நாங்கள் எழுப்பிய பிரச்னைக்கு தீர்வு கிடைக்கும்- உச்சநீதிமன்ற நீதிபதி!

by KavithaMohan Sat Jan 13, 2018 5:55 pm

நாங்கள் எழுப்பிய பிரச்னைக்கு தீர்வு கிடைக்கும்- உச்சநீதிமன்ற நீதிபதி!

நாங்கள் எழுப்பிய பிரச்னைக்கு தீர்வு கிடைக்கும் என்ற நம்பிக்கையில் தான் பத்திரிக்கையாளர்களுக்கு பேட்டி கொடுத்துள்ளோம் என குரியன் ஜோசப் தெரிவித்துள்ளார்.

உச்சநீதிமன்ற நிர்வாகம் முறையாக செயல்படவில்லை என, உச்சநீதிமன்ற நீதிபதிகள் செல்லமேஸ்வர், குரியன் ஜோசப், மதன் பி லோகூர், ரஞ்சன் கோகாய் ஆகியோர் கூட்டாக நேற்று செய்தியாளர்களை சந்தித்து, உச்சநீதிமன்ற தலைமை நீதிபதியின் மீது சரமாரியாக புகார் தெரிவித்துள்ளனர்.

அதில், உச்ச நீதிமன்ற தலைமை நீதிபதி வழக்குகளை பிரித்துக் கொடுப்பதில் பாரபட்சமாக நடக்கிறார். நீதித்துறை குளறுபடிகள் குறித்து உச்சநீதிமன்ற தலைமை நீதிபதியிடம் முறையிட்டும் பலன் கிடைக்கவில்லை. இதனால் சில மாதங்களாக விரும்பத்தகாத நிகழ்வுகள் நடந்து வருகின்றன. உச்சநீதிமன்றத்தில் தற்போது ஏற்பட்டுள்ள பிரச்சனை சரி செய்யப்படவில்லை என்றால் ஜனநாயகத்தை காக்க முடியாது என கூறினர்.

இந்நிலையில் நீதிபதிகளின் இத்தகைய திடீர் சந்திப்பு குறித்து நீதிபதி குரியன் ஜோசப் தனியார் தொலைக்காட்சி ஒன்றிற்கு பேட்டியளித்துள்ளார். அதில், நீதி மற்றும் நீதித்துறை நலனுக்காக மட்டுமே நாங்கள் செயல்பட்டோம். இதனை தான் நாங்கள் நேற்று டில்லியில் கூறினோம். இந்த விஷயத்தில் இதற்கு மேல் ஒன்றும் இல்லை.நீதித்துறையில் உள்ளவர்களின் நம்பிக்கையை நிலைநாட்டவே நீதிபதிகள் பேட்டி கொடுத்தனர். நாங்கள் எந்த விதிமுறைகளையும் மீறவில்லை. எங்களது நடவடிக்கை சுப்ரீம் கோர்ட் நிர்வாகத்தில் வெளிப்படை தன்மையை கொண்டு வரும். நாங்கள் எழுப்பிய பிரச்னைக்கு தீர்வு கிடைக்கும் என்ற நம்பிக்கை உள்ளது. இவ்வாறு அவர் கூறினார்.
நன்றி
IBC TAMIL

by **ayyasamy ram** Sat Jan 13, 2018 7:49 pm

இந்த சூழலில், நீதிபதிகளுக்கு இடையிலான கருத்து வேறுபாட்டை
சுமூகமாகவும் வேகமாகவும் களைய 7 பேர் அடங்கிய குழுவை
அமைப்பதாக இந்திய பார் கவுன்சில் தெரிவித்துள்ளது.

இந்த குழுவினர் நாளை, நீதிபதிகளுக்கு இடையே சமரசத்தை
ஏற்படுத்தும் முயற்சியாக அவர்களை சந்திக்க உள்ளனர்.

இந்த தகவலை வெளியிட்ட இந்திய பார் கவுன்சில் தலைவர்
மனன்குமார் மிஸ்ரா, செய்தியாளர்கள் மத்தியில் மேலும் கூறியதாவது:- “

இந்த விவகாரத்தை அரசியலாக்க வேண்டாம் என்று அரசியல்
கட்சிகளுக்கு பார் கவுன்சில் சார்பாக நான் கோரிக்கை விடுக்கிறேன்.
நீதித்துறையின் மதிப்பு குலைந்து போக நாங்கள் விரும்பவில்லை.

நீதித்துறை மீது தளராத நம்பிக்கைய மக்கள் கொண்டுள்ளனர்.
பிரச்னையை உச்சநீதிமன்ற நீதிபதிகள் பொதுமக்களிடம்
வெளிப்படுத்தியிருக்கக்கூடாது. நீதித்துறை விவகாரத்தில் மத்திய
அரசு தலையிடாது என பிரதமர், சட்ட அமைச்சர் கூறியது
வரவேற்கத்தக்கது.
-
---------------------------
தினத்தந்தி

நாங்கள் எழுப்பிய பிரச்னைக்கு தீர்வு கிடைக்கும்- உச்சநீதிமன்ற நீதிபதி!

நாங்கள் எழுப்பிய பிரச்னைக்கு தீர்வு கிடைக்கும்- உச்சநீதிமன்ற நீதிபதி!

Re: நாங்கள் எழுப்பிய பிரச்னைக்கு தீர்வு கிடைக்கும்- உச்சநீதிமன்ற நீதிபதி!