கருகருவடைந்து பத்துற்ற திங்கள்........வடைந்து பத்துற்ற திங்கள்

கருவடைந்து பத்துற்ற திங்கள்........


அண்மையில் ஒரு அருமையான திருப்புகழ் படித்தேன் .
எத்தனை அருமையாக வாழ்வின் நிலைகளை வீரிக்கிறார் !
இதைப்பண்ணுடன் பாடக்கேட்டால் இன்னமும் இன்பம்
அத்தனைக் கவிச் சுவை கொண்டது இந்தப்பாடல்

கருவடைந்து பத்துற்ற திங்கள்
வயிறிருந்து முற்றிப்ப யின்று
கடையில்வந்து தித்துக்கு ழந்தை வடிவாகிக்

கழுவியங்கெ டுத்துச்சு ரந்த
முலையருந்து விக்கக்கி டந்து
கதறியங்கை கொட்டித்த வழ்ந்து நடமாடி

அரைவடங்கள் கட்டிச்ச தங்கை
இடுகுதம்பை பொற்சுட்டி தண்டை
அவையணிந்து முற்றிக்கி ளர்ந்து வயதேறி

அரியபெண்கள் நட்பைப்பு ணர்ந்து
பிணியுழன்று சுற்றித்தி ரிந்த
தமையுமுன்க்ரு பைச்சித்தம் என்று பெறுவேனோ\

கருவிலே சேர்ந்து,
பத்து மாதங்கள் தாயின் வயிற்றில்இருந்து
கரு முற்றிப் பக்குவம் அடைந்து
கடைசியில் பூமியில் வந்து பிறந்து
. குழந்தையின் வடிவத்தில் தோன்றி
. குழந்தையை அங்கு கழுவியெடுத்து
தாய் ப்பாலை ஊட்டுவிக்க
தரையிலே கிடந்தும், அழுதும்,
உள்ளங்கையைக் கொட்டியும்,தவழ்ந்தும்,
நடை பழகியும்,அரைநாண் கட்டியும்,
காலில் சதங்கையும், காதில் இட்ட அணியும்,
பொன் கொலுசு, தண்டைஅவைகளை அணிந்தும்,
முதிர்ந்து வளர்ந்து வயது ஏறி,
அருமையான பெண்களின்
நட்பைப் பூண்டு,
நோய்வாய்ப்பட்டு
அலைந்து திரிந்தது போதும்.
(இனிமேல்)
உனது அருள்கிருபையை எப்போது பெறுவேனோ ?

இவாறு இன்னமும் பாடல் நீள்கிறது , இத்தனைச் சுவைக்கொண்ட எத்தனைப்பாடல் தமிழில் கொட்டிக்கிடக்கிறது .
ஆயினும் நமக்குத் படிக்கத்தான் நேரம் போதவில்லை .

அன்னமலை சுகுமாரன்
18/1/18
இது திருப்பரங்குன்றம் முருகனைப்பற்றி பாடிய பாடல் 9

மிக அருமையான பதிவு ! .............நன்றி ஐயா ! 

எதார்த்தமான பதிவு