மும்பையால் தலைநிமிர்ந்த இந்தியா - அசத்தல் தகவல்

**பழ.முத்துராமலிங்கம்** · 27/09/2015

உலகின் நேர்மையான நகரங்கள் பட்டியலில் அமெரிக்கா, ஐரோப்பிய நகரங்களை பின்னுக்குத் தள்ளிவிட்டு மும்பை 2-வது இடத்தைப் பிடித்துள்ளது.
அமெரிக்காவில் இருந்து வெளியாகும் ‘ரீடர்ஸ் டைஜஸ்ட்’ இதழ் உலகம் முழுவதும் வாழும் மக்களின் நேர்மை குறித்து அண்மையில் ஓர் ஆய்வு நடத்தியது. இதற்காக மும்பை உட்பட 16 நகரங்கள் தேர்வு செய்யப்பட்டன. ஒவ்வொரு நகரிலும் மக்கள் அதிகம் கூடும் பகுதிகளில் 12 பர்ஸ்கள் வீசப்பட்டன. ஒவ்வொரு பர்ஸிலும் அந்தந்த நாட்டு பணத்தில் சுமார் ரூ.3,200 வைக்கப்பட்டது. அத்துடன் உரிமையாளரின் பெயர், செல்போன் எண், குடும்ப புகைப்படம் ஆகியவையும் வைக்கப்பட்டன.
பின்லாந்து தலைநகர் ஹெல்சின்கி நகரில் வீசப்பட்ட 12 பர்ஸ்களில் 11 பர்ஸ்களை அந்த நகர மக்கள் திரும்ப ஒப்படைத்தனர்.
இந்தியாவின் வர்த்தகத் தலைநகரான மும்பையில் முக்கிய பகுதிகளில் வீசப்பட்ட 12 பர்ஸ்களில் 9 பர்ஸ்களை நகர மக்கள் திரும்ப ஒப்படைத்தனர். அவர்களில் ஒருவரான ராகுல் ராய் கூறியபோது, ‘தவறு செய்வதற்கு எனது மனசாட்சி இடம் அளிக்காது’ என்றார். வைஷாலி என்ற பெண் கூறியபோது, “நேர்மையாக இருக்குமாறு எனது பெற்றோர் எனக்கு கற்பித்தனர். அதையே நான் எனது குழந்தைகளுக்கு கற்றுக் கொடுத்துள்ளேன்” என்றார்.
ஹங்கேரி தலைநகர் புடாபெஸ்ட், அமெரிக்காவின் நியூயார்க் நகரில் தலா 8 பர்ஸ்களும் ரஷ்ய தலைநகர் மாஸ்கோ, நெதர்லாந்து தலைநகர் ஆம்ரஸ்டர்தமில் தலா 7 பர்ஸ்களும் திரும்ப ஒப்படைக்கப்பட்டன.
ஜெர்மனியின் பெர்லின், ஸ்லோவேனியாவின் லியுப்லியானா ஆகியவற்றில் தலா 6 ப்ர்ஸ்கள், பிரிட்டன் தலைநகர் லண்டன், போலந்து தலைநகர் வார்ஸாவில் தலா 5 பர்ஸ்கள், ருமேனியா தலைநகர் புக்கரெஸ்ட், பிரேசிலின் ரியோ டி ஜெனீரோ, சுவிட்சர்லாந்தின் ஜுரிச் ஆகியவற்றில் தலா 4 பர்ஸ்கள், செக் குடியரசு தலைநகர் பிராகாவில் 3 பர்ஸ்கள், ஸ்பெயின் தலைநகர் மேட்ரிட்டில் 2 பர்ஸ்கள், போர்ச்சுகலின் லிஸ்பென் நகரில் 1 பர்ஸ் மட்டுமே திரும்ப கிடைத்தன.
இந்த ஆய்வின் அடிப்படையில் வெளியிடப்பட்ட நேர்மையான நகரங்கள் பட்டியலில் ஐரோப்பிய நகரங்களை பின்னுக்குத் தள்ளிவிட்டு மும்பை 2-வது இடத்தைப் பிடித்திருப்பது சர்வதேச அரங்கில் இந்தியர்களின் மதிப்பை பன்மடங்கு உயர்த்தியுள்ளது.
நன்றி
புன்னகை

**ராஜா** · **ராஜா** Sun Jan 14, 2018 3:42 pm

3200 வச்சுகிட்டு மும்பையில் ஒன்னும் பண்ண முடியாது என்று அனைவருக்கும் தெரியும் அதான் திருப்பி கொடுத்தார்கள்

**T.N.Balasubramanian** · **T.N.Balasubramanian** Sun Jan 14, 2018 5:23 pm

எப்பிடி இருப்பினும் வாழ்த்துவோம் அன்பு மலர்

உலகளவில் ஒரு அங்கீகாரம் அல்லவா !!!!!
ரமணியன்

**பழ.முத்துராமலிங்கம்** · 27/09/2015

T.N.Balasubramanian wrote:எப்பிடி இருப்பினும் வாழ்த்துவோம்
உலகளவில் ஒரு அங்கீகாரம் அல்லவா !!!!!
ரமணியன்

மேற்கோள் செய்த பதிவு: 1256778
நல்ல விசயம் ஏற்றுக் கொள்ள வேண்டும்
நன்றி
ஐயா

Sponsored content · Sponsored content

மும்பையால் தலைநிமிர்ந்த இந்தியா - அசத்தல் தகவல்

மும்பையால் தலைநிமிர்ந்த இந்தியா - அசத்தல் தகவல்

Re: மும்பையால் தலைநிமிர்ந்த இந்தியா - அசத்தல் தகவல்

Re: மும்பையால் தலைநிமிர்ந்த இந்தியா - அசத்தல் தகவல்

Re: மும்பையால் தலைநிமிர்ந்த இந்தியா - அசத்தல் தகவல்

Re: மும்பையால் தலைநிமிர்ந்த இந்தியா - அசத்தல் தகவல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக