ரூ.75 ஆயிரம் லஞ்சம்: தஞ்சை மாநகராட்சி கமிஷனர் கைது

**ayyasamy ram** · **ayyasamy ram** Fri Jan 19, 2018 6:14 pm

தஞ்சாவூர்:
ரூ.75 ஆயிரம் லஞ்சம் வாங்கிய தஞ்சாவூர் மாநகராட்சி
கமிஷனரை லஞ்ச ஒழிப்பு போலீசார் கைது செய்தனர்.

இழுத்தடிப்பு

தஞ்சாவூர் கீழவஸ்தாசாவடி பகுதியை சேர்ந்தவர் சம்பந்தம்.
இவர் புதிதாக வாங்கிய காலி மனைக்கு பொட்டல் வரி
நிர்ணயம் செய்வது தொடர்பாக கடந்த 2017 ஆகஸ்ட் மாதம்
மாநகராட்சி அதிகாரிகளை அணுகியுள்ளனர்.

ஆனால், அதிகாரிகள் நடவடிக்கை எடுக்காமல்,
பல காரணங்களை கூறி இழுத்தடித்தனர்.

மாநகராட்சி ஆணையர் கைது

அப்போது, மாநகராட்சி அதிகாரிகள் சார்பில் இடைத்தரகராக
செயல்படும் தஞ்சை வடக்கு வீதியை சேர்ந்த நாகராஜன்
என்பவர் சம்பந்தத்தை அணுகி, கமிஷனரை சந்தித்து பணம்
கொடுத்தால், பிரச்னை தீரும் எனக்கூறினார்.

புகார்

இதனையடுத்து சம்பந்தம், கமிஷனர் வரதராஜனை நேரில்
சந்தித்தார். அப்போது கமிஷனர், வரி நிர்ணயம் செய்வதற்கு
ஒரு லட்ச ரூபாய் லஞ்சம் கேட்டுள்ளார். 75 ஆயிரம் ரூபாய்
தர ஒப்பு கொண்ட சம்பந்தம், இது குறித்து லஞ்ச ஒழிப்பு
போலீசில் புகார் அளித்தார்.

இதனையடுத்து அவர்களது ஆலோசனையின் பேரில்
மாநகராட்சி அலுவலகத்தில் கமிஷனரிடம் சம்பந்தம்
ரூ.75 ஆயிரம் லஞ்சம் கொடுத்தார். அங்கு மறைந்திருந்த
லஞ்ச ஒழிப்பு போலீசார் வரதராஜனையும், அங்கிருந்த
இடைத்தரகர் நாகராஜனையும் கைது செய்து விசாரணை
நடத்தி வருகின்றனர்.
-
----------------------------------
தினமலர்

**பழ.முத்துராமலிங்கம்** · 27/09/2015

ayyasamy ram wrote:
இதனையடுத்து அவர்களது ஆலோசனையின் பேரில்
மாநகராட்சி அலுவலகத்தில் கமிஷனரிடம் சம்பந்தம்
ரூ.75 ஆயிரம் லஞ்சம் கொடுத்தார். அங்கு மறைந்திருந்த
லஞ்ச ஒழிப்பு போலீசார் வரதராஜனையும், அங்கிருந்த
இடைத்தரகர் நாகராஜனையும் கைது செய்து விசாரணை
நடத்தி வருகின்றனர்.

மேற்கோள் செய்த பதிவு: 1257272
இன்றைய அரசு நிர்வாக இது தான்.
இது வெறும் கோடியில் ஒன்று மட்டுமே.
காசு கொடுக்காமல் எதுவுமே இங்கு நடக்காது.

ரூ.75 ஆயிரம் லஞ்சம்: தஞ்சை மாநகராட்சி கமிஷனர் கைது

ரூ.75 ஆயிரம் லஞ்சம்: தஞ்சை மாநகராட்சி கமிஷனர் கைது

Re: ரூ.75 ஆயிரம் லஞ்சம்: தஞ்சை மாநகராட்சி கமிஷனர் கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக