நஷ்டம் ஏற்படுவதை தவிர்க்க பில் இல்லாமல் விற்க மறுப்பதால் பம்ப்செட் விற்பனை 25% பாதிப்பு

கோவை: கோவையில் உற்பத்தியாகும் குறு, சிறு உற்பத்தியாளர்களின் பம்ப்செட்கள் ஜிஎஸ்டியோடு விற்பதால் கோவையில் 25 சதவீத விற்பனை பாதித்துள்ளது. முறைகேடாக பில் இல்லாமல் விற்பனை செய்யும் வட மாநில பம்ப்செட் விற்பனை அதிகரித்துள்ளது. நாட்டில் உற்பத்தியாகும் பம்ப்செட்களில் 65 சதவீதம் கோவையில் உற்பத்தியாகிறது. இதில் குறிப்பிட்ட சில முன்னணி நிறுவனங்கள் மூலம் 15 சதவீதமும், சிறு, குறு தொழில் முனைவோர்கள் மூலம் 50 சதவீதமும் உற்பத்தியாகிறது. தரம், திறன், உழைப்பு ஆகியவற்றில் வட மாநில பம்ப்செட்களை விட கோவை உற்பத்தியாளர்களின் பம்ப்செட்கள் சிறந்து விளங்குகிறது. இதனால் வட மாநிலத்தில் கோவை குறு, சிறு தொழில் முனைவோர்களின் பம்ப்செட்டிற்கு அதிக கிராக்கி உள்ளது. இந்நிலையில், கடந்த ஜூலை முதல் பம்ப்செட்டிற்கு 12 சதவீதம் விதிக்கப்பட்டுள்ளது.
இதனால் கோவையில் உற்பத்தியாகும் பம்ப்செட்கள் வரியுடன் விற்பனை செய்யப்படுகிறது. ஆனால், வரியின்றி, பில் இல்லாமல் பம்ப்செட்களை விற்கும்படி வட மாநில விற்பனையாளர்கள் எதிர்பார்க்கின்றனர். இதற்கு கோவை உற்பத்தியாளர்கள் உடன்படாததால், கோவை உற்பத்தியாளர்களின் விற்பனை கடந்த 2 மாதமாக சரிந்துள்ளது. இதுகுறித்து கோவை பம்ப்செட் மற்றும் உதிரிபாகங்கள் தயாரிப்பாளர் சங்கம் (கோப்மா) தலைவர் மணிராஜ் கூறியதாவது: பம்ப்செட் மூலப்பொருளுக்கு 18 சதவீத ஜிஎஸ்டி விதிக்கப்பட்டுள்ளது. ஜிஎஸ்டி வரியோடு, மூலப்பொருள் விலை 17 சதவீதம் உயர்ந்துள்ளது. இதனால் உற்பத்தி செலவு அதிகரித்துள்ளது. மூலப்பொருளுக்கு வரி செலுத்தி வாங்கி, 12 சதவீத வரியுடன் பம்ப்செட் விற்பனை செய்தாலே 6 சதவீதம் நஷ்டம் ஏற்படுகிறது.
இந்நிலையில், 12 சதவீத வரியின்றி விற்பனை செய்தால் நஷ்டம் 18 சதவீதமாக உயரும். இதனால், கோவை உற்பத்தியாளர்கள் பில் இல்லாமல் விற்பனை செய்வதில்லை. இதை சாதகமாக பயன்படுத்தி கொண்ட வட மாநில பம்ப்செட் உற்பத்தியாளர்கள் சிலர் பில் இல்லாமல், வட மாநில விற்பனையாளர்களுக்கு விற்று வருகின்றனர். இதனால் வட மாநில பம்ப்செட் விற்பனை அதிகரித்துள்ளது. கோவையில் 25 சதவீத விற்பனை பாதிக்கப்பட்டுள்ளது. ஜிஎஸ்டி அமலாக்கத்தை தமிழகத்தில் தீவிரமாக கண்காணிப்பது போல், வட மாநிலத்திலும் கடைப்பிடித்தால், பில் இன்றி விற்பனை செய்வது தடுக்கப்படும். கோவை பம்ப்செட் விற்பனை முன்பு போல் உயரும்.இவ்வாறு மணிராஜ் கூறினார்
நன்றி
தினகரன்

வட மாநிலங்களில் யாரும் ரசீது கேட்பதில்லை ....
மற்ற கடைகளை விட விலை குறைவாக இருந்தால் மட்டும் போதும்....
இதை எந்த ஆட்சியாளர்களும் அரசு அதிகாரிகளும் கண்டு கொண்டதில்லை ....(கொள்வதில்லை)
கமிஷன் கொடுத்தால் போதும் ...

அரசு பேருந்துகளிலேயே டிக்கெட் இல்லாமல் பாதி விலையில் பயணிக்கும் மனப்பாங்கு அதிகம்...

இவர்கள் நம் தமிழ் வள நாட்டை ஏதோ ஒரு வகையில் கொள்ளை இட்டுக்கொண்டே இருக்கிறார்கள்...


அவர்கள் பாணியில் தமிழர்கள் பிழைக்கத் தெரியாதவர்கள் ...

நீங்களே பாருங்களேன்...
இங்கு கட்டிடம் கட்டிய மேஸ்திரி வேலை செய்தவர் ரூ 200 சம்பளம் போதவில்லை என்று செம்மரம் வெட்டப் போய் துப்பாக்கி குண்டு அடி படுகிறார் .... இறக்கிறார் ...


பீகார்,வெஸ்ட் பெங்கால், பங்களாதேஷிகள் இங்கு கொள்ளூறு பிடிக்கத் தெரியாமல் வீடு கட்டும் மேஸ்த்ரியாகி ரூ 1000, 2000 என்று குவிக்கிறார்...  


பம்பு செட்டு மட்டும் அல்லாது ஏனைய பொருட்களிலும்
விற்பனையில்
கொள்முதலில்
மகா ஊழல் மெகா ஊழல்


யார் மணி கட்டுவது...??????...