டோஜஸ் அரண்மனையில் காட்சிக்கு வைக்கப்பட்டிருந்த இந்திய ஆபரணங்கள் திருட்டு!

KavithaMohan · KavithaMohan Thu Jan 04, 2018 3:26 pm

இத்தாலியின் வெனிஸ் நகரில் உள்ள பாரம்பரியமிக்க டோஜஸ் அரண்மனையில் முகலாய பேரரசின் ஆட்சிக்காலத்தைச் சேர்ந்த இந்திய ஆபரணங்கள் காட்சிக்கு வைக்கப்பட்டிருந்த நிலையில் திருடப்பட்டுள்ளன.

"அல் தானி தொகுப்பு" என்ற பெயரில் வைக்கப்பட்டிருந்த இந்த ஆபரணங்களானது தங்கம் பிளாட்டினம் மற்றும் வைரங்களால் செய்யப்பட்டுள்ளது.

நேற்று (3) காலை 10 மணியளவில் அரண்மனையில் இருக்கும் பாதுகாப்பு அலாரம் ஒலி எழுப்பியது. பொலிசார் வந்து பார்த்த போது நகை திருடப்பட்டிருந்தது கண்டுபிடிக்கப்பட்டது. பொலிசார் உடனடியாக சம்பவ இடத்திற்கு வந்தாலும் திருடர்கள் தப்பிச்சென்று விட்டனர். அலாரம் தாமதமாக ஒலி எழுப்பும் விதமாக கொள்ளையர்கள் அலாரத்தை மாற்றி வைத்துள்ளார்கள் என பொலிசார் தெரிவித்தனர்.

திருட்டு போன ஆபரணங்களின் மதிப்பு பல லட்சம் ரூபாயாகும். இந்த அல்தானி தொகுப்பில் 400 ஆண்டுகளுக்கு முன்பு இருந்து இன்று வரை உள்ள முகலாய ஆபரணங்கள் இருந்தன. இந்த ஆபரணங்களை வேறு எங்கும் காண முடியாது.

வெனிஸ் நகர பொலிசார் கூறுகையில் திருடப்பட்ட ஆபரணங்கள் மிகவும் வித்தியாசமானவை. அவற்றை கொள்ளையர்கள் கடைகளில் விற்க முடியாது. அதையும் மீறி விற்றால் கைது செய்யப்படுவார்கள் என தெரிவித்துள்ளனர்.

நன்றி
IBC TAMIL