தனிக்கட்சி துவங்கும் எண்ணம் இல்லை: திடீரென பின்வாங்கிய டிடிவி.தினகரன்!

நீலகிரி:
தனிக்கட்சி துவங்கும் எண்ணம் தனக்கு இல்லை என்று எம்.எல்.ஏ.
டி.டி.வி தினகரன் தெரிவித்துள்ளார். மேலும், அ.தி.மு.க. அம்மா
பெயரை பயன்படுத்த அனுமதி கோரி தேர்தல் ஆணையத்தில்
மனு தாக்கல் செய்யப்படும் என்றும் அவர் கூறியுள்ளார்.

ஆர்.கே நகர் சட்டமன்ற உறுப்பினர் டி.டி.வி தினகரன் நேற்று
கோவையில் செய்தியார்களை சந்தித்தபோது அடுத்தகட்ட
நடவடிக்கைகள் குறித்து மூத்த நிர்வாகிகளுடன் ஆலோசித்து
வருகிறேன் என்று தெரிவித்திருந்தார்.

இதனையடுத்து எம்.ஜி.ஆர் பிறந்தநாளான இன்று
டி.டி.வி தினகரன் தனிக்கட்சி அறிவிப்பை வெளியிடுவார் என்று
எதிர்பார்க்கப்பட்டது.

இந்நிலையில், நீலகிரியில் எம்.ஜி.ஆர் சிலைக்கு மாலை அணிவித்த
பின் செய்தியாளர்களிடம் பேசிய அவர், கட்சி தொடங்குவது
உள்ளிட்ட பல விஷயங்கள் பரிசீலனையில் உள்ளதாக தெரிவித்தார்.

மேலும், அ.தி.மு.க. அம்மா பெயரை பயன்படுத்த அனுமதி கோரி
மனுத்தாக்கல் செய்யப்படும். இரட்டை இலை சின்னத்தை நிச்சயம்
மீட்டெடுப்போம். சட்டமன்ற தேர்தலில் நாங்கள் வெற்றி பெற்றால்,
அ.தி.மு.க.வில் உள்ளவர்கள் எங்களுடன் இணைவார்கள்.

அ.தி.மு.க.வின் குழப்பத்திற்கு, மத்திய அரசு தான் காரணம்.
மேலும், தமிழகத்திற்கு உள்ளாட்சி தேர்தல் எப்போது வேண்டுமானாலும்
வரலாம் என்கிற நிலை உள்ளது.

அதை சமாளிக்கவும் நாங்கள் தயாராக உள்ளோம் என்றும் அவர்
டிடிவி தெரிவித்துள்ளார்.
-
---------------------------------
தினகரன்