள் முடக்கப்பட்டுள்ளன. இதற்கு ஜனநாயக கட்சியினர்
மீது அதிபர் டிரம்ப் குற்றம் சாட்டியுள்ளார். எனது அரசு வரி குறைப்பு
நடவடிக்கைகளை வெற்றிகரமாக செய்துள்ளது. இந்நிலையில்
ஜனநாயக கட்சியினர் அரசை முடக்குவது வேகமாக வளரும்
பொருளாதாரத்துக்கு பாதிப்பை ஏற்படுத்தும்.

சமாளிக்க நிர்வாகம் தயார்

மக்களுக்கு அதிகம் பாதிப்பு இல்லாத வகையில் நிலைமையை
சமாளிப்பதற்கான நடவடிக்கைகளை அதிபர் டிரம்ப் நிர்வாகம்
மேற்கொண்டுள்ளதாக பட்ஜெட் நிர்வாக இயக்குனர்
மிக் முல்வானே கூறியுள்ளார். வெள்ளை மாளிகை
அதிகாரி சாரா சாண்டர் அளித்த பேட்டியில், ‘‘டிரம்ப் நிர்வாகத்தால்
வளரும் பொருளாதாரத்தை ஜனநாயக கட்சியினரால் முடக்க முடியாது.

அரசு நிர்வாகத்தை மூடும் அளவுக்கு அவர்கள் விரக்தியாக இருப்பது
ஏன்? சட்டவிரோதமாக குடியேறியவர்களுக்காக ஜனநாயக
கட்சியினருடன் பேச மாட்டோம். அவர்கள் தங்களின் பொறுப்பற்ற
கோரிக்கைகளுக்காக சட்டப்படியான குடிமக்களை பிணையக்
கைதிகளாக்கியுள்ளனர்.

இது சட்ட பிரதிநிதிகளின் செயல்பாடு அல்ல. தடையை
ஏற்படுத்துபவர்களின் செயல். அரசு செலவினங்களுக்கான நிதி
மசோதாவுக்கு முதலில் அவர்கள் அனுமதித்தால்தான், குடியேற்ற

சீர்திருத்தம் தொடர்பான பேச்சுவார்த்தையை மீண்டும் தொடங்குவோம்’
என தெரிவித்தார்.

முதலாண்டு நிறைவு நாளில் சோகம்

அமெரிக்க அதிபராக டொனால்டு டிரம்ப் கடந்தாண்டு ஜனவரி 20ம்
தேதி பதவி ஏற்றார். முதலாம் ஆண்டு நிறைவு நாளை அதிபர் டிரம்ப்
நேற்று உற்சாகமாக கொண்டாடியிருக்க வேண்டும். ஆனால் அரசு
செலவினங்களுக்கான நிதி மசோதா செனட்டில் தோல்வியடைந்ததால்,
நேற்று முதல் அரசு அலுவலகங்கள் மூடும் நிலை ஏற்பட்டது. இதனால்
அதிபர் பதவியின் முதலாம் ஆண்டு நிறைவு நாள் டிரம்புக்கு சோக
நாளாக அமைந்துவிட்டது.
-
--------------------------------------
தினத்தந்தி

by aeroboy2000 Mon Jan 22, 2018 5:30 pm

இங்க ஒரு செல்லூர் ராஜு ச.ம.உ (எம் எல் ஏ) வா
படுத்தும் பாடே தாங்க முடியலையே ....

அங்க ஒரு செல்லூர் ராஜு
அதிபரா செய்கிற அழும்பு

என்ன கொடுமை சார் இது

by Sponsored content