கற்கால மனிதனின் உணவுமுறையை சொல்லும் பேலியோ டயட்

**பழ.முத்துராமலிங்கம்** · 27/09/2015

உணவு சார்ந்த, பன்னாட்டு உணவுகள் குறித்த , உடற்பயிற்சிகள் குறித்த , மனிதர்களுக்கு வரும் நோய்கள் குறித்த 200 கட்டுரைகளின் தொகுப்புதான் பேலியோ டயட் காம்போ புத்தகம்.
நியாண்டர் செல்வன் எழுதிய பேலியோபுரம், ஷங்கர் ஜி எழுதிய பேலியோ சந்தேக நிவாரணி, டாக்டர் அ.ப.ஃபரூக் அப்துல்லா எழுதிய பேலியோ வழிஆரோக்கியம் -2.0 , கண்ணன் அழகிரிசாமி எழுதிய பேலியோ வெஜ் ரெசிபிகள் என்று 4 புத்தகங்களை கொண்டது இந்த தொகுப்பு.
பேலியோ என்பதற்கு பழங்காலம் என்று அர்த்தம். கற்கால மனிதர்களின் வாழ்வு முறையும், உணவு பழக்கவழக்கமும்தான் பேலியோவின் அடிப்படை. கடந்த 10 ஆயிரம் ஆண்டுகளுக்கு முன்புதான் நமது நாட்டில் விவசாயம் என்பதே அறிமுகமாகிறது. தானியங்கள் உணவாக மாறியுள்ளன. கடந்த நூறு ஆண்டுகளாகத்தான் அறிவியல் முன்னேற்றம் எல்லாம் நிகழந்திருக்கிறது. இதன் அடிப்படையில்தான் பேலியோ டயட் அறிமுகமாகிவுள்ளது.
தானியம் அல்லது விதைச் சார்ந்த உணவுகள்தான் மனிதர்களுக்கு ஏற்படும் பிரச்னைகளுக்கு முக்கிய காரணம். ஏனென்றால் நமது மரபணு என்பது விவசாயக் காலகட்டத்துக்கு முந்தைய காலக்கட்டத்தைச் சார்ந்தவை . அதனால் நமது மரபணுவுக்கு பரிச்சயமான உணவு என்பது கொழுப்பு சார்ந்த உணவுகள்தான். தானிய உணவுகளோ, மாவுச் சத்தோ கிடையாது. நமது தென்னிந்தியாவை பொருத்தவரை அதிகம் மாவுச் சத்து சார்ந்த உணவுகளையே உண்கிறோம். அதனால்தான் விரைவில் கணையம் பழுதடைந்து இன்சுலின் சுரப்பு குறைந்து நீரிழிவு நோயாளிகள் அதிகம் உருவாகக் காரணம்.
அப்படிப்பட்ட மாவுச் சத்து உணவை குறைத்து, கொழுப்பு சத்து உணவை அதிகப்படுத்துவதன் மூலமாக வெகு சுலபமாக 10 ஆண்டுகள், 15 ஆண்டுகளாக நீரிழிவினால் பாதிக்கப்பட்டவர்கள் கூட வெளியே வந்துவிடலாம் என்பதுதான் பேலியோ டயட். மேலும் பேலியோ டயட் உணவுகளை தொடர்ந்து எடுத்துக் கொள்ளும்போது உடல் பருமன், ரத்த அழுத்தம், குறட்டை, சளித் தொந்தரவு, ஒற்றைத் தலைவலி, பெண்களுக்கு ஏற்படக் கூடிய பிரச்னைகள் எல்லாமே குறைத்து விடும். அதனால் பேலியோ என்பது புதுவகையான உணவு முறை என்று நினைத்துவிட வேண்டாம். கீரை, காய்கறிகள், இறைச்சி, முட்டை, கொட்டை வகைகள் போன்றவைதான் பேலியோவின் பிரதான உணவு எனக் கூறுகின்றனர் பேலியோ டயட் புத்தகத்தை வெளியிட்டுள்ள ஆரோக்யம் நல் வாழ்வு பதிப்பகத்தினர்.

நன்றி
திணமணி

SK · SK Thu Jan 18, 2018 11:59 am

அருமையான பதிவு

**பழ.முத்துராமலிங்கம்** · 27/09/2015

SK wrote:அருமையான பதிவு

மேற்கோள் செய்த பதிவு: 1257112
ஆனால் இந்த உணவுமுறை கடைப்பிடிப்பது மிகமிக கஷ்டம் நண்பா
நன்றி

Sponsored content · Sponsored content

கற்கால மனிதனின் உணவுமுறையை சொல்லும் பேலியோ டயட்

கற்கால மனிதனின் உணவுமுறையை சொல்லும் பேலியோ டயட்

Re: கற்கால மனிதனின் உணவுமுறையை சொல்லும் பேலியோ டயட்

Re: கற்கால மனிதனின் உணவுமுறையை சொல்லும் பேலியோ டயட்

Re: கற்கால மனிதனின் உணவுமுறையை சொல்லும் பேலியோ டயட்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக