இந்திய சிறுமி ஷெரின் மேத்யூ கொடூரமான தாக்குதலுக்கு உள்ளாகியே இறந்துள்ளார்: பிரேத பரிசோதனை அறிக்கையில் தகவல்

இந்திய சிறுமி ஷெரின் மேத்யூ கொடூரமான தாக்குதலுக்கு உள்ளாகியே இறந்துள்ளார்: பிரேத பரிசோதனை அறிக்கையில் தகவல்

பிடிஐ



அமெரிக்காவில் வளர்ப்புத் தந்தையால் கொல்லப்பட்டதாக கூறப்படும் இந்திய சிறுமி ஷெரின் மேத்யூ கொடூரமான முறையில் தாக்குதலுக்கு உள்ளாகியே இறந்துள்ளார் என அவரது பிரேதப் பரிசோதனை அறிக்கைக்கள் தெரிவிக்கின்றன.

ஷெரினின் பிரேத பரிசோதனை அறிக்கை குறித்து டெக்சாஸின் சட்ட ஒழுங்கு அதிகாரி ஒருவர் கூறும்போது, "ஷெரின் கொடூரமான தாக்குதலுக்கு உள்ளாகிதான் மரண்மடைந்திருக்கிறார் என்று அவரது பிரேதப் பரிசோதனையில் தெரிவிக்கப்பட்டுள்ளது"  என்று கூறினார்.

இதனை அமெரிக்காவின் டபிள்யுஎஃப்ஏஏ செய்தி நிறுவனமும் உறுதிப்படுத்தியுள்ளது.

அமெரிக்க இந்தியரான கேரளாவைச் சேர்ந்த வெஸ்லி மேத்யூ என்பவர் கடந்த அக்டோபர் 7-ம் தேதி தனது வளர்ப்பு மகளான ஷெரின் மேத்யூவைக் (3 வயது, பேச்சு குறைபாடுடையவர்) காணவில்லை என்று போலீஸில் புகார் அளித்தார்.

போலீஸார் நடத்திய விசாரணையில், சிறுமி ஷெரின் பால் குடிக்க மறுத்ததால் அவரை அதிகாலை 3 மணியளவில் வீட்டுக்கு வெளியே விட்டதாகவும் சில மணி நேரம் கழித்துச் சென்று பார்த்தபோது ஷெரினைக் காணவில்லை என்றும் முதற்கட்ட விசாரணையில் அவர் தெரிவித்திருந்தார்.

இந்த நிலையில் வெஸ்லி மேத்யூவின் வீட்டுக்கு ஒரு கிலோமீட்டர் தூரத்திலுள்ள சுரங்கப் பாதையில் சிறுமி ஷெரினின் உடலை அமெரிக்க போலீஸார் கண்டெடுத்தனர்.

இதனைத் தொடர்ந்து வெஸ்லியிடம் மீண்டும்  நடத்தப்பட்ட விசாரணையில், "பால் குடித்ததற்காக ஷெரினை அடித்தேன். அவள் அதன்பிறகு பால் குடிக்க மறுத்துவிட்டாள். தொடர்ந்து அழுததில் அவளுக்கு புரையேறிவிட்டது. அதன்பின்னர் அவளது உடலில் எந்த ஓட்டமும் இல்லை. அதனால் அவள் இறந்துவிட்டாள் என்று நினைத்து வீட்டுக்கு அருகிலிருந்த சுரங்கப் பாதையில் அவளது உடலை வைத்து வந்துவிட்டேன்” என்ற அதிர்ச்சிகரமான வாக்குமூலத்தை வெஸ்லி அளித்தார்.

இந்த வழக்கு தொடர்பாக வெஸ்லியும் அவரது மனைவி சினியும் கைது செய்யப்பட்டுள்ளனர்.



- தமிழ் இந்து

sk wrote:(3 வயது, பேச்சு குறைபாடுடையவர்)

இவர்களை என்ன செய்யலாம்