அணுஆயுதங்களை இயக்குவதற்கான ஸ்விட்ச் எனது மேஜையில் தயார் நிலையில் உள்ளது: புத்தாண்டு உரையில் மிரட்டிய வடகொரிய அதிபர்

**பழ.முத்துராமலிங்கம்** · 27/09/2015

வடகொரிய அதிபர் கிம் ஜோங் உன்
Published : 01 Jan 2018 13:06 IST
Updated : 01 Jan 2018 13:06 IST
வடகொரியா அணுஆயுத சோதனைகளை முடித்துவிட்டதாகவும், அதனை இயக்குவதற்கான ஸ்விட்ச் தனது மேஜையின் மீது தயார் நிலையில் இருப்பதாகவும் அந்நாட்டு அதிபர் கிம் ஜோங் உன் தெரிவித்துள்ளார்.
வடகொரியாவில் புத்தாண்டு கொண்டாட்ட உரையில் இதனை கிம் தெரிவித்தார்.

இதுகுறிப்பு கிம் பேசும்போது, "அணுஆயுத சோதனைகளை வடகொரியா முழுமையாக முடித்துவிட்டது. அணுஆயுதங்களை இயக்குவதற்கான ஸ்விட்ச் என்னுடைய மேஜையின் மீது தயார் நிலையில் உள்ளது.
எனது நாட்டின் அணுசக்தி படைகள் அமெரிக்காவிடமிருந்து நாட்டைக் காக்கும் சக்தி வாய்ந்த பாதுகாப்பு அரண்களை ஏற்படுத்தியுள்ளன.
வடகொரியாவின் அணுஆயுதங்கள் அமெரிக்காவின் முக்கிய இடங்களை தாக்கும் திறன் படைத்தவை." என்று கூறினார்.
அமெரிக்கா மற்றும் அதன் நட்பு நாடுகளின் அச்சுறுத்தலை எதிர்கொள்ளவே ஏவுகணை, அணுஆயுத சோதனை நடத்தப்பட்டது என்று வடகொரியா கூறி வருகிறது. மேலும், கடந்த மாதம் 29-ம் தேதி கண்டம் விட்டு கண்டம் பாயும் ஏவுகணையையும், அணு ஆயுத சோதனையையும் நடத்தியது. அதன்பின், ‘வடகொரியா அணுஆயுத நாடு’ என்று அதிபர் கிம் ஜாங் உன் பகிரங்கமாக அறிவித்தார்.
”வடகொரியாவின் சுதந்திரம், நீதியை எந்த நாட்டு சக்தியும் தடுத்துவிட முடியாது. நாட்டின் சுய பாதுகாப்புக்காகவும், வளர்ச்சிக்காகவும் அணுசக்தி திட்டங்கள் மேம்படுத்தப்படும். வடகொரியா பொறுப்புள்ள ஒரு அணுஆயுத நாடாக தொடர்ந்து இருக்கும்.
வரும் 2018-ம் ஆண்டிலும் அணுஆயுத மேம்பாடு தொடரும். அந்தக் கொள்கையில் எந்த மாற்றமும் இல்லை” என்று கிம் அறிவித்தது குறிப்பிடத்தக்கது.
நன்றி
தி இந்து

**krishnaamma** · **krishnaamma** Mon 1 Jan 2018 - 20:42

இவரு மிரட்டுகிறாரா அல்லது தன் பலத்தை சொல்கிறாரா? ...................... அநியாயம்

aeroboy2000 · aeroboy2000 Tue 2 Jan 2018 - 9:29

அனைவருக்கும் இனிய காலை வணக்கம்

அம்மா

இந்த கிம் ஜி
இப்படி
பூச்சி காட்டவில்லை என்றால்அமெரிக்காவின் அக்கப்போர் தாங்காது....

அடிக்கடி கிம் ஏதாவது சொன்னால் தான்
டிரம்ப் குழுவின் பார்வை கொஞ்சமாவது ஏழை நாடுகளை ....
ஏய்ப்பதில் இருந்து விடுபட்டு கொஞ்சம் இடைவெளி கிடைக்கும் ....

இல்லையெனில் ஒவ்வொரு நாட்டிலும் வன்முறை - கொடும் வியாபார தந்திரங்கள் என
அரங்கேற்றிக்கொண்டு இருப்பார்கள் .....

எதிர்ப்பு

SK · SK Tue 2 Jan 2018 - 12:50

மேஜையை சுத்தம் செய்யும்போது கொஞ்சம் கவனம் தேவை

Sponsored content · Sponsored content

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக