''பிரவீன் தொகாடியா மயக்க நிலையில் மீட்பு..!'' விஸ்வ இந்து பரிஷத் தொண்டர்கள் அதிர்ச்சி

விஸ்வ இந்து பரிஷத் அமைப்பின் சர்வதேசத் தலைவர்
பிரவீன் தொகாடியா. குஜராத் மாநிலத்தைச் சேர்ந்தவர்.

அவர் மீது ராஜஸ்தான் மாநிலம் கங்காபூர் போலீசில் வழக்கு
ஒன்று நிலுவையில் உள்ளது. இந்த வழக்கில் அவரை கைது
செய்வதற்காக ராஜஸ்தான் மாநில போலீசார், குஜராத்
வந்தனர். சோலா போலீஸ் நிலையம் வந்த அவர்கள், லோக்கல்
போலீசாருடன் தொகாடியாவின் வீட்டுக்குச் சென்றனர்.

அங்கு அவர் இல்லை என்று போலீசார் திரும்பிச் சென்றாதாக
கூறப்படுகிறது. இதுகுறித்து தகவல் கிடைத்ததும்
விஸ்வ இந்து பரிஷத் தொண்டர்கள், அந்த காவல் நிலையத்தை
முற்றுகை இட்டு போராட்டம் நடத்தினர்.

பிரவீன் தொகாடியாவை காலை 10 மணியில் இருந்தே
காணவில்லை என்றும் அவரை பாதுகாப்புடன் கொண்டு வர
வேண்டியது மாநில நிர்வாகத்தின் பொறுப்பு என்றும்
அவர்கள் கோஷமிட்டனர். சாலை மறியலிலும் ஈடுபட்டனர்.

இதற்கிடையே அவரை கண்டுபிடிக்க 4 தனிப்படை அமைக்கப்
பட்டு உள்ளது என ஆமதாபாத் போலீஸ் தெரிவித்தது.
ஆமதாபாத் கமிஷ்னர் ஜே.கே.பாட் பேசுகையில், ''நாங்கள்
அவர் இருக்கும் இடத்தைக் கண்டுபிடிக்க முயற்சி செய்கிறோம்.

காலை 10:45 மணியளவில் அவர் அவருடைய அலுவலகத்தில்
இருந்து சென்று உள்ளார். தொகடியாவிற்கு இசட் பிளஸ்
பாதுகாப்பு வழங்கப்பட்டு வருகிறது. ஆனால், ஆட்டோவில்
ஒருவருடன் தொகாடியா சென்ற போது அவருடன்
பாதுகாவலர்கள் இல்லை'' என்று சொன்னார்.

இந்நிலையில், தொகாடியாவை, ராஜஸ்தான் போலீசார்
கைது செய்து பிடித்துச் சென்று விட்டனர் என்று பா.ஜ.க
செய்தி தொடர்பாளர் ஜெய்ஷா குற்றம் சாட்டினார்.
இதை அகமதாபாத் போலிசார் மறுத்தனர்.

இந்த பரபரப்புகளுக்கு இடையே, அகமதாபாத் அருகில் உள்ள
சாஹிபாக் என்ற பகுதில் பிரவீன் தொகாடியா சுயநினைவின்றி
கிடந்ததாகவும், பின்னர் அவர் மீட்கப்பட்டு அருகிலுள்ள
தனியார் மருத்துவமனையில் சிகிச்சைக்காக அனுமதிக்கப்
படுள்ளதாக போலீசார் கூறியுள்ளனர். 62 வயதான தொகாடியா
குறைந்த ரத்த அழுத்தம் காரணமாக மயங்கி விழுந்து இருக்கலாம்
என்று போலீசார் தெரிவித்தனர்.

தற்போது அவர், அகமதாபாத் மருத்துவமனை ஒன்றில் சிகிச்சை
பெற்று வருவதாக குஜராத் செய்திகள் தெரிவிக்கின்றன.
-
--------------------
விகடன்