கட்சிகளுக்கு நன்கொடை : ஆலோசனை கூற மத்திய அரசு அழைப்பு

புதுடில்லி:
அரசியல் கட்சிகளுக்கு நன்கொடை வழங்குவதற்காக
தேர்தல் நிதி பத்திரங்கள் மூலம் பணம் வழங்கும்
நடைமுறை வெளிப்படை தன்மை மிக்கதாக இருக்கும்
எனவும், இது குறித்து ஆலோசனை கூறலாம் என மத்திய
நிதியமைச்சர் அருண் ஜெட்லி கூறியுள்ளார்.


கறுப்பு பணம்

இது தொடர்பாக பேஸ்புக் பக்கத்தில் அவர் கூறியுள்ளதாவது:
இந்தியாவில் அரசியல் கட்சிகளுக்கு வரும் நன்கொடை
மற்றும் அதன் செலவுகள் செய்யும் பணத்திற்கு வழி ஏதும்
தெரிவதில்லை.

அது யூகமாகவே உள்ளது. எவ்வளவு பணம் வசூலிக்கப்படுகிறது
என்பதும் அறிவிக்கப்படுவதில்லை. இதன் மூலம் கறுப்பு பணம்
அதிகளவில் பயன்படுத்தப்படுகிறது.

இதில் வெளிப்படை தன்மை என்பது முற்றிலும் இல்லை.
இதனை மாற்றி அரசியல் கட்சிகளுக்கு நிதி வழங்கவதில்
வெளிப்படை தன்மையை கொண்டு வர முயற்சி
எடுக்கப்பட்டுள்ளது..
-
பல நூற்றாண்டுகளாக

தற்போது, அரசியல் கட்சிகளுக்கு நன்கொடை வழங்குவதில்
தற்போதுள்ள நேரடியாக பணம் வழங்குவதற்கும், செக்,
ஆன்லைன் பணப்பரிவர்த்தனை அல்லது தேர்தல் நிதி
பத்திரங்கள் ஆகியவற்றிற்கும் உள்ள வித்தியாசத்தை உணர
வேண்டும்.

செக், ஆன்லைன் மூலம் பணப்பரிவர்த்தனை மற்றும் தேர்தல்
நிதி பத்திரங்கள் முறையில் நேர்மையான பணம் மட்டுமே வரும்.
இதில் முதல் இரண்டு முறை முற்றிலும் வெளிப்படை
தன்மையானது.

தேர்தல் நிதி பத்திர திட்டம் என்பது, வெளிப்படை தன்மையில்,
தற்போதுள்ள திட்டத்திற்கு சற்று மேம்பட்டது. அரசியல்
கட்சிகளுக்கு நன்கொடை வழங்குவதில் வெளிப்படை தன்மை
கொண்டு வரும் திட்டத்தை பலப்படுத்த அனைத்து தரப்பினரின்
கருத்தை பெற மத்திய அரசு விரும்புகிறது.

உலகின் மிகப்பெரிய ஜனநாயக நாடாக இருந்தாலும்,
இந்தியாவால், பல நூற்றாண்டுகளாக அரசியல் கட்சிகளுக்கு
வெளிப்படை தன்மை கொண்டு வர முடிவதில்லை.
இவ்வாறு அதில் ஜெட்லி கூறியுள்ளார்.
-
------------------------
தினமலர்