குங்குமப்பூவை விட அருமையான பலன் கிடைக்கும் மாதுளையில்....

by **krishnaamma** Tue Jan 09, 2018 11:33 pm

குங்குமப்பூவை விட அருமையான பலன் கிடைக்கும்! மாதுளையில் உள்ள சத்துக்களை கூறும், உணவு மற்றும் ஊட்டச்சத்து நிபுணர், குந்தலா ரவி: மாதுளையில் இரும்புச்சத்து, நார்ச்சத்து, தாதுப் பொருள் மற்றும் வைட்டமின் நிறைய உள்ளன. இதில், இனிப்பு, புளிப்பு, துவர்ப்பு என, மூன்று ரகங்கள் உள்ளன. இனிப்பு மாதுளை சாப்பிட்டால், இதயத்திற்கும், மூளைக்கும் மிகுதியான சக்தி கிடைக்கும்; பித்தத்தை போக்கி, இருமலை நிறுத்தும்.

மாதுளையில் உள்ள ஆன்டி ஆக்சிடென்ட், நோய் எதிர்ப்பு சக்தியை கொடுக்கிறது; குடற்புண்களை ஆற்றுகிறது; 'பெப்டிக் அல்சர், டியோடின் அல்சர், கேஸ்ட்ரிக் அல்சர்' என, அனைத்துவித அல்சரையும் குணமாக்கும். இதை, ஜூசாக சாப்பிடுவதை விட, பழமாக சாப்பிடுவது நல்லது.பெண்கள் இதை தினமும் சாப்பிட்டால், ரத்த சோகை நீங்கும்; கருப்பை வலுவாகும்.

பல் முளைக்காத குழந்தைகளுக்கு, ஜூசாக அடித்து, சர்க்கரை மிக குறைவாக போட்டு கொடுக்கலாம். இப்பழத்தில் பொட்டாஷியம் அதிகம் இருப்பதால், சிறுநீரக பாதிப்பு உள்ளவர்களுக்கு, அதிக கோளாறுகளை கொடுக்கும் என்பதால், தவிர்ப்பது நல்லது.மாதுளை பழச்சாற்றில் தேன் கலந்து, காலை உணவுக்கு பின், தொடர்ந்து ஒரு மாதம் சாப்பிட, உடல் ஆரோக்கியமும், தெம்பும் உண்டாகும்; புதிய ரத்தம் உற்பத்தியாகும்.தினமும் மாதுளை உட்கொள்வதால், உடல் தேறும்; எடை கூடும்.

தொண்டை, மார்பகங்கள், நுரையீரல், குடலுக்கு தேவையான வலிமையை உண்டாக்கும். ஆண் தன்மையில் பலவீனமானவர்கள், மாதுளம் பழம் சாப்பிடுவதால், மிகுந்த சக்தியை அடைய முடிகிறது.கர்ப்பிணிகள் தினமும் சாப்பிட்டு வர, குழந்தை சிவப்பாக பிறக்கும்; குங்குமப்பூவை விட அருமையான பலன் கிடைக்கும்.மாதுளை ஜூசுடன், வெட்டிவேர் பவுடர் கலந்து, முகத்தில் பூசி, காய்ந்த பின் கழுவினால், பருக்கள் நம்மை நெருங்க யோசிக்கும்.

ஒரு தேக்கரண்டி மாதுளை ஜூஸ், அரை தேக்கரண்டி சந்தனம் சேர்த்து, முகத்தில் பூசி, 10 நிமிடம் கழித்து கழுவினால், முகத்தில் பளபளப்பு கூடும்.புளிப்பு ரக மாதுளையில், 3 டீஸ்பூன் சாறு எடுத்து, தலை முழுவதும் பரவலாக தடவ வேண்டும். 3 டீஸ்பூன் வெந்தயம், 2 டீஸ்பூன் துவரம் பருப்பு இரண்டையும், முந்தைய நாள் இரவே வெந்நீரில் ஊற வைத்து, மறுநாள் அரைத்து, இந்த விழுதால், தலையை அலச வேண்டும். தொடர்ந்து, 10 நாட்கள் இப்படி குளித்து வர, முடி உதிர்வது நின்று, வளர ஆரம்பிக்கும்.மாதுளை தோலை, காய வைத்து பவுடராக்கி, இதில், சம அளவு பயத்தம் பருப்பு பவுடர் கலந்து, குளித்த பின், உடலில் பூசி கழுவ, வியர்வை நாற்றம் நீங்கும்; உடலும் குளிர்ச்சியடையும்.

நன்றி தினமலர்

by aeroboy2000 Wed Jan 10, 2018 7:49 am

அருமையான செய்தி.....

தாய்மை அடைந்த பெண்கள்
கர்ப்ப காலத்தில்
ஆரோக்கியமான நிலையில் உள்ளவர்கள்
மாதுளை உண்ணலாம் ...
மற்றவர்கள் மருத்துவர் ஆலோசனையின் பேரில் உண்ணலாம்

இந்த வருடம் 2017-18
காபூலில் சக்கப்போடு போட்டு
விளைந்து இருக்கிறது போல

இரண்டு கிலோ ரூ 100 தான்

அதே நேரத்தில் மாதுளையில் செய்யப்படும்
மாதுளை மணப்பாகு என்ற அருமருந்தை

அருந்தும் முன் யோசித்து அருந்தவும்
பிறக்கும் குழந்தை அறிவாளியாகப் பிறக்கும்

ஆனால் கொஞ்சம் நிறம் குறைவாகப் பிறக்கும் ......

மகிழ்ச்சி